Matthew 18:5 - Chishemanituu Utayimuwin: Kaa Uskaach Testament

⁵ Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐊᐌᓐ ᐁ ᐅᑎᓈᑦ ᐯᔭᒄ ᐊᐙᔕ ᓂᑎᔑᓂᐦᑳᓱᐎᓂᐦᒡ ᐅᐦᒋ, ᒬᐦᒡ ᑲᔦ ᓂᔭ ᐁ ᐅᑎᓂᑦ ᐁᑯᓐ ᐁ ᐃᔑᓈᑯᓂᔨᒡ᙮

Matthew 18:5 Iomraidhean Croise

Matthew 18:4

An awen che tipihteyimisukwe kaye mwehch awaash che iteyihtaakusikwe eukw an maauch che niikaaneyihtaakusit anite kihchikiishikw chisheuchimaawinihch.

Matthew 18:6

“An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak chechii nistaapaawet anite e mihchaakamiyich chihchikamiihch.

Matthew 25:40

Ekw Chisheuchimaau kaa itaat, ‘Chiwiihtamaatinaawaau, aniyuu taan kaa ishi ihtuutawekw peyakw an niichishaan ekaa mitun kaa aapateyihtaakusit kaa iteyimaakanuut, niya chichii ihtuutuunaawaau.’ ”

Matthew 25:45

Ekw maak che itikutwaau Utipeyihchikeu, ‘Taapwe chiwiihtamaatinaawaau an ekaa uhchi wiichihekw peyakw niichishaan an ekaa mitun kaa aapateyihtaakusit kaa iteyimaakanuut, niya kaye namui chuuhchi wiichihiinaawaau.’

Matthew 7:8

Wesh tahtu awen kaa nitutamaat chika miyaakanuu aniyuu kaa ishi nitutamaat. Tahtu awen kaa naanituweyihchet chika miskam aniyuu chekwaayuu kaa naanituweyihtahk. Kaye tahtu awen kaa papaauhiichet chika aapahamuwaakanuu.

Mark 9:37

“Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat.”

Mark 9:41

Chihchiwe maak chititinaawaau, an awen che minihiikuwekwe nipiiyuu aniyuu uhchi Christ e wiichewekw, cheshtinaash kata miyaakanuu utipahamaakusiiwin.”

Luke 9:48

“Awen e utinaat peyakw uyuu awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat. Wesh an awen maauch nuuhtaash kaa iteyihtaakusit anit e tashiyekw eukun an maauch chesteyihtaakusit.”

John 13:20

Kuiskw chiwiihtamaatinaawaau, an awen che pishichihaakwe aniyuu aweyuu che itishahumach nipishichihiikw kaye niya. An maak awen kaa pishichihiit pishichiheu aniyuu aweyuu kaa pechi itishahuyich.”

Galatians 4:14

Namui maak chuuhchi aatuweyiminaawaau chechii wiichihiyekw aat e chii aayimaasinaakuhch chechii wiichihiyekw kaa ishpish wesa chii aahkusiyaan. Teyakuch naashch taapwe chichii miyu kanuweyiminaawaau, mwehch taapwe enchil kihchikiishikuhch e chii uhchi chiiutamitaakw maak wiya Jesus Christ e chii chiiutamitaakw ekun kaa ishi miyuhkuuyekw.