Matthew 15:16 - Chishemanituu Utayimuwin: Kaa Uskaach Testament

¹⁶ Ekw Jesus kaa itaat, “Taapwe namui chichii nisituhtenaawaau kaye chiyawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᒄ ᒌᓴᔅ ᑳ ᐃᑖᑦ, ᑖᐺ ᓇᒧᐃ ᒋᒌ ᓂᓯᑐᐦᑌᓈᐙᐤ ᑲᔦ ᒋᔭᐙᐤ᙮

Matthew 15:16 Iomraidhean Croise

Matthew 13:51

Ekw Jesus kaa itaat, “Chinisituhtenaawaau aa uu kaa ishi wiihtamaatakuch.” “Ehe,” chii iteuch maak anichii chischinuhamuwaakanich.

Matthew 15:10

Ekw Jesus kaa wiishaamaat aniyuu iinuuh ekw kaa itaat, “Nituhtamukw taan che ishi wiihtamaatakuch kaye maak wii nisituhtamukw.

Matthew 15:15

Ekw Peter kaa itaat, “Pechi wiihtamuunaan maa taan e ishi wiihtamaachemakahch uu tipaachimuwin chiskutamaachewin.”

Matthew 15:17

Namui aa chinisituhtenaawaau, misiwe awen taan e ishi piihtahahk utuunihch, wataahch ispayiniyuu, ekw maak e ati wiiwiipayihtaat.

Matthew 16:11

Taanite wehch ekaa chii nisituhtamekw ekaa aaihkunaau uhchi aayimuumak iskutak kaa ititakuch ayaakwaamiistuwaahkuch anichii Phariseech kaye anichii Sadduceech.”

Matthew 16:9

Namui aa chinisituhtenaawaau eshkw. Namui aa chichischisinaawaau niyaayinwaau chishemitaahtumitanuu naapeuch kaa ashamakwaau niyaayin aaihkunaauh uhchi. Taan tahtu maak utapiiwat kaa saakaschinitaayekw taan kaa ishpish iskupayihch an miichim.

Mark 6:52

Wesh taapaa uhchi nisituhtamuch taan e ishi wiihtamaachemakaniyich aniyuu aaihkunaauh kaa ashamaakanuyich niyaayinwaau chishemitaahtumitanuu iinuuh. Namui uhchii nisituhtamuch wesaa e chii maskuutehetwaau.

Mark 7:18

Jesus maak chii itweu, “Namui aa chinisituhtenaawaau kaye chiyawaau. Namui aa chichischeyihtenaawaau taapaa namayeyuu miichimiyuu kaa ihtuutaakut awen wehchi machituutahk,

Mark 9:32

Anichii chischinuhamuwaakanich namui uhchi nisituhtamuch taan e ishi wiihtamaachemakaniyich uyuu kaa itweyich, chii sechisuuch kaye chechii kakwechimaatwaau.

Luke 18:34

Chischinuhamuwaakanich maak namui waach peyakw uhchii nisituhtamuch aniyuu taan kaa ishi ayimitutamiyich.

Luke 24:45

Ekw uyuu kaa ishi wiihtamuwaat chechii piyekasch nisituhtamiyich taan e ishi wiihtamaachemakaniyich Chishemanituu utayimuwinihch.

Luke 9:45

Ekw anichii chischinuhamuwaakanich namui uhchi nisituhtamuch. Namui uhchi chischeyihtamuch taan kaa wii ishi wiihtamaakutwaau Jesus, wesh eshkw namui uhchi miyaakanuuch chechii nisituhtahkwaau. Chii sechisuuch maak chechii kakwechihcheyimutwaau chekwaayuu uyuu kaa itweyich.

Hebrews 5:12

Shaash chipaa chiskutamuwaawaauch awenichii taan e ishi taapwemakaniyich Chishemanituu utayimuwin wesh shaash weskach kaa uhchi taapwehtamekw chiyawaau miywaachimuwin. Mikw maak netuweyihtaakunikwe miin chechii chiskutamaakuyekw taan kaa ishi chiskutamaakuyekw uskach kaa chihchi taapwehtamekw muyaam apistawaashach mikw chuuchuusinaapuih kaa minihaakanuutwaau chititeyihtaakusinaawaau. Wesh namui chii miichuuch wiyaasiyuu apistawaashach.