Matthew 18:15 - Chishemanituu Utayimuwin: Kaa Uskaach Testament

¹⁵ “Wanituutaaske chiichishaan, nituwaapam che wiihtamuut taan e ishi wanituutaask, mikw chiyawaau e niishiyekw che wiihtamuut uyuu. Nituhtaaske maak, ekw kiipaa miin che miyupayekw e wiichishaanihtuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐗᓂᑑᑖᔅᑫ ᒌᒋᔖᓐ, ᓂᑐᐙᐸᒻ ᒉ ᐐᐦᑕᒨᑦ ᑖᓐ ᐁ ᐃᔑ ᐗᓂᑑᑖᔅᒃ, ᒥᒄ ᒋᔭᐙᐤ ᐁ ᓃᔑᔦᒄ ᒉ ᐐᐦᑕᒨᑦ ᐅᔫ᙮ ᓂᑐᐦᑖᔅᑫ ᒫᒃ, ᐁᒄ ᑮᐹ ᒦᓐ ᒉ ᒥᔪᐸᔦᒄ ᐁ ᐐᒋᔖᓂᐦᑐᔦᒄ᙮

Matthew 18:15 Iomraidhean Croise

Matthew 18:14

Ekun maak mwehch kaye Nuuhtaawii kihchikiishikuhch kaa ihtaat e ihtit, namui nituweyimeu waachipeyakw uyuu awaasha chechii wanishiniyich.”

Matthew 18:21

Ekw Peter kaa pechi nituwaapamaat aniyuu Jesus kaa itaat, “Utipeyihchikeu, niichishaan maak wii ekaa puuniite e pechi wanituutuut, taan tahtwaau che wepeyihtamuuk, niishwaashwaau aa.”

Matthew 18:35

Ekw Jesus miin kaa itwet, “Ekun maak mwehch che ihtuutaakuyekw Nuuhtaawii kihchikiishikuhch kaa ihtaat, ekaa wepeyihtamuwekwenich chiichishaanuwaauch chitehiiwaahch uhchi.”

Romans 12:21

Ekaawii chika shaakuuchihiikun chekwaan e maayaatahch. Aspashtaah teyakuch an kaa maayaatahch e miyutuutamaacheyin.

1 Corinthians 8:12

Wanituutuute maak chiichishaan kaye wanaachihtaawate utaapwehtamuwin Christ chiwanituutuwaau.

2 Corinthians 7:12

Namayeu an awen kaa machituutahk maak aniyuuh aweyuuh kaa wanituutaakut wehchii masinahamaatakuch. Chichii masinahamaatinaawaau chechii waapahtiitaakw Chishemanituu taan e ishpish aapateyimiyaahch.

Galatians 6:1

Niichishaanitikw, chiishpin shaakuuchihiikute awen machaatisiiwiniyuu chiyawaau kaa piichishkaataakw kaa payehchisiit ahchaahkw chipaa wiichihaawaau an awen chiyaam chechii miinupitekw taan waa ishi paschepayit. Yaakwaamiishtaasukw kaye, ekaa chechii asichipayiyekw kaye chiyawaau chechii ati machituutamekw.

Colossians 3:13

Siipiiwesiistaatukw. Wepeyihtamaatukw tahtwaau e wanituutaakuyekw. Chinituweyihtaakusinaawaau chechii wepeyihtamaatuyekw mwehch Utipeyihchikeu kaa ishi wepeyihtamaataakw.

1 Thessalonians 4:6

Ekaawii maak awen uyuu chika uhchi wii ishi wanituutaweu wiichishaan. Chichii wiihtamaatinaan suuhk e chii yaakwaamitaahch Utipeyihchikeu che wawesihaat misiwe aweyuuh uyuu kaa ishi wanituutamiyich.

2 Thessalonians 3:15

Mikw ekaawii ihtuutawaahkw muyaam e uhkaatekw, teyakuch chipaa yaakwaamimaawaau e wiichishaanituwekw.

Titus 3:10

Ihtaate awen muush e ihtuutawaat chechii machipayiyich umaamuuayimihaau kaye chechii ihtuutawaat chechii pahkaanipayihuyich wiihtamuu peyakwaau maak niishwaau chechii puuniit aniyuu e ihtit. Ekaa maak nituhtaaske ekush ekaa piskaas.

1 Peter 3:1

Mwehch maak kaye chiyawaau iskweutikw kaa niipuuyekw chipaa nanihiihtuwaawaauch chinaapemuwaauch. Wesh uu ihtiyekwe chika chii ishinaakuniyuu pasch chechii ati taapwehtahkwaau waapamitaakwenich taan e ishi kuiskupimaatisiiwekw, aat ekaa chistutekwenich chechii taapwehtahkwaau.