Matthew 2:22 - Chishemanituu Utayimuwin: Kaa Uskaach Testament

²² Mikw maak iskutak Joseph piyehtahk Archelaus e chii miishkuchishkuwaakupane aniyuu uhtaawiih Herod e chisheuchimaaupinaanuyich anite Judea aschiihch, ekw kaa kushtaachit chechii wiichit anite. Ekw miin kaa wiihtamuwaakanuut taan che ihtit e puwaamut, ekw anite Galilee aschiihch ekute kaa ituhtetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒥᒄ ᒫᒃ ᐃᔅᑯᑕᒃ ᒞᓴᕝ ᐱᔦᐦᑕᐦᒃ ᐊᕐᒉᓚᐅᔅ ᐁ ᒌ ᒦᔥᑯᒋᔥᑯᐙᑯᐸᓀ ᐊᓂᔫ ᐅᐦᑖᐐᐦ ᐦᐁᕋᑦ ᐁ ᒋᔐᐅᒋᒫᐅᐱᓈᓄᔨᒡ ᐊᓂᑌ ᒎᑎᔭ ᐊᔅᒌᐦᒡ, ᐁᒄ ᑳ ᑯᔥᑖᒋᑦ ᒉᒌ ᐐᒋᑦ ᐊᓂᑌ᙮ ᐁᒄ ᒦᓐ ᑳ ᐐᐦᑕᒧᐙᑲᓅᑦ ᑖᓐ ᒉ ᐃᐦᑎᑦ ᐁ ᐳᐙᒧᑦ, ᐁᒄ ᐊᓂᑌ ᑲᓕᓖ ᐊᔅᒌᐦᒡ ᐁᑯᑌ ᑳ ᐃᑐᐦᑌᑣᐤ᙮

Matthew 2:22 Iomraidhean Croise

Matthew 1:20

Mekwaach uyuu e maamituneyihtahk, iskutak maak nepaat, Utipeyihchikeu utenichilamiyuuh chii nuukushiishtaakuu upuwaamuwinihch e itikut, “Joseph, chiya aniyaa David aanische ukusisa, ekaawii kushtaach chechii wiichimat Mary wesh Kaa payehchisiyich Ahchaahkwa chii ihtuutaakuu chechii ayaawaat aniyuu awaasha.

Matthew 2:1

Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

Matthew 2:19

Iskutak maak kaa nipiyich Herod, ekw Utipeyihchikeu utenchilamiyuuh kaa nuukushiishtaakut Joseph upuwaamuwinihch. Eshkw mekwaach anite Egypt chii ihtaauch. Chii itikuu maak,

Matthew 2:21

Ekw Joseph kaa wanishkaat, kaa chistuhtahaat aniyuu awaasha kaye aniyuu ukaawiyuuh, kaau anite Israel aschiihch kaa ituhtahaat.

Matthew 3:13

Paatimaa maak Jesus chii takushinuu Galilee aschiihch e uhtuhtet, kaa nituwaapamaat aniyuu John anite Jordan Siipiihch chechii siikahaahtaakut.

Luke 2:39

Iskutak maak Jesus uniichihiikw kaa ishi ihtuutahkwaau misiwe kaa ishi wiishtaakanuyich anite Utipeyihchikeu utayimihewin wiishuweusinahiikaniyuu, kaau chii chiiweuch anite kaa uhchiitwaau Nazareth kaa ishinihkaateyich ihtaawiniyuu anite Galilee aschiihch.

John 7:52

Chii nishkweushiheuch maak e itaatwaau, “Kaye chiya aa Galilee aschiihch kuuhchiyin. Ayimihtaayine Chishemanituu utayimuwin chika chischeyihten ekaa wiiskaat uhchi uhchiit awen e uchischiwehiichesuut anite Galilee aschiihch.”