Matthew 2:6 - Chishemanituu Utayimuwin: Kaa Uskaach Testament

⁶ Bethlehem anite Judah aschiihch kaa ihtakuhch ihtaawin, namui ekaa chika uhchi chiihkaayeyihtaakun an ihtaawin e tahtihkwaau ihtaawin anite Judah, wesh ekute che uhchiit an che niikaanishkuwaat kaye che chischinuhtahaat Israel nitiiniim.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐯᑦᓖᐦᐁᒻ ᐊᓂᑌ ᒍᑕ ᐊᔅᒌᐦᒡ ᑳ ᐃᐦᑕᑯᐦᒡ ᐃᐦᑖᐎᓐ, ᓇᒧᐃ ᐁᑳ ᒋᑲ ᐅᐦᒋ ᒌᐦᑳᔦᔨᐦᑖᑯᓐ ᐊᓐ ᐃᐦᑖᐎᓐ ᐁ ᑕᐦᑎᐦᒀᐤ ᐃᐦᑖᐎᓐ ᐊᓂᑌ ᒍᑕ, ᐌᔥ ᐁᑯᑌ ᒉ ᐅᐦᒌᑦ ᐊᓐ ᒉ ᓃᑳᓂᔥᑯᐙᑦ ᑲᔦ ᒉ ᒋᔅᒋᓄᐦᑕᐦᐋᑦ ᐃᔅᕋᐁᓪ ᓂᑏᓃᒻ᙮

Matthew 2:6 Iomraidhean Croise

Matthew 2:1

Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

Matthew 28:18

Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

John 21:16

Niishwaau maak miin Jesus chii iteu aniyuu Simon Peter, “Simon, John kaa ukusiitutaask, chisaachihiin aa.” Ekw kaa ishi nishkweushihaat, “Ehe, Utipeyihchikeu, chichischeyihten e saachihiitan.” Jesus maak chii iteu, “Nanaakachihiich nimaanishchaanishimach.”

John 7:42

Itashteu Chishemanituu utayimuwinihch, ‘Anite David e ihtaayich chika uhchi aanische pimaatisiyuu an Christ, anite maak Bethlehemihch aniyaanaa David kaa uhchiit ekute chipaa pimaatisiyuu.’ ”

Ephesians 1:22

Chishemanituu chii miyeu Christ misiwe chekwaayuu chechii uchimaahkahtamiyich kaye anite chii ishi pachishtineu umaamuuayimihaauh e ihtaayitwaauh wiya misiwe chekwaayuu chechii niikaanishkamiyich.

Colossians 1:18

Wiya niikaanishkam wiiyuu, eukunh uyuu umaamuuayimihaauh. Wiya maauch niishtam chii ihtaau Christ kaye wiya maauch niishtam kaa wanishkaanaakanuut nipuwinihch uhchi, kaye maak misiwe chekwaan taan e ishi ihtakuhch wiya maauch niikaan iteyihtaakusuu.

Hebrews 7:14

Misiwe awen chischeyihtam uyuu. Jesus Judah e ihtaayich chii uhchi aanische pimaatisiyuu. Kaye maak chichischeyihtenaanuu Moses ekaa uhchi wiihaat Judah e ihtaayich e uhchiyich aweyuu chechii ayimiheuchimaawiyich.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”

Revelation 2:27

Aniyuu tipeyihchewiniyuu kaa pechi miyich Nuuhtaawiih eukw aniyuu che miikwaau kaye wiyawaau. Anite maak Chishemanituu utayimuwinihch kaa itashteyich, tekash chika uchimaahkahtuweu. Aniyuuh ekaa che nituhtaakuukwe chika piikuhweu mwehch wiyaakan tekash e piikuhiikanuuhkwaau ekun che ihtuutawaat.

Revelation 7:17

Wesh an Maanishchaanish tetaauch anit e ihtakuniyich aniyuu chisheuchimaau tehtapuwiniyuu eukuu Maanishchaanishuiinuu che miyu kanuweyimaat uyuuh. Kaye chika ituhtaheu anit e ihtakuniyich e muuschichuuniyich pimaatisiyuu nipiiyuu. Ekw maak Chishemanituu che kaasiihamuwaat uschiishikuyuuh misiwe aniyuuh kaa uhchihkuwaapiitwaauh.”