Matthew 15:24 - Chishemanituu Utayimuwin: Kaa Uskaach Testament

²⁴ Ekw Jesus kaa itaat aniyuu iskweu, “Nichii pechi itishahukuun chechii pechi nituwaapamakwaau mikw anichii iinuuch muyaam kaa wanishihkwaau maanishchaanishach kaa ishinaakusitwaau Jewa kaa itiskaanesitwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐁᒄ ᒌᓴᔅ ᑳ ᐃᑖᑦ ᐊᓂᔫ ᐃᔅᑴᐤ, ᓂᒌ ᐯᒋ ᐃᑎᔕᐦᐅᑰᓐ ᒉᒌ ᐯᒋ ᓂᑐᐙᐸᒪᒀᐤ ᒥᒄ ᐊᓂᒌ ᐄᓅᒡ ᒧᔮᒻ ᑳ ᐗᓂᔑᐦᒀᐤ ᒫᓂᔥᒑᓂᔕᒡ ᑳ ᐃᔑᓈᑯᓯᑣᐤ ᒎᐗ ᐄᓅᒡ ᑳ ᐃᑎᔅᑳᓀᓯᑣᐤ᙮

Matthew 15:24 Iomraidhean Croise

Matthew 15:23

Mikw maak namui mitun uhchi chistuteu Jesus aniyuu iskweu. Ekw uchischinuhamuwaakan kaa pechi nituwaapamikut, kaa aayihkamihiikut e itikut, “Iichechishihuu maa an iskweu, mwestaastaakusuu aniyuu e ishimut e nuushuushkaakuyihkw.”

Matthew 18:11

Pechi naanituwaapameu Iinuu Ukusisa aniyuuh aweyuuh kaa wanishiniitwaauh chechii pimaachihaat.”

Matthew 9:36

Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

ᐊᐸᔅᑕᓚᒡ 13:46

Mikw maak Paul ekw maak Barnabas aahch chii suuhcheyimuuch e itwetwaau, “Chishemanituu nichii nituweyimikunaan chiyawaau Jewa iinuuch niishtam chechii wiihtamaataahch utayimuwin. Mikw maak e aanuwehtamekw ekut wehchi nuukuhch ekaa tepicheyihtaakusiyekw chechii ayaayekw kaachiche pimaatisiiwin. Ekw maak che nakatitaahch, che nituu wiihtamuwachihtwaau Chishemanituu utayimuwiniyuu anichii ekaa Jewa kaa itiskaanesitwaau.

Romans 15:8

Chiwiihtamaatinaawaau, Christ chii takushinuu chechii atushkuwaat Jewa iinuuh, chii wii waapahtiiweu taapwe che ihtuutamiyich Chishemanituuh aniyuu taan kaa itaayich chitaanische waahkumaakanuuh cheshtinaash che ihtuutamuwaayich.