Matthew 18:14 - Chishemanituu Utayimuwin: Kaa Uskaach Testament

¹⁴ Ekun maak mwehch kaye Nuuhtaawii kihchikiishikuhch kaa ihtaat e ihtit, namui nituweyimeu waachipeyakw uyuu awaasha chechii wanishiniyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᑯᓐ ᒫᒃ ᒬᐦᒡ ᑲᔦ ᓅᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᑦ ᐁ ᐃᐦᑎᑦ, ᓇᒧᐃ ᓂᑐᐌᔨᒣᐤ ᐙᒋᐯᔭᒄ ᐅᔫ ᐊᐙᔕ ᒉᒌ ᐗᓂᔑᓂᔨᒡ᙮

Matthew 18:14 Iomraidhean Croise

Matthew 18:13

Iskutak maak meskawaat, chiwiihtamaatinaawaau uste miyeyihtam uyuu peyakw umaanishchaanishimh kaa wanishiniyich e miskuwaat ishpishaat wii e chii ayaawaat aniyuu peyakushtemitanuu peyakushteu maanishchaanisha ekaa uhchi wanishiniyich.

Matthew 18:15

“Wanituutaaske chiichishaan, nituwaapam che wiihtamuut taan e ishi wanituutaask, mikw chiyawaau e niishiyekw che wiihtamuut uyuu. Nituhtaaske maak, ekw kiipaa miin che miyupayekw e wiichishaanihtuyekw.

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Matthew 6:32

Wesh eukw uyuu chekwaayuu muush e iteyihtamihiikutwaau anichii kutakach awenich ekaa kaa taapweyimaatwaau Chishemanituu. Ekw maak chiyawaau Kuuhtaawaau kihchikiishikuhch kaa ihtaat chischeyihtam misiwe taan e ishi nituweyihtamekw.

Matthew 6:9

Eukw uu che ishi ayimihaayekw. Nuuhtaawiinaan kihchikiishikuhch kaa ihtaayin, nitayimihaanaan chitishinihkaasuwin chechii chischeyihtaakunuuhch e chisteyihtaakuhch.

Luke 12:32

“Ekaawii sechisikw, e chikawaashishiyekw, wesh Kuuhtaawaau kihchikiishikuhch kaa ihtaat naashch taapwe naheyihtamihiikuu chechii miitaakw uchisheuchimaawin.

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.

John 21:15

Iskutak maak kaa chiishi miichisutwaau, Jesus chii iteu Simon Peter, “Simon, chii kaa ukusiitutaask John, uste aa niya chisaachihiin ishpishaat uchii.” Ekw Simon Peter kaa ishi nishkweushihaat, “Ehe, Utipeyihchikeu, chichischeyihten e saachihiitaan.” Jesus maak chii iteu, “Nanaakachihiich nimaanishchaanishimach.”

2 Timothy 2:10

Ekw maak e suuhchipayihch misiwe chekwaan chechii shaakuuchihtaayaan taan che ishi nanehkaachihiikuwaane, e pukuseyimuyaan aniyuuh Chishemanituu kaa wiyaapamaat che utiiniimit che ayaayich pimaachihiikusiiwiniyuu kaye kaachiche chisteyihtaakusuwiniyuu Christ Jesus e ihtaayich kaa uhchipayiyich.

Hebrews 12:13

E kuiskumuhkwaauh meskanuuh pimuhtekw ekw maak anichii kaa maaschipayitwaau che miinuwaachihaakanuutwaau ekaa etituu chechii maaschipayitwaau.

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.