Matthew 15:27 - Chishemanituu Utayimuwin: Kaa Uskaach Testament

²⁷ Ekw an iskweu kaa itaat, “Chitaapwen Utipeyihchikeu, mikw maak yaapach miichuweuch atimuch uchimaamuwaauh upinituwaaniyuu e pahchishtiniyich anite shiipaa umiichisuunaahtikuyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐁᒄ ᐊᓐ ᐃᔅᑴᐤ ᑳ ᐃᑖᑦ, ᒋᑖᐺᓐ ᐅᑎᐯᔨᐦᒋᑫᐤ, ᒥᒄ ᒫᒃ ᔮᐸᒡ ᒦᒍᐌᐅᒡ ᐊᑎᒧᒡ ᐅᒋᒫᒧᐙᐤᐦ ᐅᐱᓂᑐᐙᓂᔫ ᐁ ᐸᐦᒋᔥᑎᓂᔨᒡ ᐊᓂᑌ ᔒᐹ ᐅᒦᒋᓲᓈᐦᑎᑯᔨᒡ᙮

Matthew 15:27 Iomraidhean Croise

Matthew 15:26

Ekw Jesus kaa itaat aniyuu iskweu, “Namui kuiskw ishinaakun atimuch chechii ishiwepinamuwaakanuutwaau awaasha umiichimiyuu.”

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 5:45

ekw maak che ukusitutaataakw an Kuuhtaawaau anite kihchikiishikuhch kaa ihtaat. Wesh taapishkun miyeu aniyuuh kaa machituutamiyich kaye kaa miyutuutamiyich chechii waashtenamaakuyich piisim, kaye taapishkun miyeu e chimuuniyich aniyuu kaa miyutuutamiyich kaye aniyuu kaa machituutamiyich.

Matthew 8:8

Ekw an shimaakanishuuchimaau kaa itaat aniyuu Jesus, “Namui nitepicheyihtaakusin chechii pechi piihcheyin niwaaskaahiikanimihch. Mikw maak itweh chechii miinuwaatisiit nitaapachihaakan ekw maak che miinuwaatisiit aat ekaa takushiniyine.

Mark 7:28

Ekw kaa itwet an iskweu, “Ehe, chitaapwen, tepeyihchicheyin. Mikw maak waawaach anichii atimuch shiipaa miichisuunaahtikuhch kaa ihtaatwaau maamuushkahtamuweuch taan e ishi pinihtaweyich aniyuu awaasha.”

Luke 16:21

e pukuseyihtahk chechii uhchi tepimiichisuhiisut taan aniyuuh kaa ishi pinihtawaanuyich. Kaye waawaach atim chii takushiniyuu e pechi naanuuhkwaatamiyich aniyeyuu umichii.

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’

Romans 10:12

Misiwe maak awen aayimuumaakanuu utah wesh peyakunihch ishi kanawaapamaakanuuch Jewa kaa itiskaanesitwaau ekw maak ekaa Jewa kaa itiskaanesitwaau. Peyakuu an Utipeyihchikeu misiwe e ishi tipeyihchiket. Misiwe maak aniyuuh kaa nitutamaakut chechii wiichihaat chika shaweyimeu.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

Romans 3:29

Maak e iteyihtamukwe awen, ekw aa maak mikw anichii Jewa kaa itiskaanesitwaau Wechishemanituumitwaau Chishemanituu. Namui aa kaye wiyawaau anichii ekaa Jewa kaa itiskaanesitwaau Uchishemanituumuuch Chishemanituu. Kiipaa kaye wiyawaau anichii ekaa Jewa kaa itiskaanesitwaau wechishemanituumitwaau Chishemanituuh, namui mikw wiyawaau anichii Jewa kaa itiskaanesitwaau.

Romans 3:4

Namui kiipaa, namui mitun chika chii ishinaakuniyuu ekaa maamuyaam chechii ihtit Chishemanituu. Taapweu wiya Chishemanituu aat misiwe awen e nanatayit. Itashteu Chishemanituu utayimuwinihch wiya Chishemanituu e aayimuumaakanuut, Ayimiine misiwe awen chika chischeyihtam e taapweyin. Ekw maak mamishimikuyine e itikuyin e machituutaman chika nuukun taapwe ekaa uhchi ihtuutaman taan e ishi mamishimikuyin.

Ephesians 3:19

Nitutamaan chechii chischeyihtamuwekw usaachihiiwewin, aat e ishinaakuniyich ekaa wiiskaat tekash chechii chischeyihtaakuniyich. Chischeyihtamuwekwe Christ usaachihiiwewin ekw che saakaschineshkaakuwekw Chishemanituu utiteyihtaakusuwin.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.