Matthew 2:1 - Chishemanituu Utayimuwin: Kaa Uskaach Testament

¹ Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐊᓂᑌ ᒫᒃ ᐯᑦᓖᐦᐁᒻ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᐊᓂᑌ ᒎᑎᔭ ᐊᔅᒌᐦᒡ ᑳ ᐃᐦᑕᑯᓂᔨᒡ ᐁᑯᑌ ᑳ ᐱᒫᑎᓰᑦ ᒌᓴᔅ᙮ ᒣᒀᒡ ᐦᐁᕋᑦ ᒌ ᒋᔐᐅᒋᒫᐎᔫᐦ᙮ ᒌ ᐅᐦᒋ ᑕᑯᔑᓅᒡ ᒫᒃ ᓈᐯᐅᒡ ᑳ ᑲᒉᐦᑖᐌᔨᐦᑕᐦᒀᐤ ᐊᓂᑦ ᒉᕉᓴᓚᒥᐦᒡ ᐙᐸᓅᑖᐦᒡ ᐁ ᐅᐦᑐᐦᑌᑣᐤ᙮

Matthew 2:1 Iomraidhean Croise

Matthew 1:25

Mikw maak namui wiiskaat uhchi pischeyimeu paatishkaan kaa pimaatisiyich aniyuu utawaashiimiyuuh. Joseph maak Jesus chii ishinihkaateu aniyuu awaasha.

Matthew 2:16

Eshkw maak mekwaach e chii pimaatisiit Herod iskutak chescheyihtahk e chii pishiiwiikut aniyuu kaa kachehtaaweyihtamiitwaauh naapeuh chii mista chishuwaasuu. Ekw kaa itashuwet chechii nipahaakanuyich misiwe awaasha e naapeshiiwiyich kaa niishupunesiyich anite maak ishi niihtaahch anite Bethlehemihch kaa ihtaayich ekw maak waaskaa anit kaa ihtaayich, eukw uyuu wehchii ihtuutuwaat wesh ekun wiyesh kaa ishpish wiihtamaakut aniyuu kaa kachehtaaweyihtamiitwaauh naapeuh niishu pipun anite utaahch ekut niishtam kaa waapamaayikupanenh aniyuu achahkusha.

Matthew 2:19

Iskutak maak kaa nipiyich Herod, ekw Utipeyihchikeu utenchilamiyuuh kaa nuukushiishtaakut Joseph upuwaamuwinihch. Eshkw mekwaach anite Egypt chii ihtaauch. Chii itikuu maak,

Matthew 2:3

Iskutak maak chisheuchimaau Herod piyehtahk uyuu, naashch chii mukushkaateyihtam kaye misiwe awenichii anit Jerusalemihch kaa ihtaatwaau kaye wiyawaau chii ayimitutamuch uyuu.

Matthew 2:5

Ekw kaa itikut, “Chii iinaanuu kiipaa anite aniyuu ihtaawiniyuu Bethlehem kaa ishinihkaateyich anite itehche Judea aschiihch ekute che pimaatisiit an Christ. Wesh maauyuu kaa itisinahamukupane an uchischiwehiichesuu,

Matthew 2:7

Iskutak Herod kaa pehtahk uyuu chiimuut chii wiishaameu aniyuu kaa kachehtaaweyihtamiitwaauh naapeuh, ekw kaa kakwechimaat taaishpish nihaau kaa waapamaayich aniyuu achahkusha e nuukusiyich.

Luke 1:5

Mekwaach Herod kaa chisheuchimaaut anite Judea aschiihch, chii ihtaau Jewa ayimiheuchimaau Zechariah e chii ishinihkaasut. Aniyaa Abijah kaa ishinihkaasuyich ayimiheuchimaau e ihtaayich ekute kaa uhchiyit Zechariah. Chii pechi maamiiskuchishkaatuuch ayimiheuchimaauch anichii Abijah e ihtaayich kaa uhchiitwaau. Wiichiskweu maak Elizabeth chii ishinihkaasuyuuh. Uu maak Elizabeth anite Aaron kaa ishinihkaasuyich ayimiheuchimaauh e ihtaayich chii uhchi aanische pimaatisiikupane.

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

Luke 2:15

Iskutak maak anichii enchilich kaa uhpiskaatwaau kihchikiishikuhch ishi, anichii maanishchaanishuiinuuch chii itituuch, “Ituhtetaau Bethlehemihch, che waapahtamuhkw taan kaa ispayihch taan kaa ishi pechi wiihtamaatahkw Utipeyihchikeu utenchilam.”

John 7:42

Itashteu Chishemanituu utayimuwinihch, ‘Anite David e ihtaayich chika uhchi aanische pimaatisiyuu an Christ, anite maak Bethlehemihch aniyaanaa David kaa uhchiit ekute chipaa pimaatisiyuu.’ ”