Matthew 18:26 - Chishemanituu Utayimuwin: Kaa Uskaach Testament

²⁶ Ekw aniyuu utaapachihaakan kaa uchihchiihkunipayihuyich anit uhchishkuu an chisheuchimaau e ihtaat, ekw kaa itikut, ‘Uchimaau ekaawii pitamaa pechi chishuwaasiistuu ashuwaapam maa miin weipishchiish ekw misiwe che chiiwetaapishtwaataan taan e ishpish masinahaamataan chekwaan.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐁᒄ ᐊᓂᔫ ᐅᑖᐸᒋᐦᐋᑲᓐ ᑳ ᐅᒋᐦᒌᐦᑯᓂᐸᔨᐦᐅᔨᒡ ᐊᓂᑦ ᐅᐦᒋᔥᑰ ᐊᓐ ᒋᔐᐅᒋᒫᐤ ᐁ ᐃᐦᑖᑦ, ᐁᒄ ᑳ ᐃᑎᑯᑦ, ᐅᒋᒫᐤ ᐁᑳᐐ ᐱᑕᒫ ᐯᒋ ᒋᔓᐙᓰᔅᑑ ᐊᔓᐙᐸᒻ ᒫ ᒦᓐ ᐌᐃᐱᔥᒌᔥ ᐁᒄ ᒥᓯᐌ ᒉ ᒌᐌᑖᐱᔥᑣᑖᓐ ᑖᓐ ᐁ ᐃᔥᐱᔥ ᒪᓯᓇᐦᐋᒪᑖᓐ ᒉᒀᓐ᙮

Matthew 18:26 Iomraidhean Croise

Matthew 18:29

Ekw aniyuu wiich aapachihaakan chii uchihchiihkunipayihuyuu uhchishkuu e ihtaat e itikut, ‘Ekaawii pitamaa pechi chishuwaasiistuu ashuwaapam maa miin weipishchiish chechii chiiwemiitaan an taan kaa ishpish uhaasuumitaan.’

Matthew 2:11

Ekw kaa piihchetwaau aniyuu waaskaahiikaniyuu anite kaa ihtaayich Mary, aniyuu maak utawaashiimiyuuh. Iskutak maak wiyaapamaatwaau aniyuu awaasha chii uchihchiihkunipayihuuch e nuuchiishtuwaatwaau. Ekw kaa kuikunahkwaau aniyuuh chekwaayuuh kaawii miyaatwaau aniyuu awaasha, shuuliyaanaapiskwa chii miyeuch, ekw maak aniyuu kaa chii ishkwaasiikanuyich kaa wiihchimaakusiyich kaye kaa shuuliyaauniyich tuuminikaniyuu kaa wiihchimaakusiyich.

Matthew 8:2

Ekw naapeu kaa maayaataniyich umichiiwaaspinewiniyuu e ayaayich kaa pechi naatikut kaa uchihchiihkunipayihuyich anite uhchishkuu e ihtaat, ekw kaa itikut, “Utipeyihchikeu, wii pechi wiichihiyine chika chii ihtuuten chechii payehtisiyaan.”

Luke 7:43

Simon maak chii iteu, “Kiipaa aniyuu maauch mistahii kaa masinahamaakut eukun aniyuu maauch che saachihiikut.” Jesus kaa itaat, “Ehe, taapwe.”

Romans 10:3

Ekaa uhchi chischeyihtahkwaau taanite kuiskutaatisiiwinihch wechi ishi kanawaapamikuyich aweyuuh Chishemanituuh ekw wiyawaau tipaan kaa kuchihtaatwaau chechii kuiskunaakuhiisutwaau Chishemanituu ishi e ihtaayich. Ekw maak namui pachishteyimitisuustamuch aniyuu taan kaa itashtaayich Chishemanituuh che ihtiyich aweyuuh ukuiskutaatisiiu chechii ishi kanawaapamaakanuyich.