Matthew 17:12 - Chishemanituu Utayimuwin: Kaa Uskaach Testament

¹² Mikw maak chiwiihtamaatinaawaau shaash miin e chii takushinit Elijah mikw namui uhchi nisituunaakuu iinuu. Mikw maak waa ihtuutuwaatwaau chii ihtuutaweuch. Ekun maak mwehch che ishpish wiisacheyihtamihaatwaau Iinuu Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒥᒄ ᒫᒃ ᒋᐐᐦᑕᒫᑎᓈᐙᐤ ᔖᔥ ᒦᓐ ᐁ ᒌ ᑕᑯᔑᓂᑦ ᐁᓚᐃᒐ ᒥᒄ ᓇᒧᐃ ᐅᐦᒋ ᓂᓯᑑᓈᑰ ᐄᓅ᙮ ᒥᒄ ᒫᒃ ᐙ ᐃᐦᑑᑐᐙᑣᐤ ᒌ ᐃᐦᑑᑕᐌᐅᒡ᙮ ᐁᑯᓐ ᒫᒃ ᒬᐦᒡ ᒉ ᐃᔥᐱᔥ ᐐᓯᒉᔨᐦᑕᒥᐦᐋᑣᐤ ᐄᓅ ᐅᑯᓯᓴ᙮

Matthew 17:12 Iomraidhean Croise

Matthew 11:2

John kaa siikahaahtaachet maak chii maakunaakanuu ekw kaa chipahwaakanuut chipahutuukamikuhch. ekute maak anite kaa pehtahk e tipaachimaakanuyich taan e ihtiyich Christ, ekw kaa itishahwaat niishu uchischinuhamuwaakanh anite e ihtaayich Jesus.

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 17:11

Ekw Jesus kaa itaat, “Taapwe Elijah niishtam chika takushinuu, misiwe chekwaayuu ekaa kuiskunaakuniyich che kuiskunaakuhtaat.

Matthew 17:13

Iskutak maak kaa pehtahkwaau anichii chischinuhamuwaakanich shaash miin e chii takushiniyich Elijah ekw kaa chischeyihtahkwaau eukw aniyuu John siikahaahtaacheu kaa aayimuumaakanuyich.

Matthew 17:22

Iskutak maak misiwe anichii chischinuhamuwaakanich kaa pechi nishtuwiitwaau anite Galileehch, Jesus chii iteu, “Shaash wiipach chika pachishtinaakanuuch iinuuch taan waa ihtuutuwaatwaau chechii ihtuutuwaatwaau Iinuu Ukusisa.

Matthew 17:9

Mekwaach maak e pinisuwetwaau aniyuu wachiyuu, Jesus chii itikuuch yaaitei ekaa che wiihtamuwaatwaau aweyuu uyuu waapahtiiwewiniyuu kaa waapahtahkwaau paatish chii wanishkaanaakanuyichen Iinuu Ukusisa nipuwinihch uhchi.

Matthew 21:32

Wesh John kaa siikahiitaachet chichii pechi nituwaapamikuwaau e chii wii waapahtiitaakw kuiskutaatisiiwiniyuu, namui maak chuuhchi taapwehtawaawaau. Mikw maak anichii chisheuchimaau kaa aapachihiikuutwaau e maamuushtinamuwaatwaau ushuuliyaamiyuu kaye anichii pisikwaatisiiskweuch chii taapwehtaweuch taan kaa ishi aayimuutamaakutwaau kuiskutaatisiiwiniyuu. Aat iskutak wiyaapamekuch e taapwehtahkwaau uchii, namui yaapach chuuhchi kweskaatisiinaawaau namui yaapach chuuhchi taapwehtenaawaau.”

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Luke 7:33

Iskutak maak John siikahaahtaacheu kaa takushihk namui meshikum uhchi miichisuu, namui kaye uhchi minihkweu shuuminaapuuyuu, chichii itaawaau maak machiahchaahkwa e piihchishkaakut.

John 1:11

Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 4:10

Misiwe chipaa chischeyihtenaawaau kaye misiwe Israel iinuuch chipaa chischeyihtamuch Jesus utishinihkaasuwiniyuu e chii miinuwaachihiikut uu naapeu. Eukw uu Jesus Christ Nazareth kaa uhchiit, an kaa chiistaaskuhwekw aashiteyaahtikuhch kaye aniyuu Chishemanituu miin kaau kaa wanishkaanaat nipuwinihch uhchi.

ᐊᐸᔅᑕᓚᒡ 7:52

Aniyehkaanaanich weskach chiwaahkumaakanuwaauch, misiwe uchischiwehiichesuuh chii nanehkaachiheuch. Kaye chii nipaheuch aniyehkaanaanh kaa pechi niikaan wiihtamiitwaau che takushiniyich aniyuu Ukuiskutaatisiiu kaa ishinihkaasuyich. Eukw maak uu kaa wiyesipachishtinekw kaye kaa nipahekw.