Matthew 2:15 - Chishemanituu Utayimuwin: Kaa Uskaach Testament

¹⁵ Ekut maak kaa ihtaatwaau paatish kaa nipiyich Herod. U maak kaa ispayihch ekw kaa taapwemakaniyich Utipeyihchikeu uchischiwehiichesiimh kaa itweyich e chii itwet, “Anite Egypt uhchi nichii uhchi tepwaataau nikus.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐁᑯᑦ ᒫᒃ ᑳ ᐃᐦᑖᑣᐤ ᐹᑎᔥ ᑳ ᓂᐱᔨᒡ ᐦᐁᕋᑦ᙮ ᐅ ᒫᒃ ᑳ ᐃᔅᐸᔨᐦᒡ ᐁᒄ ᑳ ᑖᐺᒪᑲᓂᔨᒡ ᐅᑎᐯᔨᐦᒋᑫᐤ ᐅᒋᔅᒋᐌᐦᐄᒉᓰᒻᐦ ᑳ ᐃᑗᔨᒡ ᐁ ᒌ ᐃᑗᑦ, ᐊᓂᑌ ᐄᒋᑉ ᐅᐦᒋ ᓂᒌ ᐅᐦᒋ ᑌᑆᑖᐤ ᓂᑯᔅ᙮

Matthew 2:15 Iomraidhean Croise

Matthew 1:22

Eukun nihaau kaa ispayiyich taan kaa pechi itweyikupanenh Utipeyihchikeu uchischiwehiichesiimh kaa itweyich,

Matthew 2:14

Ekw Joseph kaa wanishkaat, kaa chistuhtahaat aniyuu awaasha ekw maak aniyuu ukaawiyuu e mekwaatipiskaayich. Anite Egypt ekute kaa ituhtahaat.

Matthew 2:17

Ekw maak kaa ispayiyich taapwe taan kaa ishi niikaan wiihtamukupane che ispayiyich aniyaa uchischiwehiichesuu Jeremiah, chii itweu,

Matthew 2:19

Iskutak maak kaa nipiyich Herod, ekw Utipeyihchikeu utenchilamiyuuh kaa nuukushiishtaakut Joseph upuwaamuwinihch. Eshkw mekwaach anite Egypt chii ihtaauch. Chii itikuu maak,

Matthew 2:23

Ekw anite Nazareth kaa ishinihkaateyich ihtaawiniyuu ekute kaa wiichitwaau. Ekw maak kaa taapwemakaniyich weskach taan kaa itwetwaau aniyehkaanaanich uchischiwehiichesuuch kaa itwetwaau, “Nazareth kaa uhchiit chika ishinihkaataakanuu.”

Matthew 21:4

Wesh an peyakw uchischiwehiichesuu kaa itwekupane uyuu che ispayiyich, chii taapwekupane uyuu kaa itwet,

Matthew 26:54

Mikw maak an ihtiyaane, taanite chechii uhchi ispayihch an kaa itashtech Chishemanituu utayimuwinihch an chipaa ispayuu.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Matthew 27:35

Iskutak maak kaa chiistaaskuhwaatwaau Jesus, chii katetaaunamaatuuch uchekwaanimiyuuh. Chii chaahkahuutuuch, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh. Uyuu maak kaa ihtitwaau ekut kaa tipipayiyich taan kaa itweyich aniyaa uchischiwehiichesuu, chii mamaatinamaatuuch nichekwaanim kaye chii taauhiikaanuu nitakuhp.

Matthew 8:17

Aniyuu maak kaa ihtuutahk chii ispayiniyuu taan kaa ishi niikaan wiihtamukupane che ispayiyich aniyaa uchischiwehiichesuu Isaiah kaa itwet, Chichii miinuwaachihiikunuu kaye chii iichenam misiwe nanaahkuu chititaaspinewinuuh.

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

John 19:36

Chii ispayuu uu chechii tipipayihch taan kaa ishi niikaan wiihtaakanuukupane Chishemanituu utayimuwinihch che ispayikupane, itashteu, Namui waachipeyakw uhchi naatwaahiikanuuyuu wiya uskanh.

ᐊᐸᔅᑕᓚᒡ 1:16

Ekw kaa itaat, “Niichishaanitikw, an kaa ishi niikaan wiihtaakuhch anite Chishemanituu utayimuwinihch yaaitei chii nituweyihtaakun misiwe chechii ispayihch. Eukw uyuu Kaa payehchisiit Ahchaahkw kaa ishi miyaat aniyaa David chechii niikaan wiihtamiyich taan che ihtiikupanenh Judas. Eukw uu Judas kaa ituhtahaat shimaakanisha Jesus e ihtaayich chechii maakunaayich.