Matthew 19:27 - Chishemanituu Utayimuwin: Kaa Uskaach Testament

²⁷ Ekw Peter kaa itwet, “Kanawaapahta maa. Shaash misiwe chekwaan nichii nakatenaan chechii nuushuushkaataahch. Uu maak kaa ishi ihtuutamaahch chekwaayuu maak che miikuyaahch Chishemanituu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐁᒄ ᐲᑕᕐ ᑳ ᐃᑗᑦ, ᑲᓇᐙᐸᐦᑕ ᒫ᙮ ᔖᔥ ᒥᓯᐌ ᒉᒀᓐ ᓂᒌ ᓇᑲᑌᓈᓐ ᒉᒌ ᓅᔔᔥᑳᑖᐦᒡ᙮ ᐆ ᒫᒃ ᑳ ᐃᔑ ᐃᐦᑑᑕᒫᐦᒡ ᒉᒀᔫ ᒫᒃ ᒉ ᒦᑯᔮᐦᒡ ᒋᔐᒪᓂᑑ᙮

Matthew 19:27 Iomraidhean Croise

Matthew 19:26

Ekw Jesus kuiskw kaa kanawaapamaat e itaat, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

Matthew 19:28

Ekw Jesus kaa itaat, “Chika cheshtinaahunaawaau, iskutak Iinuu Ukusisa apiyichen chisheuchimaau tehtapuunihch miin uskaache aschii, ekw kaye chiyawaau nichischinuhamuwaakanitikw che apiyekw niishushaap uchimaau tehtapuunih, che wiyaaskunekuch niishushaap kaa itiskaanesitwaau Israel iinuuch.

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

Mark 10:28

Peter chii uhchi ayimuu e itwet, “Kanawaapahta maa, misiwe chekwaan nichii nakatenaan chechii nuushuushkaataahch.”

Mark 2:14

Aniyuu maak e ati pimuhtet chii utihteu naapeu chisheuchimaau shuuliyaayuu kaa maamuushtinamiyich e itaapatisiyich. Levi chii ishinihkaasuyuuh. Alphaeus chii ishinihkaasuyuuh uhtaawiyuuh. Mekwaach anite umasinahiicheukamikuhch chii apuu uu Levi. Ekw kaa itaat Jesus, “Pechi papaawiicheuh.” Chii pishikuu maak Levi kaa ati wiichewaat Jesus.

Luke 14:33

Ekw Jesus miin kaa ati itwet, eukun maak mwehch e ishinaakuniyich awen kaa nituweyihtahk chechii uchischinuhamuwaakanitutuuk, paatish kata pachishteyihtam misiwe chekwaayuu e ishi ayaat.”

Luke 15:29

Ekw kaa itaat uhtaawii, ‘Kanawaahta maa, mihchetupunh ekw kaa ishpish atushkaataan namui maak wiiskaat nuuhchi ihtin ekaa chechii nanihiihtamaan taan kaa itashuweyin. Chekwaan maak kaa pechi miyin niya chechii uhchi wiichimakushemakwaau niwiichewaakanich.

Luke 18:28

Ekw Peter kaa itwet, “Kanawaapahta maa. Shaash misiwe nichii nakatenaan niichinaanh chechii nuushuushkaataahch.”

Luke 5:11

Chii seschipitamuch maak uchiimaanuwaauh kaa nakatahkwaau misiwe chekwaayuu anit, ekw kaa wiichewaatwaau Jesus.

1 Corinthians 1:29

Eukw uyuu kaa ihtit Chishemanituu ekaa waawaach peyakw aweyuu chechii maamihchimuyich wiya anite ishi e ihtaat.

1 Corinthians 4:7

Awen kaa miitaakw naashch chihchiwe chechii iteyimisuwekw. Namui aa Chishemanituu kuuhchi miikuwaau misiwe taan e ishi ayaawekw. Chishemanituu e chii miitaakw uyuuh miiwewinh namui ishinaakun chechii maamihchimuyekw muyaam ekaa wii uhchi miitaakw chechii ihtiyekw.

Philippians 3:8

Namui maak mikw aniyuuh chekwaayuuh kaa aayimuutamaan nuuhchi wepinen. Misiwe kutach chekwaan namui mitun nitaapateyihtamihiikun e ishpish etituu iteyihtaakuhch e chischeyimak Christ Jesus taapwe e Utipeyihchikemiyaan. Wiya uhchi eukuu wehchii pachishteyihtamihiikuyaan misiwe uyuuh chekwaayuu, wepinaasun nititeyihtamihiikun uyuuh chekwaayuuh, wiya chechii wiicheuk,