Matthew 18:11 - Chishemanituu Utayimuwin: Kaa Uskaach Testament

¹¹ Pechi naanituwaapameu Iinuu Ukusisa aniyuuh aweyuuh kaa wanishiniitwaauh chechii pimaachihaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐄᓅ ᐅᑯᓯᓴ ᐯᒋ ᓈᓂᑐᐙᐸᒣᐤ ᐊᓂᔫᐦ ᐊᐌᔫᐦ ᑳ ᐗᓂᔑᓃᑣᐤᐦ ᒉᒌ ᐱᒫᒋᐦᐋᑦ᙮

Matthew 18:11 Iomraidhean Croise

Matthew 10:6

Mikw anite ituhtekw Israel aschiihch anite Jewa iinuuch kaa ihtaatwaau wesh mwehch maanishchaanishach e wanishinitwaau ishinaakusuuch.

Matthew 15:24

Ekw Jesus kaa itaat aniyuu iskweu, “Nichii pechi itishahukuun chechii pechi nituwaapamakwaau mikw anichii iinuuch muyaam kaa wanishihkwaau maanishchaanishach kaa ishinaakusitwaau Jewa kaa itiskaanesitwaau.”

Matthew 18:12

“Maamituneyihtamukw maa uu, naapeu aahch ayaawaat mitaahtumitanuu maanishchaanisha peyakw maak aniyuu wanishiniyich. Chika nikateu aniyuu peyakushtemitanuu peyakushteu anit e piskutauhkaayich che nituu naanituwaapamaat aniyuu peyakw kaa wanishiniyich maanishchaanisha.

Matthew 9:12

Jesus maak chii pehtaweu ekw kaa itaat, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Luke 15:24

Wesh uu nikus mwehch e chii nipit chii ishinaakusuu ekw muyaam miin e pimaatisiit eukw e ishinaakusit, mwehch e chii wanishinit ekw maak miin e miskawaakanuut.’ Ekw maak kaa muuchikahtaatwaau.”

Luke 15:32

Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”

Luke 19:10

Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”

Luke 9:56

wesh Iinuu Ukusisa namui uhchi takushin chechii nishuuwanaachihtaawaat aweyuu upimaatisiiwiniyuu, chii takushin chechii pimaachihiiwet.” Ekw anite kutachiyuu ihtaawiniyuu kaa ituhtetwaau.

John 10:10

Chimutisk takushinuu mikw chechii kachemutit maak chechii nipahiiwet maak chechii waanachihiiwet. Niya maak wii nichii takushin chechii miiweyaan an pimaatisiiwin anit ekaa wiiskaat nuuhtepayihch chekwaan.”

John 12:47

An awen piyehtamukwe taan kaa ishi wiihtamaan ekaa maak nanihiihtamukwe, namui niwiyaaskunaau. Nichii takushin utah aschiihch namui wii chechii wiyaaskunicheyaan maak nichii takushin chechii pimaachihiiweyaan.

John 3:17

Wesh Chishemanituu chii pechi itishahweu Ukusisa utah aschiihch chechii pimaachihaayich aweyuuh namui wii chechii pechi nishuuwanaachimaayich.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.