Matthew 16:16 - Chishemanituu Utayimuwin: Kaa Uskaach Testament

¹⁶ Ekw Simon Peter kaa ishi nishkweushihaat, “Eukw chiya Christ, an Chishemanituu kaa pimaatisiit Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᒄ ᓵᐃᒪᓐ ᐲᑕᕐ ᑳ ᐃᔑ ᓂᔥᑴᐅᔑᐦᐋᑦ, ᐁᐅᒄ ᒋᔭ ᙭, ᐊᓐ ᒋᔐᒪᓂᑑ ᑳ ᐱᒫᑎᓰᑦ ᐅᑯᓯᓴ᙮

Matthew 16:16 Iomraidhean Croise

Matthew 1:16

Jacob maak Joseph chii ishinihkaasuyuuh ukusisa, eukw maak uyuuh Mary kaa unaapemit. Eukw uyuuh Mary kaa ukaawiyit Jesus an Christ kaa ishinihkaataakanuut.

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 16:15

Ekw Jesus miin kaa kakwechimaat, “Chiyawaau maak wii, awen niya e iteyimiyekw.”

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 4:3

Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

Mark 14:61

Namui uhchi chistuu Jesus, namui chekwaayuu uhchi iteu. Miin kaa kakwechimikut aniyuu chisheayimiheuchimaau, “Ewaa chiya Christ, Chishemanituu kaa shaweyihtaakusit Ukusisa.”

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 11:27

“Ehe, Utipeyihchikeu,” chii iteu Martha. “Nitaapwehten chiya e aawiyin aniyuu Chishemanituu kaa pechi itishahwaat, kaye chiya e aawiyin Chishemanituu Ukusisa, aniyuu kaa itwet cheshtinaash che takushiniyich utah aschiihch.”

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 6:57

Nuuhtaawii an kaa miiwet pimaatisiiwiniyuu nichii pechi itishahuukw kaye nimiikw pimaatisiiwiniyuu. Ekun maak mwehch kaye wiya an awen kaa miichit niyaasiyuu, nika miyaau chechii pimaatisiit.

John 6:68

Kaa nishkweushihiikut Simon Peter e itikut, “Utipeyihchikeu, awen maak che nituwaapamachiht. Chitayimuwinihch ekut wehchi ihtakuhch kaachiche pimaatisiiwin.

John 6:69

Nitaapwehtenaan maak kaye nichischeyihtenaan chiya e aawiyin kaa payehchisiit, an kaa pechi itishahukut Chishemanituu.”

ᐊᐸᔅᑕᓚᒡ 14:15

“Naapeutikw ekaawii ihtuutamukw uu, naapeuch wesin kaye niyaan muyaam chiyawaau e iteyihtaakusiyekw ekun e iteyihtaakusiyaahch. Chiwii wiihtamaatinaan miywaachimuwin chechii uhchi puunihekuch e ayimiheshtawekuch anichii nitamukw manituuhkaanich. Miiskuch anite Chishemanituu kaa pimaatisiit e ihtaat chechii ishi ayimihaayekw, an kaa ushihtaat kihchikiishikuyuu, aschiiyuu, chihchikamiyuu kaye misiwe chekwaayuu kaa ishi pimaatisiimakaniyich anite.

ᐊᐸᔅᑕᓚᒡ 8:36

Mekwaach maak e ati pimipayihaakanuutwaau tihtipitaapaanaaskuhch chii utihtamuch anit e ihtakuniyich nipiiyuu, ekw an naapeu kaa itwet, “Mwaan nipii, chekwaan che chipihchihiikuyaan e nituweyihtamaan chechii siikahaahtaakuyaan.”

ᐊᐸᔅᑕᓚᒡ 8:37

Philip maak chii iteu, “Taapwe tiyaapweyimaaute Jesus, chika chii siikahaahtaakuun.” Ekw an naapeu kaa itwet, “Nitaapwehten Jesus Christ e aawit Chishemanituu Ukusisa.”

ᐊᐸᔅᑕᓚᒡ 9:20

Tiiwehch maak chii ituhteu anite nanaahkuu Jewa ayimiheukamikuhch, e kacheskwet e itwet, “Jesus, eukw Chishemanituu Ukusisa.”

Romans 1:4

Eyuu maak Chishemanituu chii ukusiitutaakuu. Chishemanituuh maak e chii wanishkaanikut chitipeyihchikeminuu Jesus Christ nipuwinihch uhchi ekut kaa uhchi waapahtiiwet Kaa payehchisiit Ahchaahkw taapwe Chishemanituu Ukusisa e aawiyich Jesus aniyuu uhchi e chii suuhcheyihtaakusiyich.

2 Corinthians 1:19

Wesh Jesus Christ Chishemanituu Ukusisa an kaa aayimuutamaataahch, niyaan kiipaa Silas, Timothy ekw maak niya, cheshtinaateyihtaakusuu taan e itwet, namui wiiskaat nanatayuu. “Ehe” e itwech, cheshtinaateyihtaakuniyuu aniyuu ehe e itwet.

2 Corinthians 3:3

Taan e ishi pimaatisiyekw ekut wehchi nisituunaakuhch taan kaa ishi ihtuutamaataakw Christ. Ekun maak mwehch taapwe tipaachimusinahiikan wehchi ishinaakusiyekw. Uu maak tipaachimusinahiikan namui wii masinahiikanaahtikw aapatisuu e masinahiikanuuhch. Namui kaye asiniihch uhchi masinahiikanuu. Chishemanituu uu Payehchi Ahchaahkwa eukw e ishinaakusit mwehch e masinahiichet chitehiiwaahch. Eukw uu kaa aapachihiyimiht chechii petwaataahch uu tipaachimuwin.

2 Corinthians 6:16

Namui chika chii tayaakanuuch manituuhkaanich anite Chishemanituu utayimiheukamikuwiihch. Chiyaanuu wesh Chishemanituu kaa pimaatisiit utayimiheukamikw. Mwehch Chishemanituu kaa itwet, Nika piihchishkuwaauch kaye muush nika wiichewaauch. Niya nika Uchishemanituumitutaakuch. Wiyawaau nika utiiniimitutuwaauch.

1 Thessalonians 1:9

Taanite mikw kaa ati ituhteyaahch aayimuutamuch awenichii e chii pehtahkwaau taan kaa ishi miyukuuyaahch chiyawaau Thessalonica kaa uhchiyekw kaa nituwaapamitaahch. Aayimuutamuch kaye taan kaa ishi puuniiwekw e nuuchiishtuwekw manituuhkaanh chechii chihchi nanihiihtuumekw kaye chechii atushkuumekw aniyuuh taapwe Cheshemanituyich kaye taapwe pemaatisiyich,

1 Timothy 3:15

Ekaa maak wiipach takushiniyaane, uu kaa masinahamaatakuch eukw uu che wiichihiikuyekw chechii chischeyihtamekw taan chipaa iteyihtaakusinaanuu anite e ishi peyakuteusiihkw Chishemanituu e ihtaat. Wesh uu e ishi peyakuteusiihkw eukw uyuu utayimiheukamikw an kaa pimaatisiit Chishemanituu kaye ekut wehchi yaaichikaapuyihkw kaye eukuu wehchi yaaiteyihtaakusiihkw taapwewinihch ishi.

1 Timothy 4:10

Eukw maak wehchi suuhk yaapach iteyihtamihiikuyihkw uu taan e itaapatisiihkw aat e aayimuhuyihkw wesh chitaspeyimututawaanuu Chishemanituu kaa pimaatisiit, an kaa nituweyimaat misiwe aweyuu chechii pimaachihuyich kaye kaa pimaachihaat misiwe aniyuu kaa taapweyimikut.

Hebrews 10:31

Yaakwaamiikw. Taapwe kushtaateyihtaakuniyuu Chishemanituu, kaachiche kaa pimaatisiit, taan che ishi waweshihaat aweyuu.

Hebrews 12:22

Chiyawaau maak wii namui peyakunihch ishinaakun. Iskutak e uhchishkuukaapuushtawekw Chishemanituu mwehch anite e ituhteyekw an wachii Zion kaa ishinihkaatech anite kihchikiishikuhch kaa ihtakuhch ekun e ishinaakuhch. Kaye mwehch anit e takushiniyekw an ihtaawin anit wachiihch kaa ihtakuhch Jerusalem kaa ishinihkaatech ishinaakun, anite e wiichit an kaachiche kaa ihtaat Chishemanituu kaye anite e ihtaatwaau e mista mihchetitwaau enchilich e muuchicheyihtahkwaau.

Hebrews 3:12

Niichishaanitikw, yaakwaamiikw ekaa chechii ihtaat awen anit e tashiyekw e machitehet e ayaat aanuwehtamuwiniyuu wesh chek chika chii ishinaakuniyuu chechii ati nakataat Chishemanituuh aniyuuh pemaatisiyich.

Hebrews 9:14

Chiishpin maak awesiis umihkw e payehchtaachemakaniyich maamituneyihtamukw taan e ishpish etituu chechii ishi wiichihiikuuhkw Christ umihkw. Chii pimaatisiyuu utah aschiihch ekaa mechim uhchi machituutahk. Kaa payehchisiyich Ahchaahkwa kaachiche kaa ihtaayich chii wiichihiikuu iskutak kaa pachishteyimitisut Chishemanituu ishi e ihtaayich. Umihkw eukw che payehchihiikuuhkw. Namui wii aniyuuh ekaa wiyesh itaapatahkwaau chekwaayuu kaa chii ihtuutamuhkw chika uhchi pimaachihiikunaanuu. Ekw maak kaachiche chechii atushkuuhkw Chishemanituu.

1 John 4:15

An awen mushe kaa wiihtahk e taapwehtahk Jesus eukun aniyuuh Chishemanituuh Ukusiyuuh, Chishemanituuh wiicheukuu an awen. Kaye wiya maak wiicheweu Chishemanituu.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.

1 John 5:5

Anichii kaa taapwehtahkwaau Jesus e aawiyich Chishemanituu Ukusisa eukunich siyaakuuchihtaatwaau machihtwaawiniyuu utah aschiihch.

Revelation 7:2

Miin maak kutak enchil nichii waapamaau anite waapanuutaahch e uhtuhtet. Chishemanituuh uchiisaawaachihchikaniyuu chii pechi tahkunamuweu. Chii chisheweu e tepwaataat aniyuuh neu enchilh kaa miyaakanuyich chechii wanaachihtaayich aschiiyuu ekw maak chihchikamiyuu. Chii iteu aniyuuh enchilh,