Matthew 14:25 - Chishemanituu Utayimuwin: Kaa Uskaach Testament

²⁵ Chekaat maak chii petaapaniyuu, wiyesh chistuuch nishtu ekw maak kutwaashch e ispayiyich ekw Jesus kaa nituwaapamaat aniyuu uchischinuhamuwaakanh, nipiihch e pimuhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒉᑳᑦ ᒫᒃ ᒌ ᐯᑖᐸᓂᔫ, ᐎᔦᔥ ᒋᔅᑑᒡ ᓂᔥᑐ ᐁᒄ ᒫᒃ ᑯᑣᔥᒡ ᐁ ᐃᔅᐸᔨᔨᒡ ᐁᒄ ᒌᓴᔅ ᑳ ᓂᑐᐙᐸᒫᑦ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ, ᓂᐲᐦᒡ ᐁ ᐱᒧᐦᑌᑦ᙮

Matthew 14:25 Iomraidhean Croise

Matthew 24:43

Wii nisituhtamukw maak uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch.

Mark 13:35

Yaakwaamiikw wesh taapaa chichischeyihtenaawaau taaishpish che takushinit kuuchimaamuwaau kaa naanaakachihtaawekw wiichi, e utaakushiyich che takushinikwe, maak aapihtaatipiskaayiche maak petaapaniiche, maak paatish e waapaniich che takushinikwe.

Mark 6:48

Chii waapameu uchischinuhamuwaakanh naashch e maastaayich e pimiskaayich, wesh chii nakaayaasiyuuh. Ekw maak eshkw e tipiskaashiyich wiyesh chistuuch nishtu ekw maak kutwaashch e ispayiyich Jesus chii naateu uchischinuhamuwaakanh nipiihch e pimuhtet. Chipaa ati miyaaskaweu kiipaa,

Luke 12:38

Kata shaweyihtaakusuuch anichii aapachihaakanich ayeskuwiitwaawenich iskutak takushiniyichen uchimaamuwaauh aat aapihtaatipiskaayiche maak kaye pwaashtuu takushiniyichen.

John 6:19

Nishtu maak neu aschiiyuu tipahiikan chii ishpish pimiskaachenich ekw kaa waapamaatwaau Jesus. Chii pechi naatikuuch anite utihch e ihtaatwaau nipiihch e pimuhteyich. Naashch maak chii kushtaachuuch.

Revelation 10:2

Chii tahkunam masinahiikanishiyuu utihchiihch. E chii aapahwetinikanuyikupane. Ekw aniyuu unihiiusit anite itehche chihchikamiihch chii ishi tahkuscheu ekw aniyuu unimihchiiusit aschiihch chiishi tahkuscheu.

Revelation 10:5

Ekw an enchil napate anite chihchikamiihch ekw maak napate aschiihch kaa ishi tahkuschet kaa uhpanishchepayihtaat unahiitihchii kihchikiishikuhch ishi.

Revelation 10:8

Ekw miin kaa pehtuuk an awen kaa pechi ayimihiit kihchikiishikuhch uhchi e pechi iishit, “Maachiih utinim aniyuu masinahiikanishiyuu kaa aapahiisteyich utahchiihch an enchil anite chihchikamiihch kaye aschiihch kaa ishi tahkuschet.”