Matthew 19:29 - Chishemanituu Utayimuwin: Kaa Uskaach Testament

²⁹ Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᒥᓯᐌ ᐊᐌᓐ ᑳ ᓇᑲᑕᐦᒃ ᐐᒋ ᑲᔦ ᑳ ᓇᑲᑖᑦ ᐐᒋᔖᓐᐦ, ᐅᓃᒋᐦᐄᑯᐦ ᑲᔦ ᐅᑕᐙᔒᒻᐦ ᑲᔦ ᒫᒃ ᑳ ᓇᑲᑕᐦᒃ ᐅᑕᔅᒌ ᓂᔭ ᐅᐦᒋ ᐅᔅᑌ ᒥᑖᐦᑐᒥᑕᓀᐙᐤ ᒋᑲ ᒌᐌᒥᔮᑲᓅ ᑲᔦ ᑳᒋᒉ ᐱᒫᑎᓰᐎᓂᔫ ᒋᑲ ᒥᔮᑲᓅ᙮

Matthew 19:29 Iomraidhean Croise

Matthew 10:22

Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

Matthew 13:23

An maak shuumin kaa pahchishihk e miywaashiyich aschiihch mwehch eukw e ishinaakusitwaau anichii iinuuch kaa nituhtahkwaau Chishemanituu utayimuwiniyuu. Nanihiihtamuch, nuukuniyuu upimaatisiiwiniwaahch taan e ishi miyu nihtaauchihiikutwaau.”

Matthew 13:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch maak mitaahtumitanuu chii nihtaauchin peyakw shuumin uhchi, ekw kutak kutwaashumitanuu chii nihtaauchin ekw kutak nishtumitanuu chii nihtaauchin peyakw shuumin uhchi.”

Matthew 16:25

Awen kaa wii kanuweyihtamaasut upimaatisiiwin kata wanihtaau. An maak awen kaa wii pachishtinahk misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut eukw an che miyaakanuut pimaatisiiwiniyuu.

Matthew 19:16

Peyakwaau naapeu chii pechi nituwaapameu Jesus e itaat, “Chiskutamaachesuu, chekwaan chechii ihtuutamaan e miywaashich chechii uhchi ayaayaan kaachiche pimaatisiiwin.”

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 25:46

Eukw maak uchii kaa machaatisiitwaau che itishahwaakanuutwaau anite kaachiche che ishi nanehkaateyimutwaau, ekw anichii kaa kuiskutaatisiitwaau anite kaachiche pimaatisiiwinihch che itishahwaakanuutwaau.”

Matthew 5:11

“Chishaweyihtaakusinaawaau e maayeyimikuyekw, maak e nanehkaachihiikuyekw kaye e nanatayaachimikuyekw niya uhchi e pechi nuushuushkuuyekw.

Matthew 6:33

Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

Luke 14:26

“Awen waa nuushuushkuukwe taan e ishi pimaatisiyaan, niya etituu nika saachihiikw e ishpish saachihaat uhtaawii maak ukaawii, wiichiskweu, utawaashiim maak tipiiwe wiichishaan. Niya uste nika saachihiikw ishpishaat wiya e ishpish saachihtaat tipiiwe upimaatisiiwin. Ekaa maak chii ihtite namui nika chii uchischinuhamuwaakanitutuwaau.

Luke 5:11

Chii seschipitamuch maak uchiimaanuwaauh kaa nakatahkwaau misiwe chekwaayuu anit, ekw kaa wiichewaatwaau Jesus.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

John 15:19

Iteyihtaakusiyekw maak taan e iteyihtaakusitwaau chipaa saachihiikuwaauch mwehch e ishi sasaachihiitutwaau wiyawaau. Mikw maak e chii wiyaapamitakuch eukw wehchi uhkaatitaakuch, wesh taapaa anite e ihtaatwaau chit ishi wiichihiiwenaawaau ekw.

John 4:36

An kaa maamuushtinahk aniyuu nihtaauchihchikanh chiishiihkawaakanuu. Mwehch an awen kaa wiichihaat aweyuu chechii ayaayich kaachiche pimaatisiiwiniyuu ekun e ishinaakusit. Ekw maak an kaa nihtaauchihchet kaye an kaa maamuushtinahk aniyuu nihtaauchihchikanh taapishkun che miyeyihtahkwaau wesh taapishkun chii aapatisuuch.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

1 Corinthians 2:9

Wesh itashteu Chishemanituu utayimuwinihch, Namui awen uhchi waapahtam kaye namui awen uhchi pehtam nesht namui awen uhchi chischeyihtam taan kaa ishi ayeskuushtamuwaat Chishemanituuh aniyuuh kaa saachihiikut.

2 Corinthians 5:16

Namui maak ekw uschich e ishinawaakanuut awen nit ishi kanawaapamaanaan. Ekun kaa ishi kanawaapamachiht Christ peyakwaau. Namui ekw anite nit ishi kanawaapamaanaan.

Philippians 3:8

Namui maak mikw aniyuuh chekwaayuuh kaa aayimuutamaan nuuhchi wepinen. Misiwe kutach chekwaan namui mitun nitaapateyihtamihiikun e ishpish etituu iteyihtaakuhch e chischeyimak Christ Jesus taapwe e Utipeyihchikemiyaan. Wiya uhchi eukuu wehchii pachishteyihtamihiikuyaan misiwe uyuuh chekwaayuu, wepinaasun nititeyihtamihiikun uyuuh chekwaayuuh, wiya chechii wiicheuk,

1 Peter 4:14

Wesh chiishpin maayeyimikuyekwe Christ e nuushuushkuwekw, chishaweyihtaakusinaawaau wesh ekut wehchi chischeyihtaakuhch taapwe e wiicheutaakw kaa chisteyihtaakusit Ahchaahkw, Chishemanituu Utahchaahkwa.

3 John 1:7

Wesh chistuhteuch Christ chechii atushkuwaatwaau. Namui uhchi nitaweyihtamuweuch aniyuuh ekaa kaa taapwehtamiitwaau chekwaayuu chechii ishi wiichihiikutwaau.