Matthew 14:33 - Chishemanituu Utayimuwin: Kaa Uskaach Testament

³³ Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐊᓂᒌ ᒫᒃ ᒋᔅᒋᓄᐦᐊᒧᐙᑲᓂᒡ ᐊᓂᑌ ᐅᑎᐦᒡ ᑳ ᐃᐦᑖᑣᐤ ᒌ ᓅᒌᔥᑐᐌᐅᒡ ᒌᓴᔅ ᐁ ᐃᑖᑣᐤ, ᑖᐺ ᒋᔐᒪᓂᑑ ᐅᑯᓯᓴ ᒋᔭ᙮

Matthew 14:33 Iomraidhean Croise

Matthew 14:32

Iskutak maak taapishkun kaa puusitwaau aniyuu utiyuu, ekw mitun kaa ati ywaashtiniyich.

Matthew 15:25

Iskutak maak an iskweu piyehtawaat uyuu e itweyich Jesus, chii pechi niipiskuupayihuu anit Jesus e ihtaayich e itaat, “Utipeyihchikeu pechi wiichihii.”

Matthew 16:16

Ekw Simon Peter kaa ishi nishkweushihaat, “Eukw chiya Christ, an Chishemanituu kaa pimaatisiit Ukusisa.”

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 2:11

Ekw kaa piihchetwaau aniyuu waaskaahiikaniyuu anite kaa ihtaayich Mary, aniyuu maak utawaashiimiyuuh. Iskutak maak wiyaapamaatwaau aniyuu awaasha chii uchihchiihkunipayihuuch e nuuchiishtuwaatwaau. Ekw kaa kuikunahkwaau aniyuuh chekwaayuuh kaawii miyaatwaau aniyuu awaasha, shuuliyaanaapiskwa chii miyeuch, ekw maak aniyuu kaa chii ishkwaasiikanuyich kaa wiihchimaakusiyich kaye kaa shuuliyaauniyich tuuminikaniyuu kaa wiihchimaakusiyich.

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Matthew 27:43

Taapweyimeu Chishemanituuh taapwe maak yaahch che wii wiichihiikuukwe Chishemanituu anuhchiish. Wesh chii iteu, ‘Niya Chishemanituu Ukusisa.’ ”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 28:17

Iskutak maak wiyaapamaatwaau, chii nuuchiishtuweuch aat pasch anit e tashitwaau e chii aanuwehtahkwaau.

Matthew 28:9

Sischikuuch maak chii uhchi nachishkaweuch Jesus ekw kaa itikutwaau, “Wii chiyaameyihtamukw.” Ekw kaa uchihchiihkunipayihutwaau e ihtaayich kaa maakunamuwaatwaau usith ekw kaa nuuchiishtuwaatwaau.

Matthew 4:3

Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

Mark 1:1

Ekut utah chehchipayihch miywaachimuwin e aayimuumaakanuut Jesus Christ Chishemanituu Ukusisa.

Mark 14:61

Namui uhchi chistuu Jesus, namui chekwaayuu uhchi iteu. Miin kaa kakwechimikut aniyuu chisheayimiheuchimaau, “Ewaa chiya Christ, Chishemanituu kaa shaweyihtaakusit Ukusisa.”

Mark 15:39

An maak shimaakanishuuchimaau kaa uhchishkuukaapuushtawaat Jesus iskutak wiyaapamaat shaash e nipiyich, chii itweu, “eukw uyuu taapwe kaa aawiyich Chishemanituu Ukusisa.”

Luke 24:52

Ekw anichii chischinuhamuwaakanich chii nuuchiishtuweuch Utipeyihchikeu ekw kaau kaa chiiwetwaau Jerusalemihch naashch e miyeyihtahkwaau.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

Luke 8:28

Uu maak naapeu iskutak wiyaapamaat aniyuu Jesus, chii ayaashihkweu kaa ati pahchishihk uhchishkuu anit e ihtaayich. Ekw kaa tepwet e itwet, “Jesus, chii kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Ekaawii pechi nanehkaateyimuhiih chiwii ititin.”

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 11:27

“Ehe, Utipeyihchikeu,” chii iteu Martha. “Nitaapwehten chiya e aawiyin aniyuu Chishemanituu kaa pechi itishahwaat, kaye chiya e aawiyin Chishemanituu Ukusisa, aniyuu kaa itwet cheshtinaash che takushiniyich utah aschiihch.”

John 17:1

Iskutak maak Jesus kaa chiishi ayimit, chii tastasaapuu kihchikiishikuhch ishi ekw kaa itwet, “Nuuhtaawii, ekw wetihchipayihch tipahiikan. Waapahtiiwe taan e ishpish chisteyihtaakusit Chikus ekw maak che waapahtiiwet taan e ishpish chisteyihtaakusuut chiya.

John 19:7

Ekw anichii Jewa iinuuch kaa nishkweushihaatwaau Pilate e itaatwaau, “Nitayaanaan wiishuwewin, itashteu anit niwiishuwewinaahch chechii itashuwaanuyich chechii nipahaakanuut aniyuu e chii itwet wiya e aawit Chishemanituuh Ukusisa.”

John 6:69

Nitaapwehtenaan maak kaye nichischeyihtenaan chiya e aawiyin kaa payehchisiit, an kaa pechi itishahukut Chishemanituu.”

ᐊᐸᔅᑕᓚᒡ 8:36

Mekwaach maak e ati pimipayihaakanuutwaau tihtipitaapaanaaskuhch chii utihtamuch anit e ihtakuniyich nipiiyuu, ekw an naapeu kaa itwet, “Mwaan nipii, chekwaan che chipihchihiikuyaan e nituweyihtamaan chechii siikahaahtaakuyaan.”

Romans 1:4

Eyuu maak Chishemanituu chii ukusiitutaakuu. Chishemanituuh maak e chii wanishkaanikut chitipeyihchikeminuu Jesus Christ nipuwinihch uhchi ekut kaa uhchi waapahtiiwet Kaa payehchisiit Ahchaahkw taapwe Chishemanituu Ukusisa e aawiyich Jesus aniyuu uhchi e chii suuhcheyihtaakusiyich.