Matthew 17:20 - Chishemanituu Utayimuwin: Kaa Uskaach Testament

²⁰ Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐁᒄ ᒌᓴᔅ ᑳ ᐃᑖᑦ, ᑮᐹ ᐊᓐ ᐁᑳ ᐃᔥᐱᔖᒡ ᒋᑖᐺᐦᑕᒧᐎᓇᐙᐤ᙮ ᑖᐺ ᒋᑎᑎᓈᐙᐤ ᐋᑦ ᒥᒄ ᐊᐱᔖᔑᒉ ᒋᑖᐺᐦᑕᒧᐎᓐ ᒧᔮᒻ ᐁ ᐃᔥᐱᔥ ᐊᐱᔒᔑᑦ ᔔᒥᓐ ᒪᔅᑕᕐᑦ ᑳ ᐃᔑᓂᐦᑳᓱᑦ ᐃᔥᐱᔖᒉ, ᐗᒌ ᒋᑲ ᒌ ᐃᑕᔓᐙᑌᓐ, ᓀᑌ ᐃᔑ ᐋᐦᒋᑳᐴ᙮ ᒋᑲ ᐱᔑᒋᐦᐄᑰᓐ ᒫᒃ᙮ ᒥᒄ ᒉᒀᓐ ᐙ ᐃᐦᑑᑕᒪᓐ ᒋᑲ ᒌ ᐃᐦᑑᑌᓐ ᐊᔮᔨᓀ ᑖᐺᐦᑕᒧᐎᓐ᙮

Matthew 17:20 Iomraidhean Croise

Matthew 13:31

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuu wetinaat naapeu e ati aaihwaat anite unihtaauchihchikan aschiihch.

Matthew 14:29

Ekw Jesus kaa itaat, “Aashtam.” Ekw Peter kaa kapaat che nituwaapamaat aniyuu Jesus nipiihch e pimuhtet.

Matthew 17:17

Jesus maak chii iteu aniyuu iinuu anit kaa ihtaayich, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin kaye ekaa kaa kweskaatisiyekw, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

Matthew 17:19

Ekw aniyuu uchischinuhamuwaakan kaa pechi nituwaapamikut pahkaan kaa ituhtahiikut ekw kaa itikut, “Taanite wehch ekaa uhchii wiiwiitishihuuchiht an machiahchaahkw.”

Matthew 17:9

Mekwaach maak e pinisuwetwaau aniyuu wachiyuu, Jesus chii itikuuch yaaitei ekaa che wiihtamuwaatwaau aweyuu uyuu waapahtiiwewiniyuu kaa waapahtahkwaau paatish chii wanishkaanaakanuyichen Iinuu Ukusisa nipuwinihch uhchi.

Matthew 21:21

Ekw Jesus kaa itaat, “Chiwiihtamaatinaawaau, ekaa mitun che uhchi aanuwehtamuwekwe mitun che taapwehtamuwekwe, chika chii ihtuutawaawaau kaye chiyawaau taan kaa ihtuutuuk uu misishuuminaahtikw. Namayeu mikw an chekwaan chechii ihtuutamekw kaye chika chii itashuwaaten wachii, ‘Ishiwepinisuh anite chihchikamiihch.’ Chika pishichihiikuun maak.

Matthew 8:26

Ekw Jesus kaa itaat, “Chekwaan wehchi naashch kushtaachiyekw, taapwe nuwach kaa apishaashich chitaapwehtamuwinawaau.” Ekw kaa wanishkaat kaa itashuwaatahk aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii uhchi ywaashtiniyuu.

Mark 11:22

Jesus chii iteu aniyuuh uchischinuhamuwaakanh, “Taapweyimaahkw Chishemanituu.

Mark 11:23

Kuiskw chiwiihtamaatinaawaau, awen chechii itashuwaatamukwe uyuu wachiyuu, pihkuchiih ekw anite chihchikamiihch che ishiwepinisuyin, ekaa maak mitun aanuwehtahke chechii ispayiyich uyeyuu, mitun taapwehtahke aniyuu kaa itwet che ispayiyich, ekun che ihtuutamuwaakanuut taan kaa ishi nitaweyihtahk.

Mark 4:31

Mwehch an shuumin maauch kaa apishiishiit utah aschiihch mastart kaa ishinihkaataakanuut ekun e ishinaakuhch kihchikiishikw uchimaawin. Naapeu utineu uyuuh shuuminh ekw aschiihch e aaihwaat chechii nihtaauchiyich.

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

Luke 1:37

Namui ihtakuniyuu chekwaayuu Chishemanituu ekaa chechii ihtuutahk.”

Luke 17:6

Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

Luke 18:27

Jesus maak chii iteu, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

John 11:40

Ekw Jesus kaa itaat aniyuu Martha, “Namui aa shaash chuuhchii wiihtamaatin, taapwehtamane che waapahtamuwat Chishemanituu uchisteyihtaakusuwin.”

1 Corinthians 12:9

Ekw kutak aweyuuh maayaat tekash chechii taapweyimaayich Chishemanituu. Miin kutak miyeu maskuusiiwiniyuu chechii miinuwaachihaayich aweyuu.

1 Corinthians 13:2

Kaye maak aat miikuyaan chechii kaschihuyaan e chischiwehiicheyaan, kaye maak aat misiwe chischeyihtamaan niya taan e ishi ekaa chischeyihtahkwaau kutakach awenich, kaye aat miikuyaan misiwe chechii chischeyihtamaan chekwaan ekaa uhchi chischeyihtamihiiwaanuuhch anite utaahch kaye maak aat ayaayaan taapwehtamuwin chechii aahtinamaan wachiih ekaa maak ayaayaan saachihiiwewin yaapach namui mitun chekwaan nipaa uhchi iteyihtaakusin.

Hebrews 3:19

Ekw maak chescheyihtamuhkw utaanuwehtamuwinawaau e chii ihtuutaakutwaau anichii iinuuch wehchi ekaa uhchi piihchewaatwaau aniyuu aschiiyuu Chishemanituu kaa ayeskuushtamaakutwaau anit che ayiwepitwaau.