Matthew 18:4 - Chishemanituu Utayimuwin: Kaa Uskaach Testament

⁴ An awen che tipihteyimisukwe kaye mwehch awaash che iteyihtaakusikwe eukw an maauch che niikaaneyihtaakusit anite kihchikiishikw chisheuchimaawinihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐊᓐ ᐊᐌᓐ ᒉ ᑎᐱᐦᑌᔨᒥᓱᑴ ᑲᔦ ᒬᐦᒡ ᐊᐙᔥ ᒉ ᐃᑌᔨᐦᑖᑯᓯᑴ ᐁᐅᒄ ᐊᓐ ᒫᐅᒡ ᒉ ᓃᑳᓀᔨᐦᑖᑯᓯᑦ ᐊᓂᑌ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ᙮

Matthew 18:4 Iomraidhean Croise

Matthew 18:1

Naanaacheshiish maak ekw Jesus kaa pechi nituwaapamikut aniyuu uchischinuhamuwaakanh, kaa kakwechimikut e itikut, “Awen maauch e niikaaneyihtaakusit anite kihchikiishikw chisheuchimaawinihch.”

Matthew 18:3

Ekw kaa itwet, “Taapwe chiwiihtamaatinaawaau, chiishpin ekaa kweskaatisiyekwe ekaa iteyihtaakusiyekwe muyaam awaash e iteyihtaakusit, namui wiiskaat chika chii piihchenaawaau kihchikiishikw chisheuchimaawinihch.

Matthew 18:5

Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

Mark 10:43

Mikw maak ekaawii chika uhchi ishinaakusinaawaau chiyawaau. An awen anit e tashiyekw netaweyihtamukwe chihchiwe chechii iteyihtaakusit ekush chika ihtuutam chechii atushkaataakw.

Mark 9:34

Namui uhchi chistuuch, wesh aniyuu mekwaach kaa pimuhtetwaau chii machipayuuch awen anit e tashitwaau maauch che chisteyihtaakusit.

Luke 14:11

Wesh awen mistahii kaa wii iteyimikusiit Chishemanituu chika tipihteyimuhiikuu. An maak kaa tipihteyimitisut eukw an che chisteyihtaakuhiikut Chishemanituu.”

Luke 9:48

“Awen e utinaat peyakw uyuu awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat. Wesh an awen maauch nuuhtaash kaa iteyihtaakusit anit e tashiyekw eukun an maauch chesteyihtaakusit.”

James 4:10

Tipihteyimitisuustuwaahkw Utipeyihchikeu ekw maak che uhpinitaakw.

1 Peter 5:5

Ekw maak chiyawaau kaa uschipimaatisiyekw chipaa nanihiihtuwaawauch anichii kaa wiichihiiwetwaau e pimipayihtaakanuyich ayimiheukamikuyuu. Misiwe maak e tashiyekw chipaa atushkaatunaawaau e tipihteyimitisuyekw wesh itashteyuu Chishemanituu utayimuwin, Chishemanituu namui nahaapameu aniyuu chihchiwe kaa iteyimisuyich, ekw aniyuu kaa tipihteyimisuyich chishewaatutaweu.