Ekw maak an kutak shuumin kaa pahchishihk anite e ihtakuniyikwaauh kaa kaasutewaaskuhkwaauh niipisiyaahtikw, e ati nihtaauchit maak mwehch eukw e ishinaakusitwaau iinuuch kaa nituhtahkwaau Chishemanituu utayimuwiniyuu. Aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.
Matthew 19:22 - Chishemanituu Utayimuwin: Kaa Uskaach Testament22 Iskutak maak piyehtahk an naapeu uyeyuu naashch taapwe chii macheyihtam wesh naashch chii miisitisiyuu. Faic an caibideilᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ22 ᐃᔅᑯᑕᒃ ᒫᒃ ᐱᔦᐦᑕᐦᒃ ᐊᓐ ᓈᐯᐤ ᐅᔦᔫ ᓈᔥᒡ ᑖᐺ ᒌ ᒪᒉᔨᐦᑕᒻ ᐌᔥ ᓈᔥᒡ ᒌ ᒦᓯᑎᓯᔫ᙮ Faic an caibideil |
Matthew 19:22
17 Iomraidhean Croise
Naashch chii macheyihtam chisheuchimaau Herod iskutak kaa pehtahk taan e ishi nituweyihtamiyich aniyuu ishkwesha, mikw maak yaapach chii miyeu aniyuu kaa ishi nituweyihtamiyich wesh misiwe aniyuu umaanitemh chii pehtaakuu e chii itaat aniyuu ishkwesha cheshtinaash che miyaat taan che ishi nituweyihtamiikwenh.
Ekw maak an awen kaa wii kanuweyihtamaasut upimaatisiiwin, puunipimaatisiite maak taanite chechii uhchi wiichihiikut aat chii wiihkuchihtamaasute misiwe chekwaayuu utah aschiihch, wiya taan kaa ishi nitaweyihtahk chechii ishi ayaat. Namui kata uhchi miyaakanuu pimaatisiiwiniyuu wiya. Namui mitun ihtakuniyuu chekwaayuu chechii pachishtinahkw kaau chechii miyaakanuut upimaatisiiwin.
Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”
“Namui awen chika chii atushkuweu niishu uchimaau, wesh peyakw aniyuu chika uhkaateu, ekw aniyuu kutak che saachihaat. Aniyuu peyakw suuhk chika atushkuweu, ekw aniyuu kutak namui chika uhchi naheyimeu chechii atushkuwaat. Namui chika chii atushkuweu Chishemanituu eyuu maak suuhk e aapatisit e wii miisitisiit.”
Nuwach chii macheyihtam an chisheuchimaau uyuu kaa ishi kakwechihcheyimuyich, waawaach wii shaash e chii itaat cheshtinaash che ihtuutamuwaat mikw taan che ishi nitaweyihtamiikwen kaye maak aniyuu e chii mihchetinaanuyich anit mekwaach uyuu kaa itaat kiipaa namui uhchi wii piikunam aniyuu taan kaa itaat.
Kuiskw e wiihtamaatakuch chika maatunaawaau kaye chika nanehkateumunaawaau. Ekw uchii utah aschiihch kaa ihtaatwaau ekaa kaa nanaakatuweyimaatwaau Chishemanituuh upimaatisiiwiniwaahch chika sichiyesuuch. Chika misimeyihtenaawaau chiyawaau. Mikw maak an e misimeyihtamekw chika kweschipayuu teyakuch chechii muuchicheyihtamekw.
Chinitaweyimitinaawaau chechii chischeyihtamekw an awen wiinisuwinihch kaa ishi pimaatisiit kaye nitamukw kaa aihtit kaye muush kaa mushteneyihtahk chekwaayuu chechii ayaat namui chika chii wiichihiiweu Chishemanituu kaye Christ uchimaawiniihch. An awen muush kaa mushteneyihtahk muyaam manituuhkaanh e nuuchiishtuwaat ishinaakuniyuu uyuu e ihtit.
Wanaachihtaakw machaatisiiwin taan e ishi ihtakuhch chipimaatisiiwiniwaahch. Wanaachihtaakw wiinisuu pimaatisiiwin, wiinisuu maamituneyihtamuwin, machi nituweyihtamuwin, ekw maak an e mushteneyihtamekw chechii weyuuch ayaayekw chekwaan utah aschiihch. An awen muush kaa mushteneyihtahk chechii weyuuch ayaat chekwaayuuh mwehch e umanituuhkaanamit aniyuu chekwaayuuh ishinaakuniyuu.
Sanasan