Matthew 19:20 - Chishemanituu Utayimuwin: Kaa Uskaach Testament

²⁰ Ekw an naapeu kaa itwet, “Kaa pechi awaashiyuuyaan shaash nichii nanihiihten uyuuh kacheskwewinh. Chekwaan maak yaapach eshkw nipaa ihtuuten.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐁᒄ ᐊᓐ ᓈᐯᐤ ᑳ ᐃᑗᑦ, ᑳ ᐯᒋ ᐊᐙᔑᔫᔮᓐ ᔖᔥ ᓂᒌ ᓇᓂᐦᐄᐦᑌᓐ ᐅᔫᐦ ᑲᒉᔅᑴᐎᓐᐦ᙮ ᒉᒀᓐ ᒫᒃ ᔮᐸᒡ ᐁᔥᒄ ᓂᐹ ᐃᐦᑑᑌᓐ᙮

Matthew 19:20 Iomraidhean Croise

Matthew 19:19

miyutuutuu e chisteyimat kuuhtaawii kaye chikaawii, kaye saachihii kutak awen mwehch chii e ishpish saachihiisuyin.”

Matthew 19:21

Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”

Luke 15:29

Ekw kaa itaat uhtaawii, ‘Kanawaahta maa, mihchetupunh ekw kaa ishpish atushkaataan namui maak wiiskaat nuuhchi ihtin ekaa chechii nanihiihtamaan taan kaa itashuweyin. Chekwaan maak kaa pechi miyin niya chechii uhchi wiichimakushemakwaau niwiichewaakanich.

Luke 15:7

Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”

John 8:7

Mekwaach maak anit e niipuutwaau e aayihkamihaatwaau chechii nishkweushihiikutwaau taan kaa ishi kakwechimaatwaau, chii tashukaapuu Jesus ekw kaa itaat, “Taan an awen anit e tashiyekw ekaa wiiskaat uhchi machituutahk wiya niishtam chika pimushinaatahweu aniyuu iskweu.”

Romans 7:9

Utaahch nichii ishi pimaatisiin ekaa chischeyihtamaan taan e itashuwemakahch wiishuwewin. Iskutak maak kaa chischeyihtamaan itashuwewin taan itwemakahch, ekut kaa uhchi chischeyihtamaan e machaatisiyaan kaye muyaam e nipiyaan e ishinaakusiyaan.

Galatians 3:24

Eukuu wiishuwewin tekash kaa chischinupayihiikuyihkw eshkw ekaa uhchi takushihk Jesus. Eukuu wiishuwewin kaa ihtuutaakuyihkw chechii taapwehtamukw ekw maak Chishemanituu chechii naheyimitahkw.

Philippians 3:6

Kaa ishpish chii aashihcheyihtamaan kuiskw e wii ihtuutamaan taan e ishi wiishtech wiishuwewinihch nichii nenehkaachihaauch umaamuuayimihaauch. Mitun tekash nichii iteyihten e chii nanihiihtamaan wiishuwewin. Namui awen nipaa uhchii itikw ekaa misiwe uhchi nanihiihtamaan wiishuwewin.