Matthew 19:24 - Chishemanituu Utayimuwin: Kaa Uskaach Testament

²⁴ Miin peyakwaau nika itwen, etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anite pekuneyaapiskaayich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒦᓐ ᐯᔭᒀᐤ ᓂᑲ ᐃᑗᓐ, ᐁᑎᑑ ᐋᔨᒪᓂᔫ ᐊᐌᓐ ᑳ ᒦᓯᑎᓰᑦ ᒉᒌ ᐲᐦᒉᑦ ᒋᔐᒪᓂᑑ ᐅᒋᔐᐅᒫᐎᓃᐦᒡ ᐃᔥᐱᔖᑦ ᐊᓐ ᐊᐌᓰᔅ ᑳ ᒥᔅᑕ ᐱᔅᒀᑯᓀᑦ ᒉᒌ ᔖᐳᔥᑲᐦᒃ ᔖᐳᓂᑲᓂᔫ ᐊᓂᑌ ᐯᑯᓀᔮᐱᔅᑳᔨᒡ᙮

Matthew 19:24 Iomraidhean Croise

Matthew 19:25

Iskutak maak piyehtahkwaau anichii chischinuhamuwaakanich uyuu, naashch chii kushkupayuuch, ekw kaa ititutwaau, “Awen maak ekw chechii pimaachihut.”

Matthew 19:26

Ekw Jesus kuiskw kaa kanawaapamaat e itaat, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

Matthew 23:24

Chiyawaau ekaa kaa waapahtahkwaau kaa ishinaakusiyekw, ekaa mitun nisituhtamekw, yaapach e wii chischinuhtahekuch awenichii. Naashch yaakwaau chiwiishi naanaakachihtaanaawaau taan e ishi nihiitaakanuuhkwaau aniyuu wiishuwewin ekaa naashch kaa chisteyihtaakuhkwaau ekw aniyuu kaa chisteyihtaakuhkwaau namui chit ishpish nanaakatuweyihtamihiikunaawaau, muyaam awen naashch yaakwaau kaa ihtit chechii saapupayihaat manichuushiisha mikw maak muush kaa saapuhtuwepayihiikut ekun e ishinaakusiyekw.”

Luke 18:25

Etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anite pekuneyaapiskaayich.”

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

John 5:44

Taanite chechii uhchi taapwehtamekw mikw naapeu e wii nanihiiwehekw ekaa wii nanihiiwehekw Chishemanituu.