Matthew 16:27 - Chishemanituu Utayimuwin: Kaa Uskaach Testament

²⁷ Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐌᔥ ᐄᓅ ᐅᑯᓯᓴᐦ ᒋᑲ ᑕᑯᔑᓂᔫᐦ ᐅᐦᑖᐐᒫᐤ ᐅᒋᔅᑌᔨᐦᑖᑯᓱᐎᓃᐦᒡ ᑲᔦ ᐁᓐᒋᓪᐦ ᐁ ᐯᒋ ᐐᒉᐅᑯᑦ, ᐁᒄ ᒫᒃ ᒉ ᑎᐸᐦᐊᒧᐙᑦ ᒥᓯᐌ ᐊᐌᔫ ᑖᓐ ᑳ ᐃᔑ ᐃᐦᑑᑖᒥᔨᒡ᙮

Matthew 16:27 Iomraidhean Croise

Matthew 13:41

Iinuu Ukusisa chika itishahweu utenchilamh chechii nituu maamuushtinaayich anite uchisheuchimaawinihch uhchi aniyuu kaa ihtuutuwaayich kutak aweyuu chechii machituutamiyich kaye misiwe aniyuu aweyuu kaa machipimaatisiyich.

Matthew 13:49

Ekun maak mwehch che ishinaakuhch iskutak iskwaapayihche aschii, enchilich chika nituu pahkaaniheuch aniyuu kaa machaatisiyich anite uhchi mekwesiinuu aniyuu kaa kuiskutaatisiyich e ihtaayich.

Matthew 24:30

Ekw maak che nuukuniyich anite chiishikuhch shaash e pechi takushihk Iinuu Ukusisa. Misiwe e itiskaanesitwaau awenichii utah aschiihch kaa ihtaatwaau kata maatuch. Kata waapameuch maak Iinuu Ukusisa e pechi asiyich kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

Matthew 25:31

“Anite maak niishtaamihch iskutak Iinuu Ukusisa takushinite naashch e chisteyihtaakusit kaye e suuhcheyihtaakusit misiwe enchil e pechi wiichewaat, ekw che apit anite chisheuchimaau tehtapuunihch anit chechii uhchi wiyaaskunaat aweyuu.

Matthew 26:64

Jesus chii iteu, “Ekun e itweyin. Mikw maak chiwiihtamaatinaawaau chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Mark 14:62

Jesus chii iteu, “Ehe, eukw niya. Chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Mark 8:38

An awen che pimaamishiishtuut neshta che pimaamishiishtamukwe aniyuuh nichiskutamaachewinh anuhchiish uyuu mekwaach e ishpish ekaa kuiskw aihtitwaau awenichii kaye e ishpish machaatisiitwaau, kaye wiya Iinuu Ukusisa kata pimaamishiishtaakuu iskutak takushiniyichen Chishemanituu uchishteyihtaakusiiwiniihch payehchi enchilh e pechi wiicheukut.”

Luke 21:27

Ekw maak che waapamaakanuut Iinuu Ukusisa e pechi asiit kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

Luke 22:69

Mikw maak ekw wetihchipayiyich Iinuu Ukusisa che apit Chishemanituu maauch kaa chisteyihtaakusit unihiiwiniihch itehche.”

Luke 9:26

Awen maak pimaameyimute niya uhchi kaye nitayimuwiniyuu uhchi eukuu che pimaameyimuhaat Iinuu Ukusisa iskutak miin takushiniyichen uchisteyihtaakusuwiniihch. Ekut che chischeyihtahkwaau awenichii e ishpish chisteyihtaakusiyich Iinuu Ukusisa wesh kata waapahtiiweuch Uhtaawiimaau ekw maak kaa payehchisiitwaau enchilich e ishpish chisteyihtaakusiyich.

John 21:22

Jesus chii itikuu, “Nituweyimike chechii pimaatisiit paatish miin takushinuuche, taan maak chechii ihtiyin chiya. Pechi nuushuushkuu chiya.”

John 21:23

Ekw kaa mishihtepayihch tipaachimuwin anit mekwesiin wiichishaanimaauch e ihtaatwaau aniyuu ekaa che uhchi nipit uu chischinuhamuwaakan. Mikw maak namui uhchi itwekupane Jesus ekaa che uhchi nipiyich. Chii iteu, “Netuweyimaauche eshkw chechii pimaatisiit takushinuuche, taan maak chechii ihtiyin chiya.”

ᐊᐸᔅᑕᓚᒡ 1:11

Ekw kaa itikutwaau, “Chiyawaau naapeutikw Galileehch kaa uhchiyekw, chekwaan wehchi niipuuyekw utah, ishpimihch e iitaapiyekw. Uu Jesus taan kaa ishi pechi utinaakanuut kihchikiishikuhch ishi, kaa ishi waapamekw e ituhtet kihchikiishikuhch ekun mwehch che ishinaakusit miin takushihke.”

Romans 14:12

Misiwe e tashiihkw chika waawiihtamuwaanuu Chishemanituu taan kaa ihtuuhkw kaye maak chekwaayuu aniyuu wehchii ihtuuhkw.

Romans 2:6

Wesh misiwe aweyuu aniyuu taan kaa aihtiyich kata ihtakuniyuu taan che ishi wiyaaskunaat.

1 Corinthians 15:23

Misiwe maak awen ihtakuniyuu taaishpish che wanishkaanaakanuut. Christ niishtam kata waanishkaanaakanuu. Ekw maak che wanishkaanaakanuyich aniyuuh aweyuuh kaa tipiyeusiit iskutak miin takushihke.

1 Corinthians 3:13

Misiwe maak awen chika nuukuhtaakanuuyuu taan nihaau e iteyihtaakuniyich utaapatisuwin wiyaaskunicheu chiishikaayiche. Wesh ishkuteyuu kata aapataniyuu e nituu chischeyihtaakuniyich taan nihaau e iteyihtaakuniyich awen utaapatisuwin. Ekut che uhchi chischeyihtaakuniyich taapwe meywaayikwe utaapatisuwin.

1 Corinthians 8:8

Namui miichim chika uhchi ihtuutaakunaanuu uste chechii iteyihtaakusiihkw Chishemanituu ishi e ihtaat. Namui uste chika uhchi iteyihtaakusinaanuu aat miichiihkwe kaye namui niihtaach chika uhchi iteyihtaakusinaanuu aat ekaa miichiihkwe.

2 Corinthians 5:10

Wesh misiwe paahpeyakw e tashiihkw chika uhchishkuukaapuushtawaanuu Christ taanite e apit chechii wiyaaskunitahkw. Ekw maak misiwe paahpeyakw che miitahkw taan an e iteyihtaakuhch chechii miikuwaauhkupane mikw taan kaa ihtiwaauhkwe mekwaach utah aschiihch kaa pimaatisiihkw, kaa miyu ihtiwaauhkwe maak ekaa uhchi miyu ihtiwaauhkwe.

Ephesians 6:8

Wii chischeyihtamukw taapaa aahchiiuh kata uhchi ishi tipahamuweu Utipeyihchikeu aweyuu aat aniyuu kaa uchimaawiyich maak aniyuu kaa kuuhpaanewiyich. Mikw taan e ishi nuukuhtaayich e chii ishi miywaapatisiyich aweyuuh ekun che ishi tipahamuwaat.

Colossians 3:25

An awen ekaa maamuyaam kaa ihtit chika ihtakuniyuu taan che ishi taapishtuwaakanuut. Wesh misiwe awen chika waweshihaakanuu taan e ishi nituweyihtaakuniyich chechii ishi waweshihaakanuut.

1 Thessalonians 1:10

eyuu maak e ashuwaapamekw Chishemanituuh Ukusiyuuh miin kaau chechii takushiniyich kihchikiishikuhch uhchi. Eukw uyuuh Ukusisa kaa wanishkaanaat nipuwinihch uhchi. Eukw maak uu Jesus kaa pimaachihiitahkw ekaa chechii waweshihiikuuhkw Chishemanituuh wiyaaskunicheu chiishikaayiche.

1 Thessalonians 4:16

Utipeyihchikeu chika pechi aasiyuu kihchikiishikuhch uhchi e chishewet e tepwet. Kaye maak an kaa niikaanishkuwaat enchil kata pehtaakusuu e tepwet kaye maak Chishemanituu upuutaachikan kata pehtaakuniyuu. Ekw anichii kaa nipitwaau e chii taapweyimaatwaau Christ wiyawaau niishtam kata uhpiskaauhch.

James 5:7

Niichishaanitikw, siipiiwesiikw che ishpish ekaa takushihk Utipeyihchikeu. Chichischeyimaau kaa nihtaauchihchet e ishpish siipiiwesiit e ashuwaapahtahk chechii chiishi nihtaauchiniyikwaauh e miywaashiyikwaauh nihtaauchihchikan anite kaa nihtaauchihchet. Siipiiwesiyuu e ashuwaapahtahk chechii chimuuniyich e miyuuskamiyich kaye e takwaatiniyich.

1 Peter 1:17

Suuhk maak muush chisteyimaahkw Chishemanituu wiya Nuuhtaawiinaan kaa ishinihkaatekw e ayimihaayekw. Eukw wesh uu kuiskw kaa ishi wiyaaskunaat misiwe aweyuu taan nihaau e ihtiyich. Aniyuu taan kaa ishi atushcheyich ekut wehchi wiyaaskunaat. Suuhk maak muush wii chisteyimaahkw Chishemanituu che ishkuhtaakwe chipimaatisiiwinaawaauh utah aschiihch.

1 John 2:28

Awaashitikw, muush wiichewaahkw Jesus. Ekw maak che cheshtinaateyimuyekw pechi nuukusite kaye namui chika uhchi pimaameyimunaawaau takushihke.

Jude 1:14

Enoch, an niishwaashch kaa ihtaat Adam e ihtaayich e chii uhchi aanische pimaatisiit, shaash anite weskach niyaakan chii aayimuumeu uyuuh. Chii iteu, “Iitaapikw maa. Utipeyihchikeu mihchetwaau chishe mitaahtumitanuu upayehchi enchilimh chika pechi wiicheweu

Revelation 1:7

Iitaapikw maa. Pechi takushinuu kaskawanishkuhch e pechi aasiit. Misiwe aweyuuh chika waapamikuu, mechim aniyuuh kaa tahkamikut. Misiwe e itiskaanesiyich aweyuuh chika mista maatuuyuuh waapamikute. Cheshtinaash chika ispayuu uu. Amen.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.

Revelation 20:12

Nichii waapamaauch maak misiwe anichii awenichii kaa nipuwaakupanenich. Misiwe kaa chisteyihtaakusitwaau kaye anichii ekaa kaa chisteyihtaakusitwaau nichii waapamaauch. Chii uhchishkuukaapushtamuch aniyuu chisheuchimaau tehtapuwiniyuu. Chii ihtakun maak masinahiikanh e aapahiikanuuhkwaauh. Miin maak kutach masinahiikan chii aapahiikanuu. Uu maak masinahiikan ekut mesinaasutwaau anichii awenichii che ayaatwaau kaachiche pimaatisiiwiniyuu. Anichii maak kaa nipitwaau chii wiyaaskunaakanuuch mikw taan kaa ihtiwaakupanenich. Misiwe taan kaa ihtitwaau chii masinaateyuu anit aniyuuh masinahiikanh.