Matthew 14:11 - Chishemanituu Utayimuwin: Kaa Uskaach Testament

¹¹ Ekw kaa petaakanuyich aniyuu ustikwaaniyuu wiyaakanihch e chii ashtaakanuyich, kaa miyaakanuut an ishkwesh, kaa ituhtutawaat aniyuu ukaawiih aniyuu mistikwaaniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐁᒄ ᑳ ᐯᑖᑲᓄᔨᒡ ᐊᓂᔫ ᐅᔅᑎᒀᓂᔫ ᐎᔮᑲᓂᐦᒡ ᐁ ᒌ ᐊᔥᑖᑲᓄᔨᒡ, ᑳ ᒥᔮᑲᓅᑦ ᐊᓐ ᐃᔥᑴᔥ, ᑳ ᐃᑐᐦᑐᑕᐙᑦ ᐊᓂᔫ ᐅᑳᐐᐦ ᐊᓂᔫ ᒥᔅᑎᒀᓂᔫ᙮

Matthew 14:11 Iomraidhean Croise

Matthew 14:10

Ekw maak kaa itashuwet chechii chimakwehwaakanuyich John anite chipahutuukamikuhch e ihtaayich.

Matthew 14:12

Ekw John uchischinuhamuwaakanh kaa takushiniyich, kaa utinamuwaatwaau aniyuu wiiyuuyuu, kaa nahiihkamuwaatwaau, ekw kaa nituu wiihtamuwaatwaau Jesus.

Matthew 14:8

Ekw an ishkwesh kaa nituwaapamaat aniyuu ukaawiih, ekw kaa itikut chechii itwet, chechii chimakwehwaakanuyich John siikahaahtaacheu ekw aniyuu ustikwaaniyuu wiyaakanihch chechii ashtaakanuyich chechii petaakanuyich maak anit e ihtaat.

Revelation 16:6

Wesh naapeuh chii nipahiikuuch anichii uchischiwehiichesuuch kaye anichii kaa taapwehtahkwaau. Ekw maak, chiya Chishemanituu, maayitwaau mihkuyuu chechii minihkwetwaau anichii awenich kaa nipahaatwaau uyuuh. Tepicheyihtaakuniyuu maak uyuu chechii ihtuutuutwaau aniyuu e chii pechi ihtitwaau.”

Revelation 17:6

Nichii waapamaau maak an iskweu e miyuhkasut e chii minihkwewaat umihkuyuu kaa taapwehtamiitwaauh ekw maak umihkuyuu aniyuuh kaa nipahaakanuyikupanenh e taapweyimaayich Jesus. Iskutak maak kaa waapamak naashch nichii maskaasinawaau.