Matthew 18:24 - Chishemanituu Utayimuwin: Kaa Uskaach Testament

²⁴ aniyuu maak kaa wii ihtuutahk misiwe chii wiishaameu aniyuu kaa masinahamaakut utaapachihaakan ekw kaa uhchi peshuwaakanuyich peyakw aniyuu utaapachihaakan uste mitaahtwaau chishemitaahtumitanuu kaa ishpish uhaasuumikut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐊᓂᔫ ᒫᒃ ᑳ ᐐ ᐃᐦᑑᑕᐦᒃ ᒥᓯᐌ ᒌ ᐐᔖᒣᐤ ᐊᓂᔫ ᑳ ᒪᓯᓇᐦᐊᒫᑯᑦ ᐅᑖᐸᒋᐦᐋᑲᓐ ᐁᒄ ᑳ ᐅᐦᒋ ᐯᔓᐙᑲᓄᔨᒡ ᐯᔭᒄ ᐊᓂᔫ ᐅᑖᐸᒋᐦᐋᑲᓐ ᐅᔅᑌ ᒥᑖᐦᑣᐤ ᒋᔐᒥᑖᐦᑐᒥᑕᓅ ᑳ ᐃᔥᐱᔥ ᐅᐦᐋᓲᒥᑯᑦ᙮

Matthew 18:24 Iomraidhean Croise

Matthew 18:23

Wesh maau e ishinaakuhch kihchikiishikw chisheuchimaawin. Muyaam chisheuchimaau e chii nituweyimaat utaapachihaakan kaa masinahamaakut chechii piikushinihiicheyich,

Matthew 18:25

Aniyuu maak utaapachihaakan namui uhchi ishpish ayaayuu shuuliyaayuu chechii chiiwetaapishtwaakut aniyuu kaa uhaasuumikut, ekw kaa itashuwet an chisheuchimaau chechii aataawaanuyich aniyuu utaapachihaakan kaye misiwe taan e ishi tipiiweusiyich kaye utawaashiimiyuu kaye wiichiskeuyuu anite kutak aweyuu chechii utinikut chechii utaapachihaakanitutaakut. ekute chipaa uhchi chiiwetaapishtaayuu aniyuu shuuliyaayuu taan kaa ishi masinahamaakut an chisheuchimaau.

Matthew 25:15

Chii miyeu maak shuuliyaayuu e pukuseyimaat ayuwaak chechii ushihtamaakut che ispihtanihut. Chii maatinamuweu aniyuu ushuuliyaam mikw aniyuu e ishi iteyimaat che ishi kaschihuyich e kanuweyihtamiyich. Peyakw maak aniyuu aapachihaakanh niyaayinwaau chishemitaahtumitanuu shuuliyaanaapiskwa chii miyeu, ekw aniyuu kutak niishwaau chishemitaahtumitanuu, ekw aniyuu kutak peyakwaau chishemitaahtumitanuu chii miyeu. Ekw maak kaa chistuhtet.

Matthew 25:16

An maak aapachihaakan niyaayinwaau chishemitaahtumitanuu kaa miyaakanuut, chiichihch aapatisuwaacheu aniyuu ushuuliyaamiyuu etituu chechii ihchihtaat. Miin maak niyaayinwaau chishemitaahtumitanuu chii takuheu aniyuu shuuliyaau.

Matthew 25:20

An maak aapachihaakan niyaayinwaau chishemitaahtumitanuu kaa miyaakanuut shuuliyaayuu chii pechi piihcheu, kaa miyaat aniyuu uchimaam aniyuu niyaayinwaau chishemitaahtumitanuu shuuliyaayuu ayawaak kaa tahkuhaat. Chii iteu maak aniyuu uchimaamuwaauh, ‘Niyaayinwaau chishemitaahtumitanuu chichii miin shuuliyaau, miin maak niyaayinwaau chishemitaahtumitanuu ayawaak nichii tahkuhaau.’

Matthew 25:22

Ekw an niishwaau chishemitaahtumitanuu kaa miyaakanuut shuuliyaayuu chii pechi piihcheu kaa itaat aniyuu uchimaam, ‘Niishwaau chishemitaahtumitanuu chichii pechi miin, miin maak niishwaau chishemitaahtumitanuu ayawaak nichii tahkustaan.’

Matthew 25:24

Ekw an aapachihaakan peyakwaau chishemitaahtumitanuu kaa miyaakanuut kaa pechi piihchet, kaa itaat aniyuu uchimaam, ‘Utipeyihchikeu, chichischeyimitin e machihtwaain kaye uste mistahii e nituweyihtaman ishpish wii taan e ishpish miiweyin.

Luke 13:4

Chichischisinaawaau aa yaanaaneushaap iinuuch anite ihtaawinihch Siloam kaa ishinihkaateyich kaa nipitwaau e chii patakahukutwaau kaa ishpaanaayich waaskaahiikaniyuu. Chititeyihtenaawaau aa e chii nuukuniyich wiyawaau uste e chii machaatisiitwaau ishpishaat kutakach awenichii anit Jerusalemihch kaa ihtaatwaau.

Luke 16:5

Ekw kaa wiishaamaat tahtu kaa tashiyich aniyuu kaa masinahamuwaayich uchimaam chechii pechi nituwaapamikut. Ekw aniyuu niishtam kaa takushiniyich kaa ishi kakwechimaat, Taan e ishpish masinahamuut nuuchimaam. Ekw kaa itikut,

Luke 16:7

Ekw aniyuu kutak naapeu kaa itaat, ‘Taan e ishpish masinahamuut chii nuuchimaam.’ Ekw kaa itikut, ‘Peyakwaau chishemitaahtumitanuu wiihkweyaau pahkweshikanich.’ Ekw kaa itaat, ‘Maauyuu chimasinahiikanh, miiskuchishinaha, mikw yaanaanewaau mitaahtumitanuu itasinaha.’