Matthew 15:20 - Chishemanituu Utayimuwin: Kaa Uskaach Testament

²⁰ Eukw maak uyuu chekwaayuu e ihtuutaakut awen chechii machituutahk. Ekw maak wii e miichisuyekw ekaa chishtaapautaayekw chitihchiiwaauh namui wii aniyuu ihtuutaakuu awen chechii machituutahk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐁᐅᒄ ᒫᒃ ᐅᔫ ᒉᒀᔫ ᐁ ᐃᐦᑑᑖᑯᑦ ᐊᐌᓐ ᒉᒌ ᒪᒋᑑᑕᐦᒃ᙮ ᐁᒄ ᒫᒃ ᐐ ᐁ ᒦᒋᓱᔦᒄ ᐁᑳ ᒋᔥᑖᐸᐅᑖᔦᒄ ᒋᑎᐦᒌᐙᐤᐦ ᓇᒧᐃ ᐐ ᐊᓂᔫ ᐃᐦᑑᑖᑰ ᐊᐌᓐ ᒉᒌ ᒪᒋᑑᑕᐦᒃ᙮

Matthew 15:20 Iomraidhean Croise

Matthew 15:19

Wesh mitehiihch uhchipayiyuu machi maamituneyihtamuwin, nipahiiwewin, pisikwaatisiiwin, nitamukw ihtuwin, kachemutuwin, nanatayuwin, kaye maak paashtaamuwin.

Matthew 15:2

“Taan e ihtitwaau anichii chichischinuhamuwaakanich wehchi ekaa nanihiihtahkwaau aniyuu ihtuwiniyuu aniyehkaanaanich kuuhtaawiinuuch kaa aashuu miitahkwaau. Wesh namui ihtuutamuch wiyawaau chechii chishtaapautaatwaau utihchiiwaau eshkw ekaa miichisutwaau.”

Matthew 15:21

Ekw Jesus kaa chistuhtet anit uhchi, anite itehche kaa ituhtet aniyuu aschiiyuu waaskaa kaa ihtakuniyikwaauh aniyuu ihtaawin Tyre ekw maak Sidon kaa ishinihkaateyikwaauh.

Revelation 21:27

Namui chika uhchi pachishtinikanuu chekwaan e maayaatahch chechii ihtakuhch anit an ihtaawin. Namui kaye chika chii piihcheu an awen nitawiin kaa ihtit maak kaa wiich nanatayit. Mikw anichii kaa masinaateyikwaau utishinihkaasuwinawaau anite aniyuuh Maanishchaanish upimaatisiyuu masinahiikaniihch chika chii piihcheuch aniyuu ihtaawiniyuu.

Revelation 21:8

Ekw anichii awenichii ekaa kaa suuhchistehetwaau chechii wiihtahkwaau e taapweyimaatwaau Jesus, anichii kaa chiiwekaapuushtahkwaau taan kaa ishi taapweyimaatwaau Jesus, anichii naashch kaa machaatisiitwaau, anichii kaa nipahaatwaau aweyuu, anichii nanaahkuu kaa ishi wiinisuu pimaatisiitwaau, anichii kaa miteuwaatisiitwaau, anichii kaa nuuchiishtuwaatwaau manituuhkaan ekw maak anichii kaa wiich nanatayitwaau machi ishkuteu saakahiikanihch chika ishuwepinaakanuuch. Eukw uu niishu nipuwin.”