Matthew 14:19 - Chishemanituu Utayimuwin: Kaa Uskaach Testament

¹⁹ Ekw Jesus kaa itaat aniyuu iinuuh chechii apiyich anite mashkushiihch. Ekw kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii papihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinamuwaayich aniyuu iinuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐁᒄ ᒌᓴᔅ ᑳ ᐃᑖᑦ ᐊᓂᔫ ᐄᓅᐦ ᒉᒌ ᐊᐱᔨᒡ ᐊᓂᑌ ᒪᔥᑯᔒᐦᒡ᙮ ᐁᒄ ᑳ ᐅᑎᓈᑦ ᐊᓂᔫ ᓂᔮᔨᓐ ᐋᐃᐦᑯᓈᐤ ᑲᔦ ᐊᓂᔫ ᓃᔓ ᓇᒣᓴ, ᐃᔥᐱᒥᐦᒡ ᑳ ᐃᔑ ᑕᔅᑕᓵᐱᑦ ᐁ ᓇᓈᔅᑯᒫᑦ ᒋᔐᒪᓂᑑ᙮ ᒌ ᐸᐱᐦᑴᐱᑌᐤ ᒥᓯᐌ ᐊᓂᔫᐦ ᐋᐃᐦᑯᓈᐤᐦ, ᐁᒄ ᑳ ᒥᔮᑦ ᐅᒋᔅᒋᓄᐦᐊᒧᐙᑲᓐ ᒉᒌ ᒫᑎᓇᒧᐙᔨᒡ ᐊᓂᔫ ᐄᓅ᙮

Matthew 14:19 Iomraidhean Croise

Matthew 14:18

Ekw Jesus kaa itaat, “Petaakw an miichim.”

Mark 6:39

Ekw maak Jesus kaa itaat uchischinuhamuwaakanh chechii itaayich aniyuuh iinuuh chechii maminepiyich anit mashkushiihch.

Mark 6:41

Ekw Jesus kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii pahpihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinaweyich. Kaye aniyuuh niishu namesa chii maatinamuweu chechii maatinamuwaayich misiwe aweyuuh anit kaa ihtaayich chechii miichisuyich.

Mark 7:34

Ishpimihch maak chii ishi tastasaapuu Jesus e yahkataamut, ekw kaa itaat aniyuu naapeu, “Ephphatha.” Uyuu maak kaa itwet, “Aapahiipayih, ishi itweshtamuwaataakanuu.”

Luke 22:17

Chii utinam minihkwaakaniyuu, kaa nanaaskumaat Chishemanituu ekw kaa itaat uchischinuhamuwaakanh, “Utinamukw uu, minihkwekw misiwe e tashiyekw.

Luke 22:19

Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.”

Luke 24:30

Iskutak maak waachimiichisuumaat chii utineu aaihkunaau, chii nanaaskumuu kaye chii pahkweneu ekw kaa maatinamuwaat.

Luke 9:14

Wiyesh niyaayinwaau chishemitaahtumitanuu chii tashiichenich naapeuch anit e itashinaanuuhch. Jesus kaa itaat aniyuu chischinuhamuwaakanh, “Itaahkuch anichii iinuuch, naaniyaayinumitanuu chechii tahtupitwaau peyakw aniyuu e minepitwaau.”

Luke 9:16

Ekw Jesus kaa utinaat aniyuu niyaayin aaihkunaauh kaye aniyuu niishu namesa, ishpimihch kaa iitaapit e nanaaskumaat Chishemanituu. Kaa papahkwenaat aniyuuh aaihkunaauh ekw kaa miyaat aniyuu uchischinuhamuwaakanh chechii maatinamuwaayich aniyuu iinuuh.

John 11:41

Ekw kaa iichehtahaatwaau aniyuu asinii. Jesus maak e tastasaapit chii iteu, “Nuuhtaawii chinanaaskumitin e pechi nituhtuyin.

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.

ᐊᐸᔅᑕᓚᒡ 27:35

Iskutak maak kaa itwet uyuu Paul, ekw kaa utinaat palet, kaa nanaaskumaat Chishemanituu uhchishkuu misiwe aniyuu naapeuh e ihtaayich, kaa pahkwenaat aniyuu palet, ekw kaa muwaat.

Romans 14:6

An awen kaa ihtakuniyikwaauh e chiishikaayikwaauh uste e iteyihtamihiikut ishpish kutak, wii chisteyimeu Utipeyihchikeu uyuu e ihtit. Ekw an awen mikw e ishinaakuniyich chekwaayuu kaa miichit wii chisteyimeu Utipeyihchikeu uyuu e ihtit wesh nanaaskumeu Chishemanituuh aniyuu miichimiyuu. Kaye maak an awen ekaa mikw e ishinaakuniyich chekwaayuu kaa miichit wii chisteyimeu kaye wii Utipeyihchikeu uyuu e ihtit. Kaye wiya maak nanaaskumeu Chishemanituu.

1 Corinthians 10:16

An e kuuminiyuyihkw chinanaaskumaanuu Chishemanituu Christ umihkw e chii siikahiikaateyich nesht upimaatisiiwin e chii patishtinahk Christ. Wesh an shuuminaapuu kaa minihkweyihkw nesht an aaihkunaau kaa utinahk ekut nuukuhtaayihkw Christ e chii nipistamaatahkw ati chechii uhchi wepeyihtamaakuyihkw chimachihtwaawinuuh.

1 Corinthians 10:31

Maau chipaa ihtinaawaau. Misiwe chekwaan e ihtiyekw, e miichisuyekw maak e minihkweyekw, chipaa ihtuutenaawaau Chishemanituu mikw chechii chisteyimaakanuut.

1 Corinthians 11:24

Kaa nanaaskumaat Chishemanituuh. Ekw kaa pahkwenaat aniyuu aaihkunaauh, e itwet, “Utinaahkw uu, muwaahkw, eukuu niyuu maayitakuch. Muwaahkw uu aaihkunaau e chischisiitutauyekw.”

Colossians 3:17

Misiwe chekwaan e ihtuutamekw kaye taan e itweyekw, Utipeyihchikeu Jesus utishinihkaasuwinihch chipaa ishi ihtuutenaawaau e nanaaskumekw Chishemanituu Kuuhtaawinuu wiya Jesus uhchi.