Matthew 16:19 - Chishemanituu Utayimuwin: Kaa Uskaach Testament

¹⁹ Chika miitin maak kihchikiishikw uchimaawinihch aapahiikanh. Chekwaan maak che maahkupatamuwane utah aschiihch chika maahkupitaakanuu anite kihchikiishikuhch, kaye chekwaan che aapihkunamuwane utah aschiihch chika aapihkunakanuu anite kihchikiishikuhch.” Ekun kaa itaat Jesus aniyuu Peter.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒋᑲ ᒦᑎᓐ ᒫᒃ ᑭᐦᒋᑮᔑᒄ ᐅᒋᒫᐎᓂᐦᒡ ᐋᐸᐦᐄᑲᓐᐦ᙮ ᒉᒀᓐ ᒫᒃ ᒉ ᒫᐦᑯᐸᑕᒧᐗᓀ ᐅᑕᐦ ᐊᔅᒌᐦᒡ ᒋᑲ ᒫᐦᑯᐱᑖᑲᓅ ᐊᓂᑌ ᑭᐦᒋᑮᔑᑯᐦᒡ, ᑲᔦ ᒉᒀᓐ ᒉ ᐋᐱᐦᑯᓇᒧᐗᓀ ᐅᑕᐦ ᐊᔅᒌᐦᒡ ᒋᑲ ᐋᐱᐦᑯᓇᑲᓅ ᐊᓂᑌ ᑭᐦᒋᑮᔑᑯᐦᒡ᙮ ᐁᑯᓐ ᑳ ᐃᑖᑦ ᒌᓴᔅ ᐊᓂᔫ ᐲᑕᕐ᙮

Matthew 16:19 Iomraidhean Croise

Matthew 18:18

“Wesh taapwe chiwiihtamaatinaawaau, an chekwaan che maahkupatamuwane utah aschiihch chika maahkupitaakanuu anite kihchikiishikuhch, kaye an chekwaan che aapihkunamuwane utah aschiihch chika aapihkunakanuu anite kihchikiishikuhch.”

John 20:23

Wepeyihtamuwekwe awen chika wepeyihtamuwaakanuu, ekaa wepeyihtamuwekwe namui chika uhchi wepeyihtamuwaakanuu.”

ᐊᐸᔅᑕᓚᒡ 15:7

Chineush maak chii ayimitutamuch uyuu ekw Peter kaa uhchi pisikuut e itwet, “Niichishaanitikw, chichischisinaawaau Chishemanituu e chii wiyaapamit chechii waawiihtamuukwaau miywaachimuwiniyuu anichii ekaa Jewa kaa itiskaanesitwaau, chechii uhchi pehtahkwaau ekw maak chechii taapwehtahkwaau.

2 Corinthians 2:10

Wesh tahtwaau e wepeyihtamuwekw awen taan kaa ihtit kaye niya niwepeyihtamuwaau. Netuweyihtaakunikwe chechii wepeyihtamuuk awen niwepeyihtamuwaau chiyawaau chechii wiichihiikuyekw e chischeyihtamaan Christ e ihtaat utah e ihtaayaan.

1 Thessalonians 4:8

Awen maak ekaa aapateyihtamukwe uyuu chiskutamaachewiniyuu namiyeyuuh naapeuh ekaa kaa aapateyimaat. Chishemanituuh, aniyuuh kaa miikuuhkw Kaa payehchisiyich Ahchaahkw eukun aniyuuh namui aapateyimeu.

Revelation 1:18

Eukw niya kaa pimaatisiit. Nichii nipin mikw maak anuhchiish kaachiche nipimaatisiin. Niya nuuchimaahkahten nipuwin kaye niya nuuchimaawin anite e ihtaatwaau anichii kaa nipitwaau.

Revelation 11:6

Mekwaach maak aniyuu che ishpish chischiwehiichetwaau chika ayaauch tipeyihchichewiniyuu chechii ihtuutahkwaau ekaa chechii chimuuniyich. Chika miyaakanuuch kaye misiwe e ishi ihtakuniyich nipiiyuu chechii tipeyihtahkwaau ekw maak che ihtuutahkwaau aniyuu nipiiyuu mihkuhch chechii ishinaakuniyich. Mikw waa ishpish ihtuutahkwaau chika chii ihtuutamuch nanaahkuu itaaspinewiniyuu chechii ihtakuniyich aschiihch.

Revelation 3:7

Miin nichii itikuun, eukw uyuu itasinahamuu an enchil kaa naanaakachihaat umaamuuayimihaauh Philadelphiahch kaa ihtaayich. “Eukw uyuu e itwet an kaa payehchisiit, an muush kuiskw kaa ihtit e atushkuwaat Chishemanituuh. Tahkunamuweu David utaapahiikaniyuu. Aapuhwaate chishtuhkan namui aweyuuh chika chii chipahweyuuh. Chipahwaate chishtuhkan namui aweyuuh chika chii aapuhweyuuh.

Revelation 9:1

Ekw miin kutak enchil kaa puutaatahk upuutaachikan. Eukw ekw Niyaayin enchilch kaa puutaatahkwaau upuutaachikanawaauh. Ekw kaa waapamak achahkush aschiihch e chii ishi pachishinikupane chiishikuhch uhchi. Chii miyaakanuu aapahiikaniyuu chechii aapahahk aniyuu kaa mista pukuneyaayich anite ishi nitaamihch aschiihch.