Matthew 16:24 - Chishemanituu Utayimuwin: Kaa Uskaach Testament

²⁴ Ekw Jesus kaa itaat aniyuu uchischinuhamuwaakan, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐁᒄ ᒌᓴᔅ ᑳ ᐃᑖᑦ ᐊᓂᔫ ᐅᒋᔅᒋᓄᐦᐊᒧᐙᑲᓐ, ᐊᐌᓐ ᐙ ᓅᔔᔥᑰᑴ ᐁᑯᔥ ᒋᐹ ᐸᒋᔥᑎᓇᒻ ᐊᓂᔫ ᐎᔭ ᑖᓐ ᐙ ᐃᔑ ᓇᓂᐦᐁᔨᐦᑕᒥᐦᐄᓱᑦ, ᒋᐹ ᐅᑎᓀᐤ ᐅᑖᔑᑌᔮᐦᑎᑯᒻ ᐁᒄ ᒫᒃ ᓂᐹ ᐯᒋ ᓅᔔᔥᑳᒄ᙮

Matthew 16:24 Iomraidhean Croise

Matthew 10:38

An awen ekaa kaa wii pimuhtahaat utaashiteyaahtikum namui tepicheyihtaakusuu chechii uchischinuhamuwaakaniyaan.

Matthew 27:32

Mekwaach maak e ati wiiwiitwaau aniyuu ihtaawiniyuu, chii nachaheuch naapeuh Simon e ishinihkaasuyich Cyrene kaa ishinihkaateyich ihtaawiniyuu e uhchiyich. Eukw uyuu kaa aayihkamihaatwaau chechii wanikaatihwaayich Jesus utaashiteyaahtikumiyuuh.

Mark 10:21

Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.”

Mark 15:21

Simon e ishinihkaasut naapeu Cyrenehch e uhchiit nihaau anit chii pechi pimuhteu, wiiwiitamihch anite aniyuu ihtaawiniyuu e uhtuhtet. Eukw uyuu kaa uhtaawiitwaau Alexander ekw maak Rufus. Eukw maak uyuu naapeu anichii shimaakanishach kaa aayihkamihaatwaau chechii pimuhtahaayich Jesus utaashiteyaahtikumiyuu.

Mark 8:34

Ekw Jesus kaa wiishaamaat peshuch chechii pechi naachikaapuyich aniyuu anit kaa maausikuyich aweyuuh kaye aniyuuh uchischinuhamuwaakanh ekw kaa itaat, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

Luke 14:27

Awen ekaa pimuyaate utaashiteyaahtikum e pechi nuushuushkuut namui nika chii uchischinuhamuwaakanitutuwaau.

Luke 23:26

Mekwaach maak e ati pimuhtahaatwaau Jesus anite che chiistaaskuhwaakanuyich, chii nachishkaweuch naapeu Simon e ishinihkaasuyich, Cyrene ihtaawinihch e uhchiyich, mekwaach utenaahch e wii pechi ituhteyich. Chii maakuneuch maak kaa miyaatwaau aniyuu aashiteyaahtikw chechii wanikaatihwaayich, ekw kaa ati nuushuushkuwaayich Jesus.

John 19:17

Kaa chistuhtahaatwaau aniyuu Jesus e pimuhtahaayich utaashiteyaahtikumiyuu anite kaa ituhtahaatwaau “Chiipaistikwaan kaa ihtakuhch” kaa ishinihkaateyich. Uu maak “Chiipaistikwaan kaa takuhch” kaa ishinihkaatech, Hebrew e ishi ayiminaanuuhch “Golgotha” iinaanuu.

John 21:19

Uyuu maak Jesus kaa itwet chii nituweyimeu chechii chischeyihtamiyich taanite che ishi nipiyich chechii uhchi chisteyimaakanuyich Chishemanituu. Ekw Jesus kaa itaat, “Pechi papaawiicheuh.”

John 21:22

Jesus chii itikuu, “Nituweyimike chechii pimaatisiit paatish miin takushinuuche, taan maak chechii ihtiyin chiya. Pechi nuushuushkuu chiya.”

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

Colossians 1:24

Nimiyeyihten maak e nanehkaateyimuhiikuyaan chiyawaau uhchi, kaye niyaasihch nichiishihtaan aniyuu taan e ishi nuuhtepayiniyich Christ uwiisacheyihtamuwinihch, chechii wiichihiikwaau umaamuuayimihaauch, Christ wiiyuu.

1 Thessalonians 3:3

ekaa waach peyakw e tashiyekw chechii chiiwekaapuuyekw an e nanehkaachihiikuyekw Christ uhchi. Chiyawaau niyaanitam chichischeyihtenaawaau ekun kaye kaa ishi wiyeyihtahk Chishemanituu, chechii nanehkaachihiikuuhkw e nuushuushkuumahkw Jesus.

2 Timothy 3:12

Ehe, taapwe, misiwe awen kuiskw kaa wiishi pimaatisiit kaye tekash kaa pachishtinisut e wiichewaat Christ Jesus, kata ihtakuniyuu taan che ishi nanehkaachihaakanuut,

1 Peter 2:21

Wesh eukuu wehchii wiishaamikuyekw, aniyuu Christ e chii wawiisacheyihtamihaakanuut chichii nakatamaakuwaau chekwaayuu che chischinuwaapahtamuwekw, chechii taahtaapahamewekw taanite kaa pimuhtet.