Matthew 20:1 - Chishemanituu Utayimuwin: Kaa Uskaach Testament

¹ “Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒫᐤ ᐁ ᐃᔑᓈᑯᐦᒡ ᑭᐦᒋᑮᔑᒄ ᒋᔐᐅᒋᒫᐎᓐ᙮ ᒌ ᐃᐦᑖᐤ ᐯᔭᒀᐤ ᐅᒋᒫᐤ ᐁ ᑎᐱᔦᐅᓰᑦ ᔔᒥᓈᐦᑎᒄ ᓂᐦᑖᐅᒋᐦᒋᑲᓐ ᐊᔅᒌᔫ᙮ ᐯᔭᒀᐤ ᒫᒃ ᐐᐸᒡ ᐁ ᒉᒋᔐᐹᔮᔨᒡ ᒌ ᐐᐎᔫ ᐁ ᓂᑑ ᓈᓂᑐᐌᔨᒫᑦ ᐊᐌᔫᐦ ᒉᒌ ᐅᑖᔅᑯᓈᑦ, ᒉᒌ ᐋᐸᑎᓯᔨᒡ ᐊᓂᑌ ᐅᔔᒥᓈᐦᑎᒄ ᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 20:1 Iomraidhean Croise

Matthew 13:24

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

Matthew 13:31

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuu wetinaat naapeu e ati aaihwaat anite unihtaauchihchikan aschiihch.

Matthew 13:33

Jesus maak chii wiihtamuweu miin kutachiyuu tipaachimuwin chiskutamaachewiniyuu e itaat, “Maau e iteyihtaakuhch kihchikiishikw chisheuchimaawin. Muyaam palet uhpisikan iteyihtaakun, aniyuu kaa chii chiikuunahk iskweu mistahii pahkweshikanihch, misiwe maak uhpiyuuh aniyuuh aaihkunaauh.”

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 20:2

Chii iteu kiipaa an uchimaau che chiishiihkuwaat aniyuu kaa utaaskunaat, peyakw chiishikaau maak e ishpish aapatisiyich peyakw shuuliyaanaapiskwa che ishpish chiishiihkawaat. Chii niskumuyuu maak ekw kaa itishahwaat chechii aapatisiyich anite shuuminaahtikw nihtaauchihchikan aschiihch.

Matthew 21:28

“Chika tipaachimushtaatinaawaau che maamituneyihtamekw maak. Chii ihtaau peyakwaau naapeu e chii niishiyich ukusisa. Ekw kaa nituwaapamaat aniyuu westesimaawiyich ekw kaa itaat, ‘Nikus nituu aapatisih maa anite nishuuminaahtikw nihtaauchihchikan aschiihch anuhchiish.’

Matthew 22:2

“Chika wiihtamaatinaawaau taan e iteyihtaakuhch kihchikiishikw chisheuchimaawin. Muyaam chisheuchimaau e chii ayeskuushtaat e mishaayich makushaaniyuu, ukusisa e makushehaat e chii niipuyich.

Matthew 23:37

“Chiyawaau Jerusalemihch kaa ihtaayekw, kaa nipahekuch anichii uchischiwehiichesuuch kaye kaa paahpimusinaatahwekuch aniyuu Chishemanituu kaa pechi itishahamaataakw, taan tahtwaau kaa wii maausukupititakuch anite ishi e ihtaayaan, muyaam pakahaahkwaan e ihtuutuwaat upakahaahkwaanishimh, shiipaa utatahkunihch e ishi maausukunaat e wii naanaakachihaat. Ekun maak mwehch kaa wii ihtuutaatakuch. Mikw namui kuuhchi pachishtinaawaau uu chechii ihtuutaatakuch.

Matthew 25:1

“Chika wiihtamaatinaawaau taan che ishinaakuhch kihchikiishikw chisheuchimaawin iskutak Iinuu Ukusisa takushihke che chisheuchimaaut. Mwehch mitaahtu ishkweshach e tahkunihkwaau uwaastenimaakanawaauh, e nituu nachishkawaatwaau uschinaapewaan.

Matthew 25:14

“Mwaau miin che ishinaakuhch kihchikiishikw chisheuchimaawin takushihke Iinuu Ukusisa. Mwehch naapeu waahyuu aschiihch e ituhtet, e wiishaamaat maak utaapachihaakanh ekw e itaat che naanaakachihtaayich aniyuu e ishi tipiyeusiit.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Mark 13:34

Ekun mwehch e ishinaakuhch naapeu waahiyuu e wii ispayit. Iskutak che nakatahk wiich utaapachihaakanh miyeu che uchimaawiyich mekwaach ekaa ihtaate. Misiwe paahpeyakw wiihtamuweu che itaapatisiyich. Kaye aniyuuh kaa kanuushkuwaahtaweyich itashumeu yaakwaau chechii naanaakachihtaayich ishkwaahtemiyuu.

John 15:1

Jesus chii iteu uchischinuhamuwaakanh, “Niya eukw chihchiwe shuuminaahtikw ekw Nuuhtaawii chihchiwe kaa nihtaauchihchet.

1 Corinthians 15:58

Eukw maak uu wehchi siihchimitakuch niichishaanitikw kaa saachihiitakuch, yaaichikaapukw e pimaatisiistuwekw Utipeyihchikeu. Ekaawii nuuhtapuuniikw. Suuhk muush aapatisiishtuwaahk Utipeyihchikeu. Wesh chichischeyihtenaawaau cheshtinaash ekaa sheshkwaaht aapatisiishtawekw Utipeyihchikeu.

Hebrews 13:21

Mistahii chichii ihtuutamaakuwaau Chishemanituu Jesus uhchi ekw maak netutamuuk chechii miitaakw misiwe aniyuu kaa miywaayikwaau chekwaayuu e ishi nituweyihtamekw chechii ihtuutamuwekw utiteyihtamuwin. Nitayimihaau kaye chechii aapatisit anite chipimaatisiiwiniwaahch ekw maak chechii naniheyihtamihiikut aniyuu e itaatisiiwekw. Muush maak maamihchimaataau Jesus Christ kaachiche kaye kaachiche. Amen.