Matthew 18:6 - Chishemanituu Utayimuwin: Kaa Uskaach Testament

⁶ “An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak chechii nistaapaawet anite e mihchaakamiyich chihchikamiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐊᓐ ᐊᐌᓐ ᒉ ᐃᐦᑑᑕᐙᑴ ᒉᒌ ᒪᒋᑑᑕᒥᔨᒡ ᐯᔭᒄ ᐅᔫᐦ ᐊᐙᔕ ᑳ ᑖᐺᔨᒥᔨᒡ ᐅᔅᑌ ᑲᑕ ᒥᔻᔫ ᒉᒌ ᒫᐦᑯᐱᑖᑲᓄᔨᒡ ᐁ ᒥᐦᒑᐱᔅᒋᓯᔨᒡ ᐊᓯᓃᐦ ᐅᑯᔮᐦᒡ ᐁᒄ ᒫᒃ ᒉᒌ ᓂᔅᑖᐹᐌᑦ ᐊᓂᑌ ᐁ ᒥᐦᒑᑲᒥᔨᒡ ᒋᐦᒋᑲᒦᐦᒡ᙮

Matthew 18:6 Iomraidhean Croise

Matthew 17:27

Ekw maak namui kiipaa nituweyihtakuun niya chechii pachishtinamaan shuuliyaau anite chisheayimiheukamikuhch ishi. Mikw maak namui chika uhchi wii chishuwaahaanuuch anichii iinuuch. Ekush maak chikaa pachishtinenaanuu shuuliyaau. Naasipe maak nete che pakashtawehaman kiskanaapii. An maak niishtam names che uchikwaatat che utinat, anite maak utuunihch chika miskuwaayuu shuuliyaanaapiskwa, chika ishpishaau anit taapishkun e niishiihkw taan chipaa ishi pachishtinenaanuu shuuliyaau. Che ituhtataayin nete chisheayimiheukamikuhch che pachishtinaman an chipaa ishpish chiishiihkaasunaanuu.”

Matthew 18:10

“Yaakwaamiikw maak ekaa chechii aatuweyimekuch uchii awaashach, wesh chiwiihtamaatinaawaau, utenchilamuwaau kihchikiishikuhch kaa ihtaayich muush ayimishtamaakuuch e uhchishkuukaapuushtawayich Nuuhtaawii kihchikiishikuhch kaa ihtaayich.

Matthew 18:14

Ekun maak mwehch kaye Nuuhtaawii kihchikiishikuhch kaa ihtaat e ihtit, namui nituweyimeu waachipeyakw uyuu awaasha chechii wanishiniyich.”

Matthew 18:5

Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

Mark 9:42

Jesus chii ati iteu, “An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak anite chihchikamiihch chechii pakashtawepinaakanuut.

ᐊᐸᔅᑕᓚᒡ 9:5

Ekw Saul kaa itwet, “Awen chiya kaa pechi ayimihiyin.” Ekw kaa itikut aniyuu aweyuu, “Eukw niya Jesus, an kaa nanehkaachihiit.

Romans 14:21

Uste chika miywaau ekaa chechii miichiyin wiyaas kaye ekaa che minihkweyin chekwaan che ihtuutaakuukwe chiichishaan chechii pahchishihk. Ekaawii chika uhchi ihtuuten chekwaan che ihtuutaakuukwe chiichishaan chechii pahchishinit.