Matthew 19:6 - Chishemanituu Utayimuwin: Kaa Uskaach Testament

⁶ Namui shaash niishu awenichii chika uhchi ishinaakusuuch, maak mikw e peyakushit awen chika ishinaakusuuch. Aniyuu maak aweyuu Chishemanituu kaa wiichistiyaat, namui awen chipaa uhchi pahkaaniheu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᓇᒧᐃ ᔖᔥ ᓃᔓ ᐊᐌᓂᒌ ᒋᑲ ᐅᐦᒋ ᐃᔑᓈᑯᓲᒡ, ᒫᒃ ᒥᒄ ᐁ ᐯᔭᑯᔑᑦ ᐊᐌᓐ ᒋᑲ ᐃᔑᓈᑯᓲᒡ᙮ ᐊᓂᔫ ᒫᒃ ᐊᐌᔫ ᒋᔐᒪᓂᑑ ᑳ ᐐᒋᔅᑎᔮᑦ, ᓇᒧᐃ ᐊᐌᓐ ᒋᐹ ᐅᐦᒋ ᐸᐦᑳᓂᐦᐁᐤ᙮

Matthew 19:6 Iomraidhean Croise

Matthew 19:5

Chii itekupane maak Chishemanituu, ‘Uu uhchi, naapeu chika nakateu uniichihiikw che wiichimaat wiichiskweu ekw maak che peyakunakusitwaau.’ Eukw uyuu kaa itwekupane Chishemanituu.

Matthew 19:7

Ekw kaa itikut aniyuu Phariseeh, “Chekwaayuu maak wehchi wiishtaat uyuu wiishuwewiniyuu Moses e itashteyich, ‘Naapeu wii wepinaate wiichiskweu yaaitei niyaakan chika wiihtamuweu masinahiikaniyuu e miyaat, ekw maak yaakw che nakataat.’ ”

Mark 10:9

Aniyuuh aweyuuh Chishemanituu e chii ihtuutuwaat chechii wiichihtuyich ekaawii awen kata uhchi ihtuutaweu chechii nakatituyich.”

Romans 7:2

Muyaam iskweu taan e ishinaakusit, itashteyuu wiishuwewinihch ekaa chechii nakataat unaapem eshkw e pimaatisiyich. Chiishpin maak puunipimaatisiichenh aniyuu unaapemh ekw kiipaa namui ekw chika maamaahchikwaapihkaatikuu aniyuu wiishuwewiniyuu.

Ephesians 5:28

Mwehch maak uyuu Christ kaa ishi saachihiiwet kaye wiya naapeu chipaa saachiheu wiichiskweu mwehch e ishpish saachihtaat wiiyuu. Naapeu kaa saachihaat wiichishkweu nuukuniyuu e saachihiisut.

Hebrews 13:4

Kaye miin kutach chekwaan che ititakuch, misiwe awen chipaa chisteyihtamihiikuu wiichihtuuwiniyuu. An naapeu kaye wiichiskweu mikw wiyawaau chipaa wiihpemituuch. Namui chipaa uhchi pisikwaatisiyuch. Wesh Chishemanituu cheshtinaash kata wiyaaskuneu aniyuu kaa wiinisuuwaatisiyich kaye aniyuu kaa pisikwaatisiyich.