Matthew 15:29 - Chishemanituu Utayimuwin: Kaa Uskaach Testament

²⁹ Jesus kaa chistuhtet anit uhchi, ekw anite aniyuu Galilee saakahiikaniyuu kaa ati yaayewet. Ekw kaa shaakachuwet wachiyuu, ekute anite kaa ati waweyapit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᒌᓴᔅ ᑳ ᒋᔅᑐᐦᑌᑦ ᐊᓂᑦ ᐅᐦᒋ, ᐁᒄ ᐊᓂᑌ ᐊᓂᔫ ᑲᓕᓖ ᓵᑲᐦᐄᑲᓂᔫ ᑳ ᐊᑎ ᔮᔦᐌᑦ᙮ ᐁᒄ ᑳ ᔖᑲᒍᐌᑦ ᐗᒋᔫ, ᐁᑯᑌ ᐊᓂᑌ ᑳ ᐊᑎ ᐗᐌᔭᐱᑦ᙮

Matthew 15:29 Iomraidhean Croise

Matthew 13:2

Naashch maak chii ati mihchetiyuu aweyuu e pechi nishtuwiyich anit e ihtaat ekw nitawaach kaa puusit utiyuu ekute maak anite kaa apit, ekw aniyuu aweyuu anite yaayeu chii niipuuyuuh.

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 5:1

Jesus maak chii waapameu e mihchetiyich aweyuuh ekw kaa shaakachuwet anit e piskutauhkaayich, ekut kaa waweyapit. Ekw aniyuu uchischinuhamuwaakanh kaa pechi takushiniyich. Chii ati wiitapimikuu maak,

Mark 1:16

E ati pimuhtet maak Jesus anite yaayeu Galilee saakahiikanihch chii waapameu nuutamesesuuh Simon ekw maak aniyuu wiichiiniyuu Andrew. Mekwaach chii nuutameseyuu ahiipii e aapachihaayich.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

John 21:1

Paatimaa maak ekw miin Jesus kaa nuukushiishtawaat uchischinuhamuwaakanh anite aniyuu saakahiikaniyuu Tiberias kaa ishinihkaateyich. Maaute maak kaa ishi nuukushiishtawaat.

John 6:1

Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.