Matthew 16:13 - Chishemanituu Utayimuwin: Kaa Uskaach Testament

¹³ Jesus chii ituhteu anite waaskaa aniyuu aschiiyuu Caesarea Philippi kaa ishinihkaateyich ekw kaa kakwechimaat uchischinuhamuwaakan e itaat, “Aweyuu e ishi ayaaweyimaatwaau iinuuch Iinuu Ukusisah.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᒌᓴᔅ ᒌ ᐃᑐᐦᑌᐤ ᐊᓂᑌ ᐙᔅᑳ ᐊᓂᔫ ᐊᔅᒌᔫ ᓭᓴᕆᔭ ᕕᓕᐹᐃ ᑳ ᐃᔑᓂᐦᑳᑌᔨᒡ ᐁᒄ ᑳ ᑲᑴᒋᒫᑦ ᐅᒋᔅᒋᓄᐦᐊᒧᐙᑲᓐ ᐁ ᐃᑖᑦ, ᐊᐌᔫ ᐁ ᐃᔑ ᐊᔮᐌᔨᒫᑣᐤ ᐄᓅᒡ ᐄᓅ ᐅᑯᓯᓴᐦ᙮

Matthew 16:13 Iomraidhean Croise

Matthew 12:32

Misiwe awen kaa maayeyimaat Iinuu Ukusisa katachii wepeyihtamuwaakanuu. Namui wiiskaat katachii wepeyihtamuwaakanuu awen maayeyimaate Kaa payehchisiyich Ahchaahkwa.”

Matthew 12:40

Mwehch Jonah kaa ishpish ihtaat anite mista namesa wataayihch nishtu chiishikaauh kaye nishtu tipiskaau, ekun kaye Iinuu Ukusisa che ishpish chiskahaakanuut anite ishi aschiihch.

Matthew 12:8

Wesh Iinuu Ukusisa, mechim e ayimiheuchiishikaayich tipeyihtam.”

Matthew 13:37

Ekw Jesus kaa itaat, “An naapeu kaa nihtaauchihaat kaa miyushiyich shuumin eukw Iinuu Ukusisa.

Matthew 13:41

Iinuu Ukusisa chika itishahweu utenchilamh chechii nituu maamuushtinaayich anite uchisheuchimaawinihch uhchi aniyuu kaa ihtuutuwaayich kutak aweyuu chechii machituutamiyich kaye misiwe aniyuu aweyuu kaa machipimaatisiyich.

Matthew 15:21

Ekw Jesus kaa chistuhtet anit uhchi, anite itehche kaa ituhtet aniyuu aschiiyuu waaskaa kaa ihtakuniyikwaauh aniyuu ihtaawin Tyre ekw maak Sidon kaa ishinihkaateyikwaauh.

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 16:28

Chiwiihtamaatinaawaau, taapwe e ihtaatwaau utah awenichii eshkw che pimaatisiitwaau iskutak utihchipayihche che takushiniyich Iinuu Ukusisa che pechi chisheuchimaawiyich.”

Matthew 25:31

“Anite maak niishtaamihch iskutak Iinuu Ukusisa takushinite naashch e chisteyihtaakusit kaye e suuhcheyihtaakusit misiwe enchil e pechi wiichewaat, ekw che apit anite chisheuchimaau tehtapuunihch anit chechii uhchi wiyaaskunaat aweyuu.

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Matthew 9:6

Chika waapahtiitinaawaau Iinuu Ukusisa taapwe wiya e ayaat tipeyihchichewiniyuu utah aschiihch chechii wepeyihtamaachet machitwaawinh.” Ekw kaa itaat aniyuu naapeu ekaa uhchi nisitusiyich, “Pisikuuh, utinh chitashpishimun, che chiiweyin.”

Mark 10:45

Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatisiiwin miiskuch mihchetu aweyuuh chechii aapihkunaakanuyich.”

Mark 8:38

An awen che pimaamishiishtuut neshta che pimaamishiishtamukwe aniyuuh nichiskutamaachewinh anuhchiish uyuu mekwaach e ishpish ekaa kuiskw aihtitwaau awenichii kaye e ishpish machaatisiitwaau, kaye wiya Iinuu Ukusisa kata pimaamishiishtaakuu iskutak takushiniyichen Chishemanituu uchishteyihtaakusiiwiniihch payehchi enchilh e pechi wiicheukut.”

John 1:51

Ekw miin kaa ati itwet, “Kuiskw chiwiihtamaatinaawaau, chika waapahtenaawaau kihchikiishikw e aapahiipayihch, ekw maak Chishemanituu utenchilamh e uhpipayitwaau kaye e pechi aashiitutuwaatwaau Iinuu Ukusisa.”

John 12:34

Ekw anichii awenich kaa ihtaatwaau anit chii nishkweushiheuch e itaatwaau, “Niwiihtamaakunaan anite niwiishuwewinaahch Christ kaachiche che pimaatisiit. Chekwaan maak wehchi itweyin, Iinuu Ukusisa che nipahaakanuut. Awen an Iinuu Ukusisa kaa ishinihkaataakanuut.”

John 3:14

Mwehch aniyuu kaa ihtit aniyaa Moses mekwaach pakwaatiskamikaahch kaa ihtaatwaau kaa chikamuhaat chinepukuhkaan mistikuhch misiwe aweyuu chechii waapamaayich, ekun mwehch che ihtuutuwaakanuyich Iinuu Ukusisa.

John 5:27

Chii miyeu kaye Ukusisimaauh tipeyihchichewiniyuu chechii wiyaaskunicheyich wesh wiya eukw Iinuu Ukusisa.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 7:56

Chii iteu maak Stephen, “Kanawaapahtamukw maa, niwaapahten kihchikiishikw e aapahiipayihch kaye niwaapamaau Iinuu Ukusisa e niipuut anite Chishemanituu unihiiwiniihch itehche.”