Matthew 18:31 - Chishemanituu Utayimuwin: Kaa Uskaach Testament

³¹ Iskutak maak anichii kutakach aapachihaakanich wiyaapahtahkwaau uyuu e ispayihch, naashch chii mukushkaateyihtamihiikuuch ekw kaa nituu wiihtamuwaatwaau aniyuu Chisheuchimaau misiwe taan kaa ispayiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᐃᔅᑯᑕᒃ ᒫᒃ ᐊᓂᒌ ᑯᑕᑲᒡ ᐋᐸᒋᐦᐋᑲᓂᒡ ᐎᔮᐸᐦᑕᐦᒀᐤ ᐅᔫ ᐁ ᐃᔅᐸᔨᐦᒡ, ᓈᔥᒡ ᒌ ᒧᑯᔥᑳᑌᔨᐦᑕᒥᐦᐄᑰᒡ ᐁᒄ ᑳ ᓂᑑ ᐐᐦᑕᒧᐙᑣᐤ ᐊᓂᔫ ᒋᔐᐅᒋᒫᐤ ᒥᓯᐌ ᑖᓐ ᑳ ᐃᔅᐸᔨᔨᒡ᙮

Matthew 18:31 Iomraidhean Croise

Matthew 14:9

Naashch chii macheyihtam chisheuchimaau Herod iskutak kaa pehtahk taan e ishi nituweyihtamiyich aniyuu ishkwesha, mikw maak yaapach chii miyeu aniyuu kaa ishi nituweyihtamiyich wesh misiwe aniyuu umaanitemh chii pehtaakuu e chii itaat aniyuu ishkwesha cheshtinaash che miyaat taan che ishi nituweyihtamiikwenh.

Matthew 18:28

“Ekw an aapachihaakan kaa chistuhtet, kaa nachishkawaat wiich aapachihaakan e chii uhaasuumikut apishiish shuuliyaayuu. Ekw kaa maakunaat e wii chiputaaminaat kaa itaat, ‘Maachiih pechi chiiwemii an shuuliyaau taan kaa ishpish uhaasuumiyin.’

Matthew 18:30

Mikw maak namui uhchi nituhtuweu aniyuu wiichaapachihaakan, ekw kaa itishuwaataat chechii maakunaakanuyich paatish chii taapishtwaakute taan aniyuuh kaa ishpish uhaasuumikut.

Matthew 18:32

Ekw an Chisheuchimaau kaa wiishaamaat aniyuu utaapachihaakanh, kaa itaat, ‘Chiya aapachihaakan taapwe chimachituuten, namui mitun chuuhchi chiiwe nituweyihtamaatin wesh chiya chichii pukuseyimin chechii chistimaacheyimitaan.

Mark 3:5

Jesus chii chishuwaasuu e kanawaapamaat eyuu maak chii misimitehiiskaakuu aniyuu e siipihtamiyich. Ekw kaa itaat aniyuu naapeu kaa maaskaniyich utihchiyuu, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii, mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

Luke 14:21

“An maak aapachihaakan chii nituu wiihtamuweu uchimaam taan kaa itweyitwaauh uyuuh. Ekw maak an uchimaau kaa wii makushet naashch taapwe chii chishuwaasuu. Kaa itaat aniyuu utaapachihaakan, ‘Chiipiih, maachiih misiwe ituhte utah utenaahch, che peshuutwaau anichii kaa chistimaatisiitwaau, kaa maaschinihtaauchitwaau ekaa kaa waapahtahkwaau kaye anichii ekaa chii aahtinisutwaau.’

Luke 19:41

Wetaach maak chii ati peshuwaapahtam Jesus Jerusalemiyuu, iskutak maak wiyaapahtahk chii maatutam.

Romans 12:15

Wiich miywaatamuumaahkuch anichii kaa miywaatahkwaau. Wiich misimeyihtamuumaahkuch anichii kaa misimeyihtahkwaau.

2 Corinthians 11:21

Taapwe kiipaa nichii wanipayinaan. Nishaakweyimun chechii itweyaan ekaa uhchii ihtiyaahch uu niyaan. Ekaa nekaawiikwe awen chechii nanaapeumut taan e ihtit nipaa chii nanaapeumun kaye niya. Miin maak nichiiskwe ayimin uu kaa itweyaan.

Hebrews 13:17

Nanihiihtuwaahkuch anichii kaa niikaanishkaataakuch ayimiheukamikuhch. Wesh chiwaawiichihiikuwaauch chitaapwehtamuwiniwaahch. Eukw uyuu utaapatisuwinawaau. Wesh chika nitaweyihtaakusuuch chechii wiihtamuwaatwaau Chishemanituu taan kaa ihtuwekw. Chika miyeyihtamuch maak chechii ihtuutahkwaau uyuu utaapatisuwinawaau chiishpin chiyawaau nanihiihtuwekwenich kaye chisteyihtamuwekwe taan kaa ishi miyaakanuutwaau chechii niikaanishkaataakuch. Ekaa maak uu ihtiyekwe chika macheyihtamuch ekw maak namui chika chii miyu wiichihiikuwaauch.

Hebrews 13:3

Maamituneyimaahkuch anichii awenichii chipahutuukamikuhch kaa ihtaatwaau. Muyaam kaye chiyawaau e ihtaayekw anite aniyuu kaa ihtaatwaau chechii ishi maamituneyihtamekw. Maamituneyimaahkuch kaye anichii kaa nanehkaachihaakanuutwaau muyaam kaye chiyawaau e nanehkaachiihiikuyekw mwehch wiyawaau e ishi nanehkaachihaakanuutwaau chechii iteyihtamekw.