Matthew 14:3 - Chishemanituu Utayimuwin: Kaa Uskaach Testament

³ Wesh wiya Herod chii itashuwekupane chechii maakunaakanuyich aniyaa John, kaye chechii maahkupitaakanuyich, ekw maak chechii chipahwaakanuyich. Eukw wehchii ihtuutuwaat uyuu aniyuu wiichishaanh Philip wiichiskweuyuuh Herodias kaa ishinihkaasuyich e chii itikut uyuu chechii itashuwet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐌᔥ ᐎᔭ ᐦᐁᕋᑦ ᒌ ᐃᑕᔓᐌᑯᐸᓀ ᒉᒌ ᒫᑯᓈᑲᓄᔨᒡ ᐊᓂᔮ ᒞᓐ, ᑲᔦ ᒉᒌ ᒫᐦᑯᐱᑖᑲᓄᔨᒡ, ᐁᒄ ᒫᒃ ᒉᒌ ᒋᐸᐦᐙᑲᓄᔨᒡ᙮ ᐁᐅᒄ ᐌᐦᒌ ᐃᐦᑑᑐᐙᑦ ᐅᔫ ᐊᓂᔫ ᐐᒋᔖᓐᐦ ᕕᓕᑉ ᐐᒋᔅᑴᐅᔫᐦ ᐦᐁᕎᑎᔭᔅ ᑳ ᐃᔑᓂᐦᑳᓱᔨᒡ ᐁ ᒌ ᐃᑎᑯᑦ ᐅᔫ ᒉᒌ ᐃᑕᔓᐌᑦ᙮

Matthew 14:3 Iomraidhean Croise

Matthew 11:2

John kaa siikahaahtaachet maak chii maakunaakanuu ekw kaa chipahwaakanuut chipahutuukamikuhch. ekute maak anite kaa pehtahk e tipaachimaakanuyich taan e ihtiyich Christ, ekw kaa itishahwaat niishu uchischinuhamuwaakanh anite e ihtaayich Jesus.

Matthew 14:6

Iskutak maak chisheuchimaau Herod tepiskahk chii makusheu ekw aniyuu Herodias utaanisiyuu chii niimiyuu anit uhchishkuu e mihchetinaanuyich. Herod maak naashch chii nahiiwehiikuu aniyuu ishkwesha kaa ihtiyich.

Matthew 4:12

Iskutak Jesus kaa pehtahk John e chii maakunaakanuyich, anite Galilee aschiihch chii ituhteu.

Mark 6:14

Chisheuchimaau Herod maak chii pehtam taan kaa ispayiyich, wesh chii mishihtepayiyuu taan e itaachimaakanuut Jesus. Pasch awenichii chii itweuch, “John siikahaahtaacheu iskachii uu, chii wanishkaanaakanuukupane nipuwinihch uhchi. Eukw uyuu wehchii ihtit uyuuh maamishkaach chekwaayuuh chechii ihtuutahk.”

Mark 6:17

Wiya Herod chii itashuweche chechii maakunaakanuyich John kaye chechii maahkupitaakanuyich ekw maak chipahutuukamikuhch chechii chipahwaakanuyich. Wiichiskweu Herodias chii ihtuutamuweu uyuu wehchii ihtuutawaat John. Uyuu iskweu kaa wiichimaat Herod wiichiinuu Philip aniyuu chii wiichiskwewiyuu.

Mark 6:19

Ekw an Herodias namui uhchi nahiiskaakuukupane aniyuu taan kaa itweyich John ekw kaa nituweyimaat chechii nipahaakanuyich. Mikw maak namui uhchii ihtuutam uyuu,

Mark 6:22

Aniyuu maak Herodias utaanisa chii pechi niimiyuu ekw naashch kaa miyeyihtamiyich Herod kaye misiwe aniyuu aweyuu kaa wiishaamaakanuyich. Ekw chisheuchimaau Herod kaa itaat aniyuu ishkwesha, “Pechi wiihtamuu chekwaan chipaa miyeyihten ayaayin. Mikw che ishi nituweyihtamuwane eukun an che miitaan.”

Mark 8:15

Jesus chii ishi yaakwaamimikuuch, “Yaakwaakw, ayaakwaamiishtamuwaahkw uhpisikanimuwaau Phariseech kaye maak Herod uhpisikanim.”

Luke 13:1

An maak mekwaach chii ihtaauch anit iinuuch e chii wiihtamuwaatwaau Jesus taan kaa ihtuutawaakanuyich pasch iinuu Galilee aschiihch kaa uhchiyich. Chisheuchimaaukuuhpaaneu Pilate e ishinihkaasut e chii nipahaayich aniyuu iinuuh mekwaach e chii wii machishtawehamuwaatwaau Chishemanituu anichii iinuuch aniyuu awesiisa kaa nipahaatwaau.

Luke 13:31

Aniyuu maak mekwaach chii ihtaauch Phariseech e pechi nituwaapamaatwaau Jesus. Chii iteuch maak, “Maachiih iiches utah ihtaawinihch, aahchiiuh nete ituhte, wesin Chisheuchimaau herod chiwii nipahiikw.”

Luke 23:11

Ekw maak Herod kaye ushimaakanshiimh chii wiyaahuuch Jesus e maayeyimaatwaau kaye aayaahch e ihtuutawaatwaau e pushchishkamutiyaatwaau akuhpiyuu e miywaashiyich. Ekw maak Herod kaau kaa chiiwetishihwaat Jesus, Pilate e ihtaayich.

Luke 23:7

Iskutak maak chescheyihtahk Pilate Galileehch e uhchiikupanen Jesus ekw kaa itishahwaat Herod e ihtaayich wesh Galilee aschiihch chii chisheuchimaawiyuuh. Mekwaach maak anit Jerusalemihch chii ihtaau Herod.

Luke 3:1

Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

Luke 8:3

Kaye Joanna chii wiichihiiweu. Uu iskweu Chuza chii ishinihkaasuyuuh unaapem, chii uchimaau aapatisiyuu, chisheuchimaau Herod chii atushkuweyuu. Kaye maak Susanna chii wiichihiiweu. Mihchetu maak miin kutakach iskweuch chii wiicheweuch Jesus. Tipiiwe maak ushuuliyaamuwaau chii aapachihtaauch uchii iskweuch e wiichihaatwaau Jesus kaye aniyuu uchischinuhamuwaakaniyuuh.

ᐊᐸᔅᑕᓚᒡ 12:1

Ekut maak anit wiyesh Chisheuchimaau Herod kaa chihchi nanehkaachihaat pasch aniyuu umaamuuayimihaauh.

ᐊᐸᔅᑕᓚᒡ 4:27

Eukun maak taapwe e ispayihch anuhchiish wesh chisheuchimaau Herod, kaye an uchimaau Pontius Pilate, ekw maak anichii Jewa iinuuch, kaye maak anichii ekaa Jewa kaa itiskaanesitwaau nishtuwiyuuch e nishkuushtuwaatwaau Jesus, aniyuu kaa wiyaapamaat kaa payehchisiyich chitaapachihaakanh.