Matthew 18:3 - Chishemanituu Utayimuwin: Kaa Uskaach Testament

³ Ekw kaa itwet, “Taapwe chiwiihtamaatinaawaau, chiishpin ekaa kweskaatisiyekwe ekaa iteyihtaakusiyekwe muyaam awaash e iteyihtaakusit, namui wiiskaat chika chii piihchenaawaau kihchikiishikw chisheuchimaawinihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᑳ ᐃᑗᑦ, ᑖᐺ ᒋᐐᐦᑕᒫᑎᓈᐙᐤ, ᒌᔥᐱᓐ ᐁᑳ ᑴᔅᑳᑎᓯᔦᑴ ᐁᑳ ᐃᑌᔨᐦᑖᑯᓯᔦᑴ ᒧᔮᒻ ᐊᐙᔥ ᐁ ᐃᑌᔨᐦᑖᑯᓯᑦ, ᓇᒧᐃ ᐐᔅᑳᑦ ᒋᑲ ᒌ ᐲᐦᒉᓈᐙᐤ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ᙮

Matthew 18:3 Iomraidhean Croise

Matthew 13:15

Wesh namui wii maamituneyihtamihiikuuch kaye namui wii nituhtamuch kaye namui wii nisituhtamuch kaye namui wii waapahtamuch. Ekaa maak uhchi ihtitwaau uyuu chipaa waapahtamuch, chipaa pehtamuch kaye chipaa nisituhtamuch, ekw maak nipaa pechi nituwaapamikuch, chii iteu Chishemanituu ekw maak nipaa miinuwaachihaauch.”

Matthew 18:2

Ekw Jesus kaa wiishaamaat awaasha, kaa uhchishkuukaapuhaat anit e ihtaatwaau.

Matthew 18:4

An awen che tipihteyimisukwe kaye mwehch awaash che iteyihtaakusikwe eukw an maauch che niikaaneyihtaakusit anite kihchikiishikw chisheuchimaawinihch.

Matthew 19:14

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Matthew 19:23

Ekw Jesus kaa itaat aniyuu uchischinuhamuwaakan, “Taapwe chiwiihtamaatinaawaau, awen kaa miisitisiit taapwe chika aayimaniyuu chechii piihchet kihchikiishikw chisheuchimaawinihch.

Matthew 5:18

Wii chischisikw, che ishpish ihtakunikwe kihchikiishikw kaye aschii, namui waawaach an maauch e apishaashich e masinaatech wiishuwewinihch chika uhchi paashikunaakun, paatish misiwe chii ispayihche taan e itashtech che ispayihch.

Matthew 5:20

Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:2

“Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

Matthew 6:5

“Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

Mark 4:12

Aat e waapahtahkwaau namui chii nisituunamuch nesht suuhk e nituhtahkwaau namui chii nisituhtamuch. Wesh chii nisituunamuwaakupanenich kaye chii nisituhtamuwaakupanenich nipaa pechi chiiwe naatikuch chechii wepeyihtamuukwaau.”

Luke 13:24

“Mihchetu awenichii chika kuchihtaauch chechii piihchetwaau anite Chishemanituu uchisheuchimaawiniihch, namui maak kata chii ihtuuch. Chiyawaau maak suuhk kuchihtaakw chechii piihcheyekw anite uhchi an kaa shaakuwaach ishkwaahtem.

Luke 22:32

Chichii ayimihchikeshtamaatin maak chii ekaa chechii puuniyin e taapwehtaman. Iskutak maak chiishkwaa kakwechihiiske machimanituu miin maak kaau chii pechi naashiine che yaaichikaapuuhiitwaau chiichishaanich taapwehtamuwinihch ishi.”

John 1:51

Ekw miin kaa ati itwet, “Kuiskw chiwiihtamaatinaawaau, chika waapahtenaawaau kihchikiishikw e aapahiipayihch, ekw maak Chishemanituu utenchilamh e uhpipayitwaau kaye e pechi aashiitutuwaatwaau Iinuu Ukusisa.”

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

ᐊᐸᔅᑕᓚᒡ 28:27

Wesin uchii iinuuch naashch taapwe siipihtamuch, namui wii taapwehtamuch, muyaam e chipunahkwaau uhtaukaawaauh kaye uschiishikuwaau ekun e ishinaakusitwaau. Ekaa maak uyuu ihtitwaau chipaa waapahtamuch kaye chipaa pehtamuch kaye chipaa nisituhtamuch aniyuu taan e ishi nituweyimakwaau. Nipaa pechi nituwaapamikuch maak ekw maak nipaa pimaachihaauch.’ ”

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

1 Corinthians 14:20

Niichishaanitikw, ekaawii awaashiyuu maamituneyihtamukw. Mwehch apishtawaashach e iteyihtaakusitwaau ekaa chischeyihtahkwaau e iteyihtaakuniyich machituutamuwiniyuu ekun mwehch kaye chiyawaau chipaa iteyihtaakusinaawaau. Mwehch awen shaash e chiishi nihtaauchit ekun chipaa ishi maamituneyihtenaawaau.

1 Peter 2:2

Muush etituu chipaa nitaweyihtamuwaanaawaau Chishemanituu utayimuwin. Wesh naashch taapwe payehcheyihtaakuniyuu. Kaye maak ekut che uhchi miyu nihtaauchiyekw kaye eukun che kanuweyimikuyekw e pimaachihuyekw. Muyaam awaash e uschinihtaauchit muush e nituweyimaat chuuchuushinaapui chechii uhchi nihtaauchit ekun chipaa ishinaakusinaawaau e nituweyihtamuwekw Chishemanituu utayimuwin chechii uhchi nihtaauchiyekw anite chitahchaahkuwaahch.

2 Peter 1:11

Ekut kaye chechii uhchi mikw ishi piihtakahiikuyekw Chitipeyihchikemanuu kaye Chipimaachihiiweminuu Jesus Christ uchimaawinihch, aniyuu kaachiche che ihtakuniyich.