Matthew 14:31 - Chishemanituu Utayimuwin: Kaa Uskaach Testament

³¹ Tiiwehch maak Jesus chii suwanischeyuu, kaa maakunaat ekw kaa itaat, “Chekwaan wehchi puuniyin e taapwehtaman chechii ihtuutaataan chechii pimuhteyin nipiihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᑏᐌᐦᒡ ᒫᒃ ᒌᓴᔅ ᒌ ᓱᐗᓂᔅᒉᔫ, ᑳ ᒫᑯᓈᑦ ᐁᒄ ᑳ ᐃᑖᑦ, ᒉᒀᓐ ᐌᐦᒋ ᐴᓂᔨᓐ ᐁ ᑖᐺᐦᑕᒪᓐ ᒉᒌ ᐃᐦᑑᑖᑖᓐ ᒉᒌ ᐱᒧᐦᑌᔨᓐ ᓂᐲᐦᒡ᙮

Matthew 14:31 Iomraidhean Croise

Matthew 14:30

Iskutak Peter wiyaapahtahk taan ishpish mistayuutiniyich chii kushtaachuu, ekw kaa ati kushaapet. Chii tepweu maak e itwet, “Utipeyihchikeu, pechi wiichihiih.”

Matthew 14:32

Iskutak maak taapishkun kaa puusitwaau aniyuu utiyuu, ekw mitun kaa ati ywaashtiniyich.

Matthew 16:8

Mikw maak Jesus chii chischeyimeu taan e itweyich, ekw kaa itaat, “Taapwe apishaashuu chitaapwehtamuwinawaau. Chekwaan wehchi ayimitutamekw an ekaa ayaawekw aaihkunaau.

Matthew 17:20

Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

Matthew 6:30

Kaye maak Chishemanituu nihtaauchihtaau mashkushuuh. An maak kaa nihtaauchihkwaauh mashkushuuh anuhchiish kaa chiishikaach, waapahche shaash katachii ishkwaasikanuuh, namui aa chiyawaau uste chiwii miikuwaau chekwaayuu che pushchishkamuwekw, chiyawaau kaa apishaashich chitaapwehtamuwinawaau.”

Matthew 8:26

Ekw Jesus kaa itaat, “Chekwaan wehchi naashch kushtaachiyekw, taapwe nuwach kaa apishaashich chitaapwehtamuwinawaau.” Ekw kaa wanishkaat kaa itashuwaatahk aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii uhchi ywaashtiniyuu.

Mark 1:31

Kaa nituwaapamaat uyuu iskweu kaa utinamuwaat utihchiyuu, ekw kaa wiichihaat e wanishkaayich. Chii nakatikuu maak an iskweu aniyuu kaa chishiteunikusiit. Kaa pisikuut ekw kaa ati aapatisit e mamiyuutuutuwaat.

Mark 1:41

Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

Mark 11:23

Kuiskw chiwiihtamaatinaawaau, awen chechii itashuwaatamukwe uyuu wachiyuu, pihkuchiih ekw anite chihchikamiihch che ishiwepinisuyin, ekaa maak mitun aanuwehtahke chechii ispayiyich uyeyuu, mitun taapwehtahke aniyuu kaa itwet che ispayiyich, ekun che ihtuutamuwaakanuut taan kaa ishi nitaweyihtahk.

Mark 16:7

Maachiikw maak nituu wiihtamuumaahkw uchischinuhamuwaakanh kaye Peter wiihtamuwaahkw, e niikaanihteyich Jesus Galileehch e ituhteyich. Ekute anite che waapamekw, mwehch aniyuu taan kaa ititaakw.”

Mark 4:40

Chii iteu maak Jesus aniyuuh uchischinuhamuwaakanh, “Chekwaan wehchi kushtaachiyekw. Taanite chitaapwehtamuwinawaau.”

Mark 5:41

Kaa utinamuwaat utihchiyuu aniyuu awaasha, kaa itaat, “Talitha, koum.” Ishkwesh, “Wanishkaa chititin,” ishi itweshtamuwaataakanuu uu.

Luke 24:34

Ekw kaa itikutwaau, “Taapwe wesin chii wanishkaau Utipeyihchikeu, wesh chii nuukushiishtaakuu Simon.”

ᐊᐸᔅᑕᓚᒡ 4:30

Wiichihiinaan maak chechii miinuwaachihiichihtwaau kaa aahkusitwaau, kaye kutak maamishkaach ihtuwin chechii ihtuutamaahch, Jesus an kaa payehchisiit chitaapachihaakan utishinihkaasuwin e aapachihtaawachiht.”

1 Timothy 2:8

Nipukuseyimaauch misiwe naapeuch taanite e ati ihtaawaakwenich iskutak e ayimihaatwaau chechii uhpipayihtaatwaau utihchiiwaau mitun tekash e pachishteyimisutwaau Chishemanituu e ihtaayich. Mekwaach maak e ayimihaatwaau namui chipaa uhchi chichishkaakuuch chishuwaasuwiniyuu kaye namui chipaa uhchi ishinaakuniyuu achiyuu e chii chishuwaasiistuwaatwaau aweyuu.

1 Peter 1:5

Chichii taapweyimaawaau Chishemanituu, wiya maak umaskuusiiwin chika kanuweyimikunaawaau piihiim maahchishtai chiishikaayiche. Ekw maak che pimaachihiitaakw wesh ekun muush kaa pe iteyihtahk che ihtuutaataakw.