Matthew 16:1 - Chishemanituu Utayimuwin: Kaa Uskaach Testament

¹ Pasch maak Phariseech ekw maak Sadduceech chii pechi nituwaapameuch aniyuu Jesus e wii kakwechihaatwaau. Chii iteuch maak chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐸᔅᒡ ᒫᒃ ᕓᕆᓰᒡ ᐁᒄ ᒫᒃ ᓵᑑᓰᒡ ᒌ ᐯᒋ ᓂᑐᐙᐸᒣᐅᒡ ᐊᓂᔫ ᒌᓴᔅ ᐁ ᐐ ᑲᑴᒋᐦᐋᑣᐤ᙮ ᒌ ᐃᑌᐅᒡ ᒫᒃ ᒉᒌ ᐙᐸᐦᑏᑯᑣᐤ ᒫᒥᔥᑳᒡ ᐙᐸᐦᑏᐌᐎᓂᔫ ᑭᐦᒋᑮᔑᑯᐦᒡ ᐁ ᐅᐦᒌᒪᑲᓂᔨᒡ᙮

Matthew 16:1 Iomraidhean Croise

Matthew 12:14

Ekw kaa chistuhtetwaau anichii Phariseech, kaa ayimitutahkwaau taan chipaa chii ihtuuch chechii nipahaatwaau Jesus.

Matthew 15:1

Ekw pasch Phariseech kaye anichii kaa chiskutamaachetwaau wiishuwewiniyuu anite Jerusalemihch chii uhtuhteuch kaa pechi nituwaapamaatwaau Jesus, kaa itaatwaau,

Matthew 16:6

Ekw Jesus kaa itaat, “Yaakwaah, ayaakwaamiistamuwaahkw uhpisikanawaau anichii Phariseech ekw maak anichii Sadduceech.”

Matthew 19:3

Pasch maak Phariseeh chii pechi nituwaapamikuu e wii kakwechihiikut. Chii itikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Matthew 22:15

Ekw kaa chistuhtetwaau anichii Phariseech, che nituu ayimihiitutwaau taanite chechii uhchi pisiiwiyaatwaau Jesus e kakwechimaatwaau chekwaayuu.

Matthew 22:18

Jesus maak chii chischeyimeu nitamukw e chii wii itwehiikut ekw kaa itaat, “Chiyawaau kaa ayimihehkaasuyekw, chekwaan wehchi wii pechi kakwechihiyekw.

Matthew 22:23

Aniyuu maak e peyakuniyich e chiishikaayich Sadduceeh chii pechi nituwaapamikuu Jesus. Eukun aniyuu kaa itweyich chiishpin e puunipimaatisiyich aweyuu utah aschiihch ekaa miin che uhchi wanishkaayich.

Matthew 23:2

Chii iteu maak, “Anichii kaa chiskutamaachetwaau wiishuwewiniyuu ekw maak anichii Phariseech chiskutamaacheuch Moses uwiishuwewiniyuu, Chishemanituu kaa miikuyich.

Matthew 27:62

An maak miin wiyaapahch eukw uyuu Jewa iinuuch utayiwepuu chiishikaamuwaau. Anichii maak chisheayimiheuchimaauch ekw maak anichii Phariseech chii nachishkaweuch Pilate.

Matthew 5:20

Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

Matthew 9:11

Pasch maak Phariseech chii waapameuch uyuuh ekw kaa itaatwaau aniyuu chischinuhamuwaakanh, “Chekwaan wehchi wiichimiichisuumaat chichiskutamaachesiimuwaau aniyuuh Chisheuchimaau shuuliyaayuu kaa maamuushtinamiyich kaye aniyuuh kutak kaa machaatisiyich.”

Mark 10:2

Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Mark 12:15

Nipaa chiishiihkenaan aa maak namui. Jesus maak chii chischeyimeu e wii pisiiwiikut uyuu e ishi kakwechimikut ekw kaa itaat, “Chekwaan wehchi wii pechi kakwechihiyekw. Peshuwaahkw maa shuuliyaawaapiskush, che kanawaapamak.”

Mark 12:18

Sadduceech kaye chii pechi nituwaapamikuu Jesus. Eukw uchii ekaa uhchi taapwehtahkwaau che wanishkaanaakanuyich eshkw aweyuuh kaa nipiitwaau. Chii kakwechimeuch Jesus e itaatwaau,

Luke 10:25

Peyakwaau maak naapeu kaa chiskutamaachet ayimihewin wiishuwewiniyuu e itaapatisit chii naateu Jesus e wii kakwechihaat, e itaat, “Taanite che ihtiyaan chechii uhchi ayaayaan kaachiche pimaatisiiwin.”

Luke 11:16

Kutakach maak chii wii kakwechiheuch Jesus e wii naanituu chischeyihtamuwaatwaau taanite wehchipayiyich aniyuu umaskuusiiwin. Ekw kaa itaatwaau chechii waapahtiikutwaau maamishkaach waapahtiiwewiniyuu Chishemanituu e ihtaayich e uhchipayiyich.

Luke 20:23

Jesus maak chii chischeyimeu e wii pishiiwiikut, ekw kaa itaat, “Chekwaan wehchi wii pechi kakwechihiyekw.

Luke 20:27

Chii pechi naatikuu maak Jesus Sadduceeh. Eukw uchii ekaa uhchi taapwehtahkwaau che wanishkaanaakanuyich eshkw aniyuu kaa nipiitwaau. Ekw maak kaa wii naanituu kachescheyihtahkwaau taan e iteyihtamiyich Jesus uyeyuu,

John 8:6

Eukw uyuu kaa itaatwaau e chii wii naanituu kakwechihaatwaau che piikunamiikwen uyuu wiishuwewiniyuu, ekw maak piikunamiikwen chipaa ihtakuniyuu che ishi mimisimaatwaau. Mikw maak anite aschiihch chii ishi nawewiyuu Jesus, kaa masinahiichet anit yekaahch utihchii e aapachihtaat.

ᐊᐸᔅᑕᓚᒡ 4:1

Eshkw maak mekwaach e ayimihaatwaau aniyuuh iinuuh Peter ekw maak John chii pechi naatikuuch ayimiheuchimaauh kaye aniyuu uchimaamuwaauh anichii shimaakanishach kaa naanaakachihtaatwaau chisheayimiheukamikuyuu, ekw maak aniyuuh Sadduceeh.

ᐊᐸᔅᑕᓚᒡ 5:17

Ekw an chisheayimiheuchimaau, ekw maak misiwe aniyuuh kaa wiichihiikut aniyuu Sadducee kaa ishinihkaataakanuyitwaauh chii uhteyimeuch aniyuu apastalh ekw kaa naanituu miskahkwaau taanite chechii uhchi chipihchihaatwaau.

1 Corinthians 1:22

Anichii Jewa kaa itiskaanesitwaau maamishkaach waapahtiiwewinh nituweyihtamuch chechii waapahtiyaakanuutwaau yaakw chechii taapwehtahkwaau. Ekw anichii Greek kaa itiskaanesitwaau kachehtaaweyihtamuwiniyuu naashch chihchiwe iteyihtamihiikuuch chechii uhchi taapwehtahkwaau.