Matthew 15:6 - Chishemanituu Utayimuwin: Kaa Uskaach Testament

⁶ Aniyuu maak e ihtit namui chisteyimeu uhtaawiih. Uu maak e ishi chiskutamaacheyekw chitihtuutuwaawaauch chechii nahiihtahkwaau aniyuu ihtuwinh kaa chiskutamuwekuch ishpish wii Chishemanituu utayimuwiniyuu chechii naanahiihtamuwaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐊᓂᔫ ᒫᒃ ᐁ ᐃᐦᑎᑦ ᓇᒧᐃ ᒋᔅᑌᔨᒣᐤ ᐅᐦᑖᐐᐦ᙮ ᐆ ᒫᒃ ᐁ ᐃᔑ ᒋᔅᑯᑕᒫᒉᔦᒄ ᒋᑎᐦᑑᑐᐙᐙᐅᒡ ᒉᒌ ᓇᐦᐄᐦᑕᐦᒀᐤ ᐊᓂᔫ ᐃᐦᑐᐎᓐᐦ ᑳ ᒋᔅᑯᑕᒧᐌᑯᒡ ᐃᔥᐱᔥ ᐐ ᒋᔐᒪᓂᑑ ᐅᑕᔨᒧᐎᓂᔫ ᒉᒌ ᓈᓇᐦᐄᐦᑕᒧᐙᑣᐤ᙮

Matthew 15:6 Iomraidhean Croise

Matthew 15:5

Mikw maak chiyawaau aahchiiuh e ishi chiskutamaacheyekw, e itweyekw, ‘Awen e chischeyihtahk uniichihiikw e nuuhtepayihch chekwaayuu ekaa maak mitun kuchihtaat chechii wiichihaat teyakuch Chishemanituu e ihtaayich e ishi pachishtinahk aniyuu chekwaayuu,’ chititaawaau ekaa wanipayit aniyuu e ihtit.

Matthew 15:7

Chiyawaau kaa ayimihehkaasuyekw eukw chiyawaau taapwe aniyaa uchischiwehiichesuu Isaiah kaa aayimuumitaataakw.

Mark 7:13

Uu maak e ishi aashuu chischinuhamaacheyekw chipiikunamuwaanaawaau Chishemanituu utayimuwin. Ihtakun maak mihchetu kutak chekwaayuu e ihtiyekw ekaa kuiskw ishinaakuhkwaauh.”

Romans 3:31

Ekw aa maak wiyepinamuhkw wiishuwewin e itweyihkw mikw e taapweyimaat awen Jesus e uhchi kuiskunaakuhaakanuut Chishemanituu ishi e ihtaayich. Namui kiipaa. Teyakuch chichiihkaayeyihtaakuhtaanaanuu taan chihchiwe e itaapatahch an wiishuwewin.

1 Timothy 5:16

E ihtaakwe iskweu e ihtaayich iskweuh e waahkumaat e peyakuyich chipaa wiichiheu uyuuh, ekaawii umaamuuayimihaauch kata uhchi maahtakushkaakuuch uyuuh kaye chechii wiichihaatwaau, aniyuuh yaakw chipaa wiichiheuch tekash kaa peyakuwiitwaau iskweuh ekaa mitun kaa ihtaayich aweyuu chechii naanaakachihiikuyich.

1 Timothy 5:8

Wesh chiishpin awen ekaa mitun waa wawiichihaakwe tipiiwe uwaahkumaakanh kaye aniyuuh anit tipiiwe e peyakuteusiit kaa ihtaayich mitun ekaa taapwehtahk taapwewiniyuu ishinaakusuu uyuu e ihtit. Etituu wiya namui muyaam ihtuu ishpishaat aniyuu ekaa kaa taapwehtamiyich.