Matthew 14:29 - Chishemanituu Utayimuwin: Kaa Uskaach Testament

²⁹ Ekw Jesus kaa itaat, “Aashtam.” Ekw Peter kaa kapaat che nituwaapamaat aniyuu Jesus nipiihch e pimuhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᐁᒄ ᒌᓴᔅ ᑳ ᐃᑖᑦ, ᐋᔥᑕᒻ᙮ ᐁᒄ ᐲᑕᕐ ᑳ ᑲᐹᑦ ᒉ ᓂᑐᐙᐸᒫᑦ ᐊᓂᔫ ᒌᓴᔅ ᓂᐲᐦᒡ ᐁ ᐱᒧᐦᑌᑦ᙮

Matthew 14:29 Iomraidhean Croise

Matthew 14:28

Ekw Peter kaa itaat, “Utipeyihchikeu, taapwe e aawane chiya, pechi iishih chechii nituwaapamitaan nipiihch e pimuhteyaan.”

Matthew 14:30

Iskutak Peter wiyaapahtahk taan ishpish mistayuutiniyich chii kushtaachuu, ekw kaa ati kushaapet. Chii tepweu maak e itwet, “Utipeyihchikeu, pechi wiichihiih.”

Matthew 17:20

Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

Matthew 21:21

Ekw Jesus kaa itaat, “Chiwiihtamaatinaawaau, ekaa mitun che uhchi aanuwehtamuwekwe mitun che taapwehtamuwekwe, chika chii ihtuutawaawaau kaye chiyawaau taan kaa ihtuutuuk uu misishuuminaahtikw. Namayeu mikw an chekwaan chechii ihtuutamekw kaye chika chii itashuwaaten wachii, ‘Ishiwepinisuh anite chihchikamiihch.’ Chika pishichihiikuun maak.

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

Luke 17:6

Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

ᐊᐸᔅᑕᓚᒡ 3:16

Aniyuu e suuhcheyihtaakuniyich Jesus utishinihkaasuwin eukw uyuu wehchi miinuwaatisiit uu naapeu. Chichii chischeyimaawaau kaye chichii waapamaawaau taan kaa ishinaakusit. Chichii waapamaawaau maak anit uhchishkuu e ihtaayekw kaa minuwaachihaakanuut aniyuu e taapweyimaat Jesus uhchi.”

Romans 4:19

Shaash maak chekaat chii mitaahtumitanuupunesuu Abraham uyuu kaa itaakanuut che ihtuutamuwaakanuut. Yaapach maak peyakun chii ishpish taapweyimeu Chishemanituuh. Kaa ishpish chii suuhchipayiyich e taapweyimaat namui mitun uhchi aanuwehtam che utawaashiimitwaau aat e chii chischeyimisut ekaa shaash chechii uhtaawimaaut kaye aniyuuh wiich chisheishkwesha e chii chischeyimaat cheshtinaash shaash ekaa chechii utawaashiimiyich.

Philippians 4:13

Taan mikw che ispayiwaane misiwe nika chii shaapushken wesh Christ nimiikw suuhkaatisiiwiniyuu.