Matthew 16:18 - Chishemanituu Utayimuwin: Kaa Uskaach Testament

¹⁸ Chiwiihtamaatin Peter, eukw chiya e paahpaachipiskaach. Ekut maak utah e paahpaachipiskaach che wiikaapuuhtaayaan nitayimiheukamikw, namui maak waawaach nipuwin chika uhchi shaakuuchihtaachemakan utah nitayimiheukamikuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᒋᐐᐦᑕᒫᑎᓐ ᐲᑕᕐ, ᐁᐅᒄ ᒋᔭ ᐁ ᐹᐦᐹᒋᐱᔅᑳᒡ᙮ ᐁᑯᑦ ᒫᒃ ᐅᑕᐦ ᐁ ᐹᐦᐹᒋᐱᔅᑳᒡ ᒉ ᐐᑳᐴᐦᑖᔮᓐ ᓂᑕᔨᒥᐦᐁᐅᑲᒥᒄ, ᓇᒧᐃ ᒫᒃ ᐙᐙᒡ ᓂᐳᐎᓐ ᒋᑲ ᐅᐦᒋ ᔖᑰᒋᐦᑖᒉᒪᑲᓐ ᐅᑕᐦ ᓂᑕᔨᒥᐦᐁᐅᑲᒥᑯᐦᒡ᙮

Matthew 16:18 Iomraidhean Croise

Matthew 10:2

Maau maak kaa ishinihkaasuyich aniyuu niishushaap Apastalh, Simon, eukuu Peter kaa ishinihkaataakanuut, ekw maak Peter ushiim Andrew, James ekw maak aniyuu wiichishaanh John, eukw uyuu Zebedee ukusisa,

Matthew 11:23

Ekw maak chiyawaau anit Capernaum kaa ihtaayekw naashch taapwe chitaspeyimunaawaau anite kihchikiishikuhch chechii ishi utinikuyekw. Namui maak, machishkutehch chika ishi niihchiwepinikunaawaau. Maamishkaach chekwaayuu chii ishi ihtuutaakanuu anite chitihtaawiniwaahch yaapach maak namui chuuhchi kweskaatisiinaawaau ekw maak aniyuu maamishkaach chekwaayuu kaa ishi ihtuutamaakuyekw, chii ihtuutaakanuwaakupanenh anite Sodom ihtaawinihch chipaa kweskaatisiyuuch anichii anit kaa ihtaatwaau ekw maak anuhchiish eshkw chipaa ihtakun an ihtaawin.

Matthew 18:17

Ekaa maak pishichistahke kaye aniyuu kutak aweyuu ekaa pishichihaate, ekw che wiihtamuumat umaamuuayimihaauh taan kaa ishi machituutaask, ekaa maak pishichihaate kaye aniyuuh umaamuuayimihaauh ekaawii chika uhchi aapateyimaakanuu mwehch awen ekaa kaa chischeyimaat Chishemanituu ekun che ishi kanawaapamaakanuut maak awen ekaa kaa wii kweskaatisiit ekun che ishi kanawaapamaakanuut.”

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 7:24

“Misiwe awen kaa nituhtahk nitayimuwiniyuu kaa ati ihtuutahk maak aniyuu kaa itweuch, mwehch naapeu kaa kachehtaaweyihtahk anite e paahpaachipiskaayich kaa wiikaapuuhtaat waaskaahiikaniyuu iteyihtaakusuu.”

John 1:42

Ekw kaa ituhtahaat Simon anite Jesus e ihtaayich. Jesus maak chii kanawaapameu aniyuu Simon ekw kaa itaat, “chiya Simon, John ukusisa, Cephas chika ishinihkaasun.” Cephas e itweshtamuwaataakanuuhch Peter maak asinii iinaanuu.

ᐊᐸᔅᑕᓚᒡ 2:47

Muush chii maamihchimeuch Utipeyihchikeu. Misiwe maak aweyuu chii miyeyimikuuch. Meshikum chiishikaauh maak chii ati mihchetiyuu aweyuu Chishemanituu e pimaachihaat.

ᐊᐸᔅᑕᓚᒡ 20:28

Suuhk maak naanaakatuweyimisukw kaye suuhk wii miyu kanuweyimaahkuch aniyuuh Kaa payehchisiit Ahchaahkw kaa miitaakw chechii naanaakachihiimekw. Yaakwaau ishi kanuweyimaahkuch umaamuuayimihaauch, wesh Chishemanituu wiya chii tipahahweu uyuuh iskutak Ukusisa kaa pachishtinaat chechii nipahaakanuyich.

ᐊᐸᔅᑕᓚᒡ 8:1

Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

1 Corinthians 15:55

Shaash mitun tekash chii tepihtaakanuu nipuwin. Namui mechim chika chii aahkuhiikunaanuu ekw.

Galatians 2:9

James, Peter ekw maak John, anichii kaa niikaanihaakanuutwaau kaye maauch kaa chisteyimaakanuutwaau chii chischeyihtamuch Chishemanituu e chii miiyich uyuu chechii itaapatisuuch. Ekw maak Barnabas e niishiyaahch kaa utinischeniyamihtwaau uchii e nishtitwaau. E nuukuhtaayaahch peyakunihch e ishikaapuuyaahch. Maau maak kaa ishi niskumuyaahch. Barnabas e niishiyaahch anichii ekaa Jewa kaa itiskaanesitwaau che waawiihtamuwachihtwaau miywaachimuwiniyuu ekw maak wiyawaau aniyuuh Jewa kaa itiskaanesiyich che waawiihtamuwaatwaau.

Ephesians 3:10

Anuhchiish maak ekw chescheyihtaakuhtaat Chishemanituu taan kaa wii ihtuutahk, eukw uyuu anite umaamuuayimihaauh e ihtaayich chechii uhchi chischeyihtamihaat aniyuu kaa tipeyihchicheyich kaye kaa suuhcheyihtaakusiyich ishpimihch kaa ihtaayich taan e ishi nanaahkuu iteyihtaakuniyich ukachehtaaweyihtamuwin.

Ephesians 5:32

An maak kaa ishi masinahiikanuuhch etituu ihtakun e ishi wiihtamaachemakahch. Niya kiipaa e ishi nisituhtamaan, Christ ekw maak anichii umaamuuayimihaauch aayimuumaakanuuch anit.

Colossians 1:18

Wiya niikaanishkam wiiyuu, eukunh uyuu umaamuuayimihaauh. Wiya maauch niishtam chii ihtaau Christ kaye wiya maauch niishtam kaa wanishkaanaakanuut nipuwinihch uhchi, kaye maak misiwe chekwaan taan e ishi ihtakuhch wiya maauch niikaan iteyihtaakusuu.

1 Timothy 3:15

Ekaa maak wiipach takushiniyaane, uu kaa masinahamaatakuch eukw uu che wiichihiikuyekw chechii chischeyihtamekw taan chipaa iteyihtaakusinaanuu anite e ishi peyakuteusiihkw Chishemanituu e ihtaat. Wesh uu e ishi peyakuteusiihkw eukw uyuu utayimiheukamikw an kaa pimaatisiit Chishemanituu kaye ekut wehchi yaaichikaapuyihkw kaye eukuu wehchi yaaiteyihtaakusiihkw taapwewinihch ishi.

1 Timothy 3:5

Wesh awen ekaa chechii miyu nanaakatuweyihtamihiikuukwe anit e peyakuteusiit taanite chechii uhchi miyu nanaakatuweyimaat aniyuu Chishemanituu utiiniimiyuuh.

Hebrews 12:28

Eukw maak uyuu chipaa uhchi nanaaskumaanuu Chishemanituu e miitahkw chisheuchimaawiniyuu an ekaa nihtaa chechii ihtuutaakanuuhch chechii aahchipayihch. Ekw maak nuuchiishtuwaataau aniyuu wii e ishi nituweyimitahkw chechii ishi nuuchiishtuuhkw kaye chechii miyu atushkuuhk naashch e chisteyimahkw.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”

Revelation 21:14

Chii niishushaapuuch e maamihchaapischisitwaau asiniich anit kaa tehchikaapuuhch an misiwe kaa ishi waaskaakaapuuhch anit ihtaawinihch. Uchii maak asiniich ekut kaa masinaateyikwaau utishinihkaasuwinawaau anichii kaa niishushaapuutwaau apastalach aniyuuh Maanishchaanish kaa wiyaapamaat.