Matthew 19:16 - Chishemanituu Utayimuwin: Kaa Uskaach Testament

¹⁶ Peyakwaau naapeu chii pechi nituwaapameu Jesus e itaat, “Chiskutamaachesuu, chekwaan chechii ihtuutamaan e miywaashich chechii uhchi ayaayaan kaachiche pimaatisiiwin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐯᔭᒀᐤ ᓈᐯᐤ ᒌ ᐯᒋ ᓂᑐᐙᐸᒣᐤ ᒌᓴᔅ ᐁ ᐃᑖᑦ, ᒋᔅᑯᑕᒫᒉᓲ, ᒉᒀᓐ ᒉᒌ ᐃᐦᑑᑕᒫᓐ ᐁ ᒥᔻᔑᒡ ᒉᒌ ᐅᐦᒋ ᐊᔮᔮᓐ ᑳᒋᒉ ᐱᒫᑎᓰᐎᓐ᙮

Matthew 19:16 Iomraidhean Croise

Matthew 19:15

Jesus kaa saaminaat aniyuu awaasha ekw kaa chistuhtet.

Matthew 19:26

Ekw Jesus kuiskw kaa kanawaapamaat e itaat, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 25:46

Eukw maak uchii kaa machaatisiitwaau che itishahwaakanuutwaau anite kaachiche che ishi nanehkaateyimutwaau, ekw anichii kaa kuiskutaatisiitwaau anite kaachiche pimaatisiiwinihch che itishahwaakanuutwaau.”

John 10:28

Nimiyaauch kaachiche pimaatisiiwiniyuu, namui maak wiiskaat chika uhchi nisuunaatisiyuuch. Kaye maak namui awen nika chii miskamukw e tahkunamach.

John 12:25

An awen kaa saachihtaat upimaatisiiwin kata wanihtaau. An awen kaa uhkaatahk upimaatisiiwin utah aschiihch kaachiche pimaatisiiwiniyuu kata ayaau.

John 3:15

Ekw maak misiwe awen kaa taapweyimaat che ayaat kaachiche pimaatisiiwiniyuu.

John 4:14

Awen maak che minihkwekwe aniyuu nipiiyuu che miyak chechii minihkwet, namui wiiskaat miin chika uhchi paahkutaahtam. Wesh an nipii che miiweyaan kata piihchishkaakuu muyaam e uhchi muuschichuuniyich kata ishinaakuniyuu, eukw maak uu kaa pimaachihiiwemakahch nipii anit chechii uhchi ayaat awen kaachiche pimaatisiiwiniyuu minihkwete.”

John 5:39

Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ.

John 6:47

Kuiskw chiwiihtamaatinaawaau, an awen kaa pechi taapweyimit ayaau kaachiche pimaatisiiwiniyuu.

John 6:68

Kaa nishkweushihiikut Simon Peter e itikut, “Utipeyihchikeu, awen maak che nituwaapamachiht. Chitayimuwinihch ekut wehchi ihtakuhch kaachiche pimaatisiiwin.

ᐊᐸᔅᑕᓚᒡ 16:30

Ekw kaa wiiwiihtahaat anit chipahutuukamikuhch uhchi, kaa itaat, “chiyawaau naapeutikw, pechi wiihtamuukw taanite che ihtiyaan e wii pimaachihuyaan.”

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

Romans 5:21

Taapwe kiipaa suuhchipayuu machihtwaawin. Wesh mitun tipeyimikuuch awenichii eukw maak wehchii iteyihtaakuniyich chechii nipitwaau. Etituu maak Chishemanituu uchishewaatisiiwin suuhcheyihtaakuniyuu. Ukuiskutaatisiiuch chit ishi kanawaapamikunuu aniyuu uhchi taan kaa ishi ihtuutamaakuuhk Jesus Chitipeyihchikeminuuh. Ekut maak chechii uhchi ayaauhkw kaachiche pimaatisiiwiniyuu.

1 Timothy 1:16

Aat maak niya maauch e chii machaatisiyuuch nichii weyuuch chishewaatutaakw Chishemanituu chechii nuukuhtaat taan chechii ishpish weyuuch siipiiwesiistuwaat aniyuuh che taapweyimikut kaye maak che ayaayich kaachiche pimaatisiiwiniyuu.

1 Timothy 6:12

Suuhk yaaichikaapuushta an e ishi taapwehtaman anit chechii uhchi uhchisiyin kaachiche pimaatisiiwin. Eukw wesh kiipaa an kaa ishi wiyaapamikuyin chechii ishi ayaayin iskutak tekash kaa chischeyihtaakusiyin che atushkuwat Chishemanituu, kaa wiihtaman taapwe e taapwehtaman uhchishkuu mihchetu awenich e ihtaatwaau.

1 Timothy 6:19

Uyeyuu maak ihtuutahkwaawenich ekut chechii uhchi ayaatwaau chihchiwe miisitisiiwiniyuu anite niishtaamihch, ekut kaye chihchiwe chechii uhchi chischeyihtahkwaau pimaatisiiwiniyuu utah aschiihch.

Titus 1:2

Aniyuu maak taan e ishi chiskutamuukwaau ekut che uhchi cheshtinaateyihtahkwaau che ayaatwaau kaachiche pimaatisiiwiniyuu, aniyuu kaa itweyich Chishemanituu anite pechi weskach cheshtinaash che ayaawaakupanenich. Namui maak nihtaa nanatayuu Chishemanituu.

Titus 3:7

Ekw maak aniyuu e chii chishewaatutaatahkw Chishemanituu chichii ihtuutaakunuu chechii kuiskunaakusiihkw ekw maak chiyeshtinaateyihtamuhkw che ayaayihk kaachiche pimaatisiiwin.

1 John 1:2

Muush Uhtaawiimaauh e ihtaayich chii ihtaau. Chii nuukuhtaakanuuyuu upimaatisiiwin. Nichii waapahtamuwaanaan. Ekw maak tepaatutamuwachiht, e aayimuutamaataahch kaachiche pimaatisiiwin.

1 John 2:25

Eukw maak uyuu kaa itwet Christ, cheshtinaash che miitahkw kaachiche pimaatisiiwiniyuu.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.

Jude 1:21

Kanuweyimisukw Chishemanituu usaachihiiwewinihch e ashuwaapiyekw Jesus Christ chechii miitaakw kaachiche pimaatisiiwiniyuu aniyuu e shaweyimuwet uhchi.