Matthew 13:57 - Chishemanituu Utayimuwin: Kaa Uskaach Testament

⁵⁷ Namui uhchi nihiiskaakuuch aniyuu Jesus. Mikw maak Jesus chii iteu, “An awen kaa uchischiwehiichesuut chisteyimaakanuu aihch ihtaawinihch ekw anit tipiiwe utaschiihch e ihtaat namui aapateyimaakanuu. Waawaach aniyuu anit kaa peyakuteusiit kaa ihtaayich namui chisteyimikuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁷ ᓇᒧᐃ ᐅᐦᒋ ᓂᐦᐄᔅᑳᑰᒡ ᐊᓂᔫ ᒌᓴᔅ᙮ ᒥᒄ ᒫᒃ ᒌᓴᔅ ᒌ ᐃᑌᐤ, ᐊᓐ ᐊᐌᓐ ᑳ ᐅᒋᔅᒋᐌᐦᐄᒉᓲᑦ ᒋᔅᑌᔨᒫᑲᓅ ᐄᐦᒡ ᐃᐦᑖᐎᓂᐦᒡ ᐁᒄ ᐊᓂᑦ ᑎᐲᐌ ᐅᑕᔅᒌᐦᒡ ᐁ ᐃᐦᑖᑦ ᓇᒧᐃ ᐋᐸᑌᔨᒫᑲᓅ᙮ ᐙᐙᒡ ᐊᓂᔫ ᐊᓂᑦ ᑳ ᐯᔭᑯᑌᐅᓰᑦ ᑳ ᐃᐦᑖᔨᒡ ᓇᒧᐃ ᒋᔅᑌᔨᒥᑰ᙮

Matthew 13:57 Iomraidhean Croise

Matthew 11:6

Shaweyihtaakusuu maak an awen ekaa che niyehtaaweyimikwe.” Ekun kaa itaat Jesus aniyuu Johna uchischinuhamuwaakaniyuuh.

Matthew 13:58

Ekw maak aniyuu ekaa uhchi ayaayich taapwehtamuwiniyuu, namui mihchetu maamishkaach chekwaayuuh uhchi ihtuutam anit.

Mark 6:1

Chii nakatam Jesus aniyuu anit kaa ihtaat ekw kaa ituhtet anite aniyuu ihtaawiniyuu kaa nihtaauchinaakanuut, Nazareth kaa ishinihkaateyich. Chii wiicheukuu maak uchischinuhamuwaakanh.

Mark 6:14

Chisheuchimaau Herod maak chii pehtam taan kaa ispayiyich, wesh chii mishihtepayiyuu taan e itaachimaakanuut Jesus. Pasch awenichii chii itweuch, “John siikahaahtaacheu iskachii uu, chii wanishkaanaakanuukupane nipuwinihch uhchi. Eukw uyuu wehchii ihtit uyuuh maamishkaach chekwaayuuh chechii ihtuutahk.”

Mark 6:3

Namui aa eukw uyuu kaa mistikunaapewiyich Mary ukusisa. Namui aa eukw uyuu wiichiinuuwaau James, Joses, Judas ekw maak Simon. Namui aa utah wiichiyuu kaye uwiichishaaniskwemh.” Eukw uyuu kaa ishi kakwechimitutwaau wesh taapaa uhchi nahiiskaakuuch taan kaa ihtiyich Jesus.

Mark 6:4

Ekw Jesus kaa itaat, “An awen kaa uchischiwehiichesuut chisteyimaakanuu aihch ihtaawinihch ekw anit tipiiwe utaschiihch e ihtaat namui aapateyimaakanuu. Namui mechim chisteyimikuu uwaahkumaakan kaye aniyuuh anit e peyakuteusiit kaa ihtaayich.”

Luke 4:24

Mikw maak chititinaawaau, an awen kaa uchischiwehiichesuut namui aapateyimaakanuu anit aniyuu ihtaawiniyuu kaa nihtaauchit.

Luke 7:23

Shaweyihtaakusuu an awen ekaa che niyehtaaweyimikwe.”

John 4:44

Wesh chii itweche Jesus, “Namui chisteyimaakanuu uchischiwehiichesuu anite aniyuu aschiiyuu kaa uhchiit.”

John 6:42

Ekw kaa itwetwaau, “Namayeu aa uu Jesus, Joseph ukusisa. Nichischeyimaanaan uhtaawiih kaye ukaawii. Chekwaayuu maak wehchi itwet kihchikiishikuhch e uhchiit.”

John 6:61

Jesus maak chii chischeyimeu, aat ekaa uhchi wiihtamuwaakanuut, taan e itituyich ekw kaa itaat, “Kuushtuweyihtamihiikunaawaau aa uu kaa itweyaan.