Matthew 18:10 - Chishemanituu Utayimuwin: Kaa Uskaach Testament

¹⁰ “Yaakwaamiikw maak ekaa chechii aatuweyimekuch uchii awaashach, wesh chiwiihtamaatinaawaau, utenchilamuwaau kihchikiishikuhch kaa ihtaayich muush ayimishtamaakuuch e uhchishkuukaapuushtawayich Nuuhtaawii kihchikiishikuhch kaa ihtaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᔮᒀᒦᒄ ᒫᒃ ᐁᑳ ᒉᒌ ᐋᑐᐌᔨᒣᑯᒡ ᐅᒌ ᐊᐙᔕᒡ, ᐌᔥ ᒋᐐᐦᑕᒫᑎᓈᐙᐤ, ᐅᑌᓐᒋᓚᒧᐙᐤ ᑭᐦᒋᑮᔑᑯᐦᒡ ᑳ ᐃᐦᑖᔨᒡ ᒨᔥ ᐊᔨᒥᔥᑕᒫᑰᒡ ᐁ ᐅᐦᒋᔥᑰᑳᐴᔥᑕᐗᔨᒡ ᓅᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᔨᒡ᙮

Matthew 18:10 Iomraidhean Croise

Matthew 1:20

Mekwaach uyuu e maamituneyihtahk, iskutak maak nepaat, Utipeyihchikeu utenichilamiyuuh chii nuukushiishtaakuu upuwaamuwinihch e itikut, “Joseph, chiya aniyaa David aanische ukusisa, ekaawii kushtaach chechii wiichimat Mary wesh Kaa payehchisiyich Ahchaahkwa chii ihtuutaakuu chechii ayaawaat aniyuu awaasha.

Matthew 12:20

Kaye namui chika uhchi pahchishimeu aniyuu chekaat kaa pahchishiniyich kaye chika wiichiheu e siihchimaat ekaa chechii puuniyich aniyuu kaa wii nuuhtipuuniyich. Namui maak chika uhchi puuniyuu paatish misiwe chekwaayuuh chii kuiskunaakuhtaate kaye maak chika tepiheu aniyuuh kaa wii nishkuushtaakut.

Matthew 18:14

Ekun maak mwehch kaye Nuuhtaawii kihchikiishikuhch kaa ihtaat e ihtit, namui nituweyimeu waachipeyakw uyuu awaasha chechii wanishiniyich.”

Matthew 18:6

“An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak chechii nistaapaawet anite e mihchaakamiyich chihchikamiihch.

Matthew 2:13

Iskutak maak kaa chistuhtetwaau anichii naapeuch kaa pechi chiiutetwaau, ekw Utipeyihchikeu utenchilam kaa nuukushiishtaakut Joseph upuwaamuwinihch e itikut, “Herod chika naanituweyimeu aniyuu awaasha e wii nipahaat. Wanishkaah, nete Egypt che ishi ushimuhiit an awaash ekw maak aniyuuh ukaawiih, ekute che ihtaayekw paatish ititakuche chechii chistuhteyekw.”

Matthew 2:19

Iskutak maak kaa nipiyich Herod, ekw Utipeyihchikeu utenchilamiyuuh kaa nuukushiishtaakut Joseph upuwaamuwinihch. Eshkw mekwaach anite Egypt chii ihtaauch. Chii itikuu maak,

Matthew 24:31

Iskutak maak pehtaakuhche kaa chishewemakahch puutaachikan ekw che itishahwaat Chishemanituu utenchilamh chechii nituu maamuunaayich aniyuu aweyuuh kaa wiyaapamaat neweyich e uhchiiweyich kaa uhchiyich. Tekash e iskwaayaayich aschiiyuu anite maak ishi tekash e iskwaayaach kihchikiishikuyuu kata uhtineyuu.”

Luke 1:19

Ekw aniyuu enchil kaa nishkweushihiikut, e itikut, “Eukw niya Gabriel, uhchishkuu Chishemanituu e ihtaat niniipuun e atushkuuk. Nichii pechi itishahuukw chechii wiihtamaataan uu miywaachimuwin.

Luke 10:16

Ekw Jesus kaa itaat uchischinuhamuwaakan, “Awen kaa nituhtaataakw muyaam niya e pechi nituhtuut ekun e ishinaakusit. Awen maak kaa aatuweyimitaakw muyaam niya e aatuweyimit ekun e ishinaakusit. Ekw awen kaa aatuweyimit muyaam e aatuweyimaat Chishemanituu, aniyuu kaa pechi itishahuyich, ekun e ishinaakusit.”

Luke 16:22

An kaa chistimaatisiit naapeu chek chii nipuu, chii pechi utinikuu enchil, anite maak uhpime Abraham e ihtaayich ekute kaa pachishtinikut. Chek kaye an kaa miisitisiit naapeu kaa nipit, chii nahiihkuwaakanuu maak.

ᐊᐸᔅᑕᓚᒡ 10:3

Peyakwaau e chiishkwaapihtaachiishikaayich wiyesh nishtu e ispayiyich, chii waapahtiyaakanuu waapahtiiwewiniyuu, mitun e chii waapamaat Chishemanituu utenchilamiyuu e pechi piihcheyich, e itikut maak, “Cornelius.”

ᐊᐸᔅᑕᓚᒡ 12:15

Chii itaakanuu maak, “Waaskameyihta maa.” Mikw maak naashch chii wii taapweu e itwet, Taapwe wesin Peter an kaa pechi niiput. Ekw kaa itaatwaau, “Cheshtinaash utenchilam aniyuuh.”

ᐊᐸᔅᑕᓚᒡ 12:23

Tiiwehch maak Utipeyihchikeu utenchilamiyuu chii ihtuutaakuu Herod chechii mistaahkusit, ekw manichuushiisha kaa ati muukuut mitun e chii ati nipahiikut, wesh taapaa uhchi wii chisteyihtaakuheu Chishemanituu.

ᐊᐸᔅᑕᓚᒡ 27:23

Wesh an Chishemanituu kaa tipeyimit an kaa nuuchiishtuuk, utenchilam nichii pechi nituwaapamikuyuu tepiskaayich.

ᐊᐸᔅᑕᓚᒡ 5:19

Mikw maak aniyuu e ati tipiskaayich, Utipeyihchikeu utenchilam chii aapuhweyuu chishtuhkan anit chipahutuukamikuhch, ekw kaa wiiwiihtahaat aniyuu apastalh kaa itaat,

Romans 14:10

Chiya maak wii. Chekwaan wehchi wii wiyaaskunit chiichishaan. Chekwaayuu wehchi aatuweyimat. Wesh misiwe chika uhchishkuukaapuushtawaanuu Chishemanituu chechii wiyaaskunitahkw.

Romans 14:21

Uste chika miywaau ekaa chechii miichiyin wiyaas kaye ekaa che minihkweyin chekwaan che ihtuutaakuukwe chiichishaan chechii pahchishihk. Ekaawii chika uhchi ihtuuten chekwaan che ihtuutaakuukwe chiichishaan chechii pahchishinit.

Romans 15:1

Chiyaanuu kaa suuhchikaapuuyihkw chipaa wiichihaanuuch anichii ekaa kaa suuhchikaapuutwaau. Namui chiyaanuu chipaa uhchi wii naheyihtamihiisunaanuu.

1 Corinthians 11:22

Mikw waah miichisuwane maak mikw waah minihkwewane, nete chiichihch miichisuh kaye ekute nete minihkweh. Chuuhkaatamuwaanaawaau aa Chishemanituu utayimiheukamikw. Chiwii pimaamihaawaauch aa anichii kaa chistimaatisiitwaau. Taan maak chechii ititakuch. Namui nika chii itwen e maamihchihiyekw uu e ihtiyekw.

1 Corinthians 16:11

Namui awen chipaa uhchi aatuweyimeu aniyuuh Timothy. Teyakuch wiichihaahkw chechii takushinit ute e ihtaauch ekaa chekwaayuu chipishkaakut. Wesh nipukuseyimaau chechii pechi chiiwe wiichewaat aniyuuh kutak chiichishaanuuh.

1 Corinthians 9:22

Kaye maak e ihtaayaanh anite e ihtaatwaau anichii ekaa naashch kaa suuhchikaapuutwaau utaapwehtamuwiniwaahch ekun kaye niya e iteyihtaakuhiisuyaan. Uyuu nitihtiwaan chechii wiichihiikwaau etituu chechii suuhchikaapuutwaau e taapwehtahkwaau. Mikw taan e iteyihtaakusitwaau awenichii e kacheschimakwaau ekun e iteyihtaakuhiisuyaan. Mikw taan che ishi nihiipayikwe chechii ishi wiichihiikwaau ekun che ishi wiichihiikwaau pasch chechii pimaachihutwaau.

2 Corinthians 10:1

Ihtakun che ishi pukuseyimitakuch. Uu maak che aayimuutamaatakuch an e ishpish chishewaatisiit kaye e ishpish chiyaamisiit Jesus Christ niwii iteyihtaakusin an e ishi ayimihiitakuch. Ihtaauch awenichii e itwetwaau naashch ekaa saapihtaakusuuch anit e ihtaawekw e ihtaauch. Mikw anite aahchiiuh e ihtaauch e uhchi suuhcheyihtaakuhiisuch itweuch.

2 Corinthians 10:10

Pasch wesh awenichii itweuch, “Naashch taapwe suuhchihtaakuniyuu taan e itasinahiichet Paul. Muhch maak e ihtaat utah naashch taapwe niyamisiiweyihtaakusuu. Kaye maak namui wiyesh itaapataniyuu taan e itwet.” Ekun e itwetwaau.

Galatians 6:1

Niichishaanitikw, chiishpin shaakuuchihiikute awen machaatisiiwiniyuu chiyawaau kaa piichishkaataakw kaa payehchisiit ahchaahkw chipaa wiichihaawaau an awen chiyaam chechii miinupitekw taan waa ishi paschepayit. Yaakwaamiishtaasukw kaye, ekaa chechii asichipayiyekw kaye chiyawaau chechii ati machituutamekw.

1 Thessalonians 4:8

Awen maak ekaa aapateyihtamukwe uyuu chiskutamaachewiniyuu namiyeyuuh naapeuh ekaa kaa aapateyimaat. Chishemanituuh, aniyuuh kaa miikuuhkw Kaa payehchisiyich Ahchaahkw eukun aniyuuh namui aapateyimeu.

1 Timothy 4:12

Ekaawii chika uhchi aatuwaahiikuuch awenich aniyuu e uschipimaatisiyuut uyuu e itaapatisuut. Mikw ishi pimaatisii anit chechii uhchi chischinuwaapahtahkwaau chipimaatisiiwiniyuu anichii kaa taapwehtahkwaau, taan e itihtaakuniyich chitayimuwiniyuu, kaye taan e ishinaakuhch chipimaatisiiwin kaye taan e ishi saachihiiweyin maak e ishi taapwehtaman kaye taan e ishi payehkaatisiyin.

Hebrews 1:14

Ahchaahkuch maak enchilich. Chishemanituu itishahukuuch chechii waawiichihaatwaau aniyuu che pimaachihaakanuyich.

Hebrews 9:24

Wesh Christ chii piihcheu aniyuu maauch kaa chisteyihtaakuniyich ayimiheu maahkiiyuu anite kihchikiishikuhch kaa ihtakuniyich, aniyuu ekaa naapeu uhchi ushihtaayich. Uu maahkii utah aschiihch kaa ihtakuhch nispitaachemakan e ishinaakuhch an maahkii kihchikiishikuhch kaa ihtakuhch. Jesus maak anite kihchikiishikuhch wechiihch chii piihcheu, anite muush e ayimiheshtamaatahkw Chishemanituu e ihtaayich.

Revelation 8:2

Ekw kaa waapamakwaau anichii niishwaashch enchilich muush uhchishkuu Chishemanituuh e ihtaayich kaa niipuutwaau. Niishwaashch puutaachikanh chii miyaakanuuch.