Matthew 2:7 - Chishemanituu Utayimuwin: Kaa Uskaach Testament

⁷ Iskutak Herod kaa pehtahk uyuu chiimuut chii wiishaameu aniyuu kaa kachehtaaweyihtamiitwaauh naapeuh, ekw kaa kakwechimaat taaishpish nihaau kaa waapamaayich aniyuu achahkusha e nuukusiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐃᔅᑯᑕᒃ ᐦᐁᕋᑦ ᑳ ᐯᐦᑕᐦᒃ ᐅᔫ ᒌᒨᑦ ᒌ ᐐᔖᒣᐤ ᐊᓂᔫ ᑳ ᑲᒉᐦᑖᐌᔨᐦᑕᒦᑣᐤᐦ ᓈᐯᐤᐦ, ᐁᒄ ᑳ ᑲᑴᒋᒫᑦ ᑖᐃᔥᐱᔥ ᓂᐦᐋᐤ ᑳ ᐙᐸᒫᔨᒡ ᐊᓂᔫ ᐊᒐᐦᑯᔕ ᐁ ᓅᑯᓯᔨᒡ᙮

Matthew 2:7 Iomraidhean Croise

Matthew 2:1

Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

Matthew 2:16

Eshkw maak mekwaach e chii pimaatisiit Herod iskutak chescheyihtahk e chii pishiiwiikut aniyuu kaa kachehtaaweyihtamiitwaauh naapeuh chii mista chishuwaasuu. Ekw kaa itashuwet chechii nipahaakanuyich misiwe awaasha e naapeshiiwiyich kaa niishupunesiyich anite maak ishi niihtaahch anite Bethlehemihch kaa ihtaayich ekw maak waaskaa anit kaa ihtaayich, eukw uyuu wehchii ihtuutuwaat wesh ekun wiyesh kaa ishpish wiihtamaakut aniyuu kaa kachehtaaweyihtamiitwaauh naapeuh niishu pipun anite utaahch ekut niishtam kaa waapamaayikupanenh aniyuu achahkusha.

Matthew 2:8

Ekw kaa itishahwaat aniyuu kaa kachehtaaweyihtamiitwaauh naapeuh anite Bethlehemihch e itaat, “Maachiikw tekash nituu naanituwaapamaahkw an awaash, iskutak maak miskuwekwe, che pechi wiihtamuuyekw chechii nituwaapamak, kaye niya chechii nituu nuuchiishtuuk.”

ᐊᐸᔅᑕᓚᒡ 24:22

Chisheuchimaau Felix maak kaye wiya chii miyu chischeyihtam aniyuu meskanaayuu Chishemanituu kaa itweyich chechii ishi pimuhtaanuyich chechii uhchi pimaachihunaanuyich. Ekw kaa chipahahk aniyuu e ishi wiyaaskunikaanuyich ekw kaa itaat aniyuu Paul, “Iskutak chii takushihke an shimaakanisha kaa wiishuwaataat Lysias kaa ishinihkaasut ekw chihchiwe che wiyeyihtamaan taan che itashuwaatitaan.”

Revelation 12:15

Ekw an mista manichuush kaa aapahahk utuun. Nipiyuu kaa uhchichuuniyich anite utuunihch uhchi mwehch siipiih e itaachuuniyich. Eukw uyuu e wepaapuyaat aniyuuh iskweuh aniyuu e ishi weyuutaachuuniyich nipiiyuu uhchi.