Matthew 17:27 - Chishemanituu Utayimuwin: Kaa Uskaach Testament

²⁷ Ekw maak namui kiipaa nituweyihtakuun niya chechii pachishtinamaan shuuliyaau anite chisheayimiheukamikuhch ishi. Mikw maak namui chika uhchi wii chishuwaahaanuuch anichii iinuuch. Ekush maak chikaa pachishtinenaanuu shuuliyaau. Naasipe maak nete che pakashtawehaman kiskanaapii. An maak niishtam names che uchikwaatat che utinat, anite maak utuunihch chika miskuwaayuu shuuliyaanaapiskwa, chika ishpishaau anit taapishkun e niishiihkw taan chipaa ishi pachishtinenaanuu shuuliyaau. Che ituhtataayin nete chisheayimiheukamikuhch che pachishtinaman an chipaa ishpish chiishiihkaasunaanuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐁᒄ ᒫᒃ ᓇᒧᐃ ᑮᐹ ᓂᑐᐌᔨᐦᑕᑰᓐ ᓂᔭ ᒉᒌ ᐸᒋᔥᑎᓇᒫᓐ ᔔᓕᔮᐤ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ ᐃᔑ᙮ ᒥᒄ ᒫᒃ ᓇᒧᐃ ᒋᑲ ᐅᐦᒋ ᐐ ᒋᔓᐙᐦᐋᓅᒡ ᐊᓂᒌ ᐄᓅᒡ᙮ ᐁᑯᔥ ᒫᒃ ᒋᑳ ᐸᒋᔥᑎᓀᓈᓅ ᔔᓕᔮᐤ᙮ ᓈᓯᐯ ᒫᒃ ᓀᑌ ᒉ ᐸᑲᔥᑕᐌᐦᐊᒪᓐ ᑭᔅᑲᓈᐲ᙮ ᐊᓐ ᒫᒃ ᓃᔥᑕᒻ ᓇᒣᔅ ᒉ ᐅᒋᒀᑕᑦ ᒉ ᐅᑎᓇᑦ, ᐊᓂᑌ ᒫᒃ ᐅᑑᓂᐦᒡ ᒋᑲ ᒥᔅᑯᐙᔫ ᔔᓕᔮᓈᐱᔅᑾ, ᒋᑲ ᐃᔥᐱᔖᐤ ᐊᓂᑦ ᑖᐱᔥᑯᓐ ᐁ ᓃᔒᐦᒄ ᑖᓐ ᒋᐹ ᐃᔑ ᐸᒋᔥᑎᓀᓈᓅ ᔔᓕᔮᐤ᙮ ᒉ ᐃᑐᐦᑕᑖᔨᓐ ᓀᑌ ᒋᔐᐊᔨᒥᐦᐁᐅᑲᒥᑯᐦᒡ ᒉ ᐸᒋᔥᑎᓇᒪᓐ ᐊᓐ ᒋᐹ ᐃᔥᐱᔥ ᒌᔒᐦᑳᓱᓈᓅ᙮

Matthew 17:27 Iomraidhean Croise

Matthew 17:26

Ekw Peter kaa itaat, “Aniyuuh kiipaa kutak aweyuuh e ihtaayich chipaa uhchipayiniyuu.” Ekw kaa itikut Jesus, “Kiipaa miiskuch namui utawaashiim chika uhchi pachishtinamiyuuh shuuliyaayuu.

Matthew 18:6

“An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak chechii nistaapaawet anite e mihchaakamiyich chihchikamiihch.

Matthew 18:8

“Ihtuutaakuyine peyakw chitihchii maak chisit chechii wanituutaman, manishah, che wepinaman. Uste miywaau chechii piihcheyin pimaatisiiwinihch e maaschipayin maak e maaschisiyin ishpish wii chechii ayaayin niishu mitihchii kaye niishu misith che ishiwepinikuyin maak anite ishi an ishkuteu ekaa nihtaa che aastuwech.

Matthew 5:29

Ekw maak ihtuutaakuyine chischiishikw chinihiiwinihch kaa ihtakuhch chechii machituutaman kuikunh, che wepinaman. Uste miywaau chechii wanihtaayin apishiish chiiyuu ishpish wii misiwe chiiyuu chechii ishiwepinikanuuhch machishkutehch.

Matthew 5:30

Kaye maak ihtuutaakuyine chitihchii chinihiiwinihch kaa ihtakuhch chechii machituutaman, manishah che wepinaman. Uste miywaau chechii wanihtaayin peyakw an chitihchii ishpish wii misiwe chiiyuu chechii ishiwepinikanuuhch machishkutehch.”

Mark 9:42

Jesus chii ati iteu, “An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak anite chihchikamiihch chechii pakashtawepinaakanuut.

Mark 9:43

Michihpin maak chitihchii ihtuutaakuyine chechii machituutaman, ekush chimisha an chitihchii.

Luke 17:2

Uste chipaa miywaayuu an awen chechii punasinaapaataakanuut anite chihchikamiihch, kaa ihtuutawaakwe chechii machituutamiyich aweyuu muyaam aniyuu ekaa naashch kaa suuhchikaapuyich taapwehtamuwinihch, mikw maak eshkw etituu kata aahkwaachipayuu taan che ishi waweshihaakanuut.

John 6:61

Jesus maak chii chischeyimeu, aat ekaa uhchi wiihtamuwaakanuut, taan e itituyich ekw kaa itaat, “Kuushtuweyihtamihiikunaawaau aa uu kaa itweyaan.

Romans 14:21

Uste chika miywaau ekaa chechii miichiyin wiyaas kaye ekaa che minihkweyin chekwaan che ihtuutaakuukwe chiichishaan chechii pahchishihk. Ekaawii chika uhchi ihtuuten chekwaan che ihtuutaakuukwe chiichishaan chechii pahchishinit.

1 Corinthians 8:13

Ekw maak, miichiyaane miichim manituuhkaan e chii pachishtinamuwaakanuut ihtuutaakute maak niichishaan chechii wanituutahkw aniyuu e ihtuuch, namui miin wiiskaat nika uhchi miichin an miichim che ihtuutaakuukwe niichishaan chechii pahchishihk.

1 Corinthians 8:9

Yaakwaamiih maak. An e ishinaakuhch chechii wiyeyihtamaasuyin chiya taan che ihtiyin ekaawii chika uhchi ihtuutaakuu kutak awen eshkw ekaa kaa yaaichikaapuut taapwehtamuwinihch chechii machituutahkw.

2 Corinthians 6:3

Namui nitaweyihtenaan nitamukw chechii ishi pachishtinikanuuhch taan e ishi atushkuwachiht Chishemanituu ekw maak suuhk kwechihtaayaahch ekaa chechii ishi pimaatisiyaahch chechii chipishkaakut awen chechii pimaachihut.

2 Corinthians 8:9

Chichischeyimaawaau taan kaa ishi miyutuutamaachet Chitipeyihchikeminuu Jesus Christ. Chii weyuutisiyuu yaapach maak chii ihtuutaasuu chechii chistimaatisiit chiyaanuu uhchi. Chii nakatam wiya misiwe uweyuutisiiwin.

1 Thessalonians 5:22

Ekaawii piskaatamukw machaatisiiwin.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.