Matthew 15:9 - Chishemanituu Utayimuwin: Kaa Uskaach Testament

⁹ Namui aapataniyuu aniyuu e pechi nuuchiishtuutwaau wesh teyakuch wiyawaau uwiishuwewinawaauh chiskutamaacheuch, namui wii aniyuuh Chishemanituu taan kaa ishi pechi pachishtinamiyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᓇᒧᐃ ᐋᐸᑕᓂᔫ ᐊᓂᔫ ᐁ ᐯᒋ ᓅᒌᔥᑑᑣᐤ ᐌᔥ ᑌᔭᑯᒡ ᐎᔭᐙᐤ ᐅᐐᔓᐌᐎᓇᐙᐤᐦ ᒋᔅᑯᑕᒫᒉᐅᒡ, ᓇᒧᐃ ᐐ ᐊᓂᔫᐦ ᒋᔐᒪᓂᑑ ᑖᓐ ᑳ ᐃᔑ ᐯᒋ ᐸᒋᔥᑎᓇᒥᔨᒡ᙮

Matthew 15:9 Iomraidhean Croise

Matthew 15:10

Ekw Jesus kaa wiishaamaat aniyuu iinuuh ekw kaa itaat, “Nituhtamukw taan che ishi wiihtamaatakuch kaye maak wii nisituhtamukw.

Mark 7:7

Namui aapataniyuu aniyuu e pechi nuuchiishtuutwaau wesh teyakuch wiyawaau uwiishuwewinawaauh chiskutamaacheuch, namui wii aniyuuh Chishemanituu kaa pechi pachishtinamiyich. eukw uyuu kaa itisinahahk aniyaa Isaiah.”

1 Corinthians 15:2

Eukuu miywaachimuwin Jesus kaa aayimuumaakanuut kaa aayimuutamaan kaa kacheschimitakuch. Eukuu che pimaachihiikuyekw suuhk mamechiminamekwe. Ekaa maak uu ihtiyekwe ekw kiipaa sheshkwaaht e chii taapwehtamekw che ishinaakuhch ekaa pimaachihiikuyekwe.

1 Timothy 1:4

Wiihtamuuch ekaa chechii aapateyihtahkwaau weskach tipaachimuwinh kaye aniyuu taan kaa ishi pechi itiskaatuyich uwaahkumaakanawaauh anite weskach muyaam chechii iteyihtahkwaau utahchaahkuu pimaatisiiwiniwaahch chechii wiichihiikutwaau uyuu chekwaayuu. Wesh chiishpin uyuu che ihtiwaakwenich ekut chechii uhchi chihchipayihch e kachiihkaamitutwaau. Kaye maak uyuu e ihtitwaau namui mitun wiichihtaauch taan chechii ishi atushkuwaakanuyich Chishemanituu. Taapweyihtamuwinihch maak ekute e ishi atushkuwaakanuut Chishemanituu.

Titus 1:14

Ekaa chihchiwe chechii iteyihtamihiikutwaau aniyuu Jewa iinuu tipaachimuwinh kaye ekaa chechii nituhtuwaatwaau aniyuu aweyuuh kaa aanuwehtamiyich taapwewiniyuu.

Hebrews 13:9

Yaakwaamiikw ekaa chechii wiyeshihiikuyekw chechii ati taapwehtamekw nanaahkuu nitamukw Chiskutamaachewinh. Wesh miywaashuu mitehii chechii yaaichikaapuuhch shaweyihchichewinihch, namui wii miichimihch. Wesh namui wiichihiikuu awen miichimiyuu chechii yaaichikaapuut taapwehtamuwinihch ishi.

James 2:20

Chinitaweyihten aa chechii waapahtiikuyin, chiya chiishkwehkaan, ekaa wiyesh ishinaakuniyich awen utaapwehtamuwin ekaa nuukuniyiche utatushchewin.

Revelation 22:18

Niya, John, nitayaakwaamimaau misiwe awen kaa pehtahk taan e ishi niikaan wiihtaakanuyich utah masinahiikanihch, “An awen che ayihchistaakwe chekwaayuu taan e itwemakaniyich utah masinahiikanihch, Chishemanituu chika ayihchistaayuu kaye wiya taan kaa ishi wiihtaakuniyich utah masinahiikanihch che ishi nanehkaateyimut.