Matthew 17:4 - Chishemanituu Utayimuwin: Kaa Uskaach Testament

⁴ Ekw Peter kaa itaat aniyuu Jesus, “Utipeyihchikeu, nuwach miyeyihtaakun utah chechii ihtaawaauhchipane. Naheyihtamane, nika ushihtaanaan nishtu tipinuushimunh, paahpeyakw che ayaayekw, chiya, Moses ekw maak Elijah.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐁᒄ ᐲᑕᕐ ᑳ ᐃᑖᑦ ᐊᓂᔫ ᒌᓴᔅ, ᐅᑎᐯᔨᐦᒋᑫᐤ, ᓄᐗᒡ ᒥᔦᔨᐦᑖᑯᓐ ᐅᑕᐦ ᒉᒌ ᐃᐦᑖᐙᐅᐦᒋᐸᓀ᙮ ᓇᐦᐁᔨᐦᑕᒪᓀ, ᓂᑲ ᐅᔑᐦᑖᓈᓐ ᓂᔥᑐ ᑎᐱᓅᔑᒧᓐᐦ, ᐹᐦᐯᔭᒄ ᒉ ᐊᔮᔦᒄ, ᒋᔭ, ᒧᓯᔅ ᐁᒄ ᒫᒃ ᐁᓚᐃᒐ᙮

Matthew 17:4 Iomraidhean Croise

Matthew 17:3

Chii uhchi waapameuch maak Moses ekw maak Elijah e ayimihaayich aniyuu Jesus.

Luke 9:33

Iskutak maak anichii naapeuch waa nakataatwaau Jesus, Peter chii iteu, “Chischinuhamaachesuu nuwach miyeyihtaakun utah chechii ihtaawaauhchipane. Pachishtinaanh maa chechii ushihtaayaahch nishtu tipinuushimunh, paahpeyakw che ayaayekw, chiya, Moses ekw maak Elijah.” Peter maak namui tekash uhchi nisituhtam chekwaayuu wehchi itwet uyeyuu.

John 17:24

“Nuuhtaawii, chiya chichii pechi miyin uchii, chinitutamaatin maak kaye wiyawaau eshkw chechii ihtaatwaau taanite che ihtaauch. Ekw maak che waapahtahkwaau nichisteyihtaakusuwiniyuu, aniyuu chisteyihtaakusuwiniyuu kaa pechi miyin wesh chichii saachihiin eshkw ekaa uhchi ushihtaayin uu aschii.

John 7:2

Shaash maak chii peshunaakuniyuu kaa chii makushetwaau Jewa iinuuch. Ekut uyuu mekwaach chii ihtakuniyuu taan kaa chii ihtitwaau maan kaye maahkiihch chii ihtaauch.

Philippians 1:23

Taapishkun nimushteneyihten aniyuuh. Naashch taapwe niwii nakaten uu aschii, Jesus Christ e ihtaat chechii ihtaayaan. Eukw uu uste meywaashich.

1 John 3:2

Niichishaanitikw kaa saachihiitakuch, kuutawaashiimitutaakunuu Chishemanituu anuhchiish, mikw maak eshkw namui nuukun taan che iteyihtaakusiihkw, mikw chichischeyihtenaanuu iskutak takushihke mwehch wiya kaa iteyihtaakusit ekun che iteyihtaakusiihkw. Wesh chika waapamaanuu taan nihaau e iteyihtaakusit.

Revelation 21:23

Namui nituweyihtaakusuu piisim maak tipischipiisim chechii uhchi waashtuwech an ihtaawin. Wesh e ishpish chiihkaayaashtuweyich ati e ihtaat Chishemanituu ekut wehchi chiihkaayaashtech an ihtaawin. Kaye an Maanishchaanish e ihtaat ekut wehchi chiihkaayaashtech.